Ezekiyele 22:7 - Livulu lya Shukulu Kalunga

⁷ Naumo wai ali muno mu nganda alinakusingimika visemi vendi. Mulinakukwisa vaka-kwija nakuyandesa vifwile na visiwa.

Ezekiyele 22:7 Iomraidhean Croise

Myaso 94:5

Mapwepwe valinakutsena vanu vove yove Shukulu Kalunga, co valinakuvayandesa manene.

Myaso 94:6

Vatsiya vifwile na visiwa, nakutsiya lalo vangenzi vaje vali mu lifuti lyetu.

Kutuuka 20:12

“Singimikeni vaishweni na vanyokweni, ngeci mukayoye simbu yakama mu lifuti lije linjikamyana yange Kalunga Njambi yeni.

Kutuuka 21:17

“Woshe uje asinga ishe nambe vaina, vanapande kumutsiya.

Kutuuka 23:9

“Kesi mupangese muka-kwija mwamuvi, mwazivuka vati muka-kwija akalizivi mu mbunge yendi, omwo neni mwapwile vaka-kwija mu Ingito.

Visimo 20:20

Nga usinga visemi vove, co mwonyo wove ukahwa ngwe ndeya yakuzima omo simbu yove kanda yete.

Visimo 30:11

Kuli vanu vamo vakasingi vaishavo, co kuvesi kushangala vainavo.

Visimo 30:17

Munu woshe uje ashendumuna ishe, nambe kujeneka kwononoka vaina, napande kuliwa ku makuvi nambe makololo kumucakuvula mesho endi.

Isaya 1:17

lilongeseni kuyoya mwamuvwa. Moneni ngeci vushunga vulinakulingiwa, kwaseni vaje valinakuyanda, aneni visiwa vije vyavapande, co nyungeni vifwile.”

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Njelemiya 7:6

Kesi muyandese vangenzi, na visiwa, na vifwile. Kesi mutsiye vanu vakujeneka mulonga mu lifuti lino. Kesi mulemese vinjambi veka vakaminyongesa.

Ezekiyele 18:12

Muka-kukwisa tuutu, nakwiva, nakushweka vije vyamwanene muka-kukumuna kupwa cishimbikiya. Muka-kuya ku mitambela ije vakalemesela vaka-kujeneka kukulaela, nakulemesa tumponya twa vunyengwe,

Ezekiyele 22:25

Vantwama vavo vanapu ngwe vindumba valinakwaana omo vasanyozola tusitu vaje vavanatsii. Vatsiya vanu nakwambata vimbongo vyoshe na vufuko vuje vuvawana, co akutsiya kwavo oku, valinakupwisa vanakazi vavangi vifwile.

Ezekiyele 22:29

Vaka-kufuka valinakukwisa nakwiva. Co vayandesa tuutu nakunyanyamena vaka-kwija.

VaLevi 20:9

“Nga Munu atuka ishe nambe vaina vamutsiye, omwo kutsa kwendi kwakulishakela ikeye vavenya.

Zakaliya 7:10

Kesi muyandese vifwile, nambe visiwa, nambe vaka-kwija vaje vali akati keni, nambe munu woshe uje najeneka. Co kesi mweseke kutumba matumbe akuvulumuna vakweni embwe!’

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Mako 7:10

Omwo Mosesa washikile ngwendi, ‘Singimika isho na vanyoko.’ Co, ‘Woshe uje asinga ishe nambe vaina vanapande kumutsiya.’

Kwituluka mu Mashiko 24:17

“Kesi mukaengese n̄anda ya vaka-kwija nambe ya visiwa, nambe kwambata cikoveyo ca fwile kupwa cishimbikiya embwe.

Kwituluka mu Mashiko 27:16

“ ‘Cisingo ca Njambi cikale ali munu woshe uje kasingimika va ishe nambe vaina.’ “Co vanu voshe vakakumbulula ngwavo, ‘Ewa!’

Kwituluka mu Mashiko 27:19

“ ‘Cisingo ca Njambi cikale ali munu woshe uje ahengesa vin̄anda vya vaka-kwija, na visiwa, na vifwile.’ “Co vanu voshe vakakumbulula ngwavo, ‘Ewa!’

Kwituluka mu Mashiko 5:16

“ ‘Singimikeni vaishweni na vanyokweni, ngeci mukayoye simbu yakama mu lifuti lije linjikamyana yange Kalunga Njambi yeni.