Ezekiyele 22:31 - Livulu lya Shukulu Kalunga

³¹ Ngecivene, vukalu vwange vukakala ali vakevo omwo vije vivanalingi, co njikavanyongesa ngwe muje mutukanyongesa tuhya.” Shukulu Kalunga wa Akamwa ya Vyoshe nendekamo.

Ezekiyele 22:31 Iomraidhean Croise

Visimo 1:31

Ngecivene, mukawana vije vimwashakele, co mukakuta na vilinga vyeni.

Isaya 10:5

Shukulu Kalunga wendekele ngwendi, “Njipangesa Asilya kupwa mulamu wakupupisa vaje vanjinaluvalela.

Isaya 13:5

Valinakutunda ku mafuti a kulyala a ku shongo ya asi. Co Shukulu Kalunga akamwesa vukalu vwendi mukunyongesa lifuti.

Isaya 29:2

co Njambi akanena tuyando a nganda eyi ivatumbula “Mutula wa Njambi.” Co kukakala kulila nakuulula, nganda yoshe ikapwa ngwe mutula wakufwika na maninga.

Isaya 30:27

Nzili ya Shukulu Kalunga na vumpau vwendi wasa kuvimwena alyala. Tuhya na vwisi vimwesa vukalu vwendi. Ikeye endeka, co majwi endi ashukuma ngwe tuhya.

Njelemiya 8:13

“Njashakele kukungulula vanu vange, ngwe munu akungulula vimbuto vyendi, oloni vanafu ngwe mukolovozi wa vushuka vwa vinyu wa vushuka, nambe ngwe muti wa mukuyu wakujeneka mikuyu, na maputa awo anajujwama. Ngecivene, njinatavesa vanu veka kutambula lifuti.”

Mbimbi 4:11

Shukulu Kalunga wecelele vukalu vwendi vwakama, washwamekele tuhya a Siyone tuje twayenyekele yoshe njwa.

Ezekiyele 11:21

Oloni njikanyanyamesa lika vanu vaje vazema kulemesa vyakujwala, na tumponya twa vunyengwe. Njikavanyanyamesa omwo vije vivanalingi.” Shukulu Kalunga wa Akamwa ya Vyoshe, nendekamo.

Ezekiyele 16:43

Yove unevala munjakulingile omo wapwile u mwanike, co unanjiluvalesa a vyuma vyoshe vije viwalingile. Mukemwo njinakulingisa ngeci ufwete omwo a vije vyoshe. Omwo vikajo unaakelako lalo vupangala ku vyuma vyoshe vya vunyengwe vije viwalingile?” Mwanendeka Shukulu Kalunga wa Akamwa ya Vyoshe.

Ezekiyele 22:20

mu ngila imo vene ngwe muvakavwaesa vinyanya vya siliva, na vunengu, na vutale, na shumbu, na citasu mu lutengo. Co vukalu vwange na litoto lyange, vikavasangununa, ngwe tuhya mutukasangununa vinyanya vya siliva.

Ezekiyele 23:1

Shukulu Kalunga wendekele kuli yange ngwendi,

Ezekiyele 30:8

Omo njikenyeka Ingito, co vaje vaka-kuyivingilikiya vakatsa, asinoni vakazivuka ngeci yange njapwa Kalunga.

Ezekiyele 7:3

“Isalele, kukotoka cinete. Njikaluvala nove, omwo njikakusompa a vije viwunalingi. Njikakwilwisila vilinga vyove vya vunyengwe vyoshe viwunalingi.

Ezekiyele 7:4

Nalumo lwai njikakusezao, nambe kukuzivila mema ku mbunge. Njikakunyanyamesa omwo a vyuma vya vunyengwe vije viwunalingi, ukazivuke ngeci kuma yange Kalunga.”

Ezekiyele 9:10

Oloni kunjikavazivilako mema ku mbunge, njikalinga kuli vakevo ngwe vije vivanalingi kuli vakwavo.”

Kujombolola 16:1

Asinoni njazivile lijwi lyakama lyatundile mu Njuvo ya Shukulu Kalunga lyendekele kuli tungelo vatanu na vavali ngwalyo, “Yeni muketile asi aje malonga atanu na avali a vukalu vwa Njambi!”