Ezekiyele 22:30 - Livulu lya Shukulu Kalunga

³⁰ Yange njashakezekele munu umo uje asa kutunga civumbe, nakwimana mu mitambela muje munatavozoka vivumbe, nakunyunga lifuti omo vukalu vwange vushaka kulinyongesa, oloni naumo wai njawanenemo.

Ezekiyele 22:30 Iomraidhean Croise

2 Vimyene 14:26

Shukulu Kalunga wamwene tuyando twakukomokesa twa vaIsalele, co kukwakele lalo weka wakuvakwasa.

Yombi 35:8

Vuvi vwove vwasa kuviisa mukweni munu, co vuvwa vuulinga kuli ikeye vwasa kukwasa mukweni munu.

Myaso 106:23

Ngecivene, Njambi wendekele ngwendi akanyongesa vanu vendi, oloni Mosesa ngamba yendi uje yaangwile wemanene mukati ku mesho a Njambi nakuvindika vukalu vwendi ngeci kesi avanyongese.

Myaso 94:16

Iyajo wanjikwasele nakulwisa vaka-vuvi? Iyajo wemanene nange nakulwisa vanu vavavi?

Isaya 59:16

Ikeye nalikomokela manene akumona ngeci kukwesi uje akwasa vaka-kuyanda. Ngecivene, akapangesa livoko lyendi lya nzili mukuvapatula nakuhyana.

Isaya 63:5

Naumo wai wanjikwasele. Livoko lyange lya nzili lyahyanene nzita, omwo vukalu vwange vwalitakamesele.

Isaya 64:7

Naumo wai ali na kukulemesa, co naumo wai alinakumwesa kulongwa kwendi kuli yove. Yove unatukengesa nima, co unatuseze ngeci vuvi vwetu vutunyongese.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 5:1

Vanu va mu Yelusalema, itanganeni mu vitapalo vyeni! Kengezekeni noku-noku! Shakezekeni mu mitambela yakulandesela! Kengeni nga muwanamo munu umo muka-kulinga vya vushunga na kulongwa kuli Njambi. Nga mumuwana, co Shukulu Kalunga akasambesa Yelusalema.

Njelemiya 8:6

Njatolililile mwamuvwa, oloni kumwendekele vushunga. Naumo wai wa ali yeni ali na vusiwa vwa vuvi vwendi, co lalo naumo wai wa ali yeni wehwile ngwendi, ‘Vuvi mukajo njinalingi?’ Munu na munu alinakuya mu ngila yendi, ngwe kavalu ashatukila mu nzita.

Ezekiyele 13:5

Kuvesi nakunyunga ku mitambela kuje kunaviya vivumbe, nambe kutungulula vivumbe, ngecivene, Isalele kasa kulyamena omo nzita ikaija a litangwa lya Shukulu Kalunga.