Ezekiyele 22:29 - Livulu lya Shukulu Kalunga

²⁹ Vaka-kufuka valinakukwisa nakwiva. Co vayandesa tuutu nakunyanyamena vaka-kwija.

Ezekiyele 22:29 Iomraidhean Croise

Myaso 62:10

Kesi mukulaele mu vyuma vya vupapoki, kesi mukulaele akuwana vyuma mu ngila ya vwizi embwe, nameme kukulaela mu vufuko vwavungi.

Myaso 94:6

Vatsiya vifwile na visiwa, nakutsiya lalo vangenzi vaje vali mu lifuti lyetu.

Kutuuka 22:21

“Kesi mupangese mwamuvi nambe kuyandesa muka-kwija embwe, omwo neni lalo anukeni ngweni mwapwile vaka-kwija mu Ingito.

Kutuuka 23:9

“Kesi mupangese muka-kwija mwamuvi, mwazivuka vati muka-kwija akalizivi mu mbunge yendi, omwo neni mwapwile vaka-kwija mu Ingito.

Isaya 10:2

Omu mukemwo mumuli nakuyandesela tuutu, nakuvavindika kulinga vushunga. Omu mukemwo mumukambatela vufuko vuje vwakundama ku vifwile na visiwa.

Isaya 5:7

Isalele napu citungu ca Shukulu Kalunga Muka-nzili yoshe ca mikolovozi ya vushuka vwa vinyu, vanu va mu Yunda vanapu mikolovozi ya vushuka vwa vinyu ije yaakunine. Ikeye wavakulaelele ngeci valinge mwamuvwa, oloni vakevo vanapu vaka-kutsiya. Ikeye wavakulaelele ngeci valinge vya vushunga, oloni vanu vaje vavalinakuyandesa vatambekele ngeci vavakwase.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Njelemiya 6:13

Munu woshe, mwanike nameme mukulunu ali na cipululu ca vimbongo, nameme vaka-kwimanena na vaka-kukombelela voshe vanapu vaka-kukwisa vanu.

Ezekiyele 18:12

Muka-kukwisa tuutu, nakwiva, nakushweka vije vyamwanene muka-kukumuna kupwa cishimbikiya. Muka-kuya ku mitambela ije vakalemesela vaka-kujeneka kukulaela, nakulemesa tumponya twa vunyengwe,

Ezekiyele 22:7

Naumo wai ali muno mu nganda alinakusingimika visemi vendi. Mulinakukwisa vaka-kwija nakuyandesa vifwile na visiwa.

Ezekiyele 9:9

Njambi wakumbulwile ngwendi, “Vanu va mu Isalele na vanu va mu Yunda vali na mulonga wa vuvi vwakukomokesa. Vali na mulonga wakutsiya mu lifuti mwoshe, co mu Yelusalema munashulu na mulonga wakutsiya. Valinakwendeka ngwavo yange Kalunga, njinaseze lifuti lyavo, co kunjesi nakuvamona.

VaLevi 19:13

“Kesi mukayandese vakweni nambe kuvevila. Co kesi mukeshwale kufweta munu uje imunapangesa noo alikaki.

VaLevi 19:33

“Kesi mukayandese vaka-kwija vaje valinakukala mu lifuti lyeni.

Amose 3:10

Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga.

Mika 2:2

Omo vashaka mahya, co vawambata, omo vashaka vinjuvo, co vavitunga. Naimo naanga ya munu nambe cuma cili mwamuvwa cai.

Mika 3:3

Mulya situ ya vanu vange. Mujuva cikonde cavo, mupokozola vitsiya vyavo vipazu-vipazu, nakuviteleka ngwe situ ya mu ndeo.

Mika 6:12

Vaka-kufuka veni va mu nganda valinakukwisa tuutu, co muvavoshe munapu vaka-makuli.

Mateo 25:43

njapwile nji mungenzi, co kumwanjitambwile, njakele na vuzu, co kumwanjizikile, njakele nakuvinja na mu kamenga, co kumwanjimenekelele.’

Yakomba 5:4

Yeni kumwafwetele vaje vaka-kumipangela mu mahya eni. Ziveni kuteta kwavo! Miteto ya vaje valinakumitejela vimbuto vyeni inete ku matwi a Njambi, Shukulu Kalunga Muka-nzili yoshe!