Ezekiyele 22:26 - Livulu lya Shukulu Kalunga

²⁶ Vaka-kukombelela valinakupokola mashiko ange, kujeneka kusingimika vije vyakujela. Kuvasa kwangununa vije vyakujela na vije vyakujeneka kujela. Kuvasa kutepesa akati ka vije vyakujela na vije vyakujeneka kujela, co lalo kuvesi kusingimika Litangwa Lyakuhwima, mukemwo vanu va Isalele kuvesi kunjisingimika.

Ezekiyele 22:26 Iomraidhean Croise

2 Mizimbu 36:14

Co lalo vantwama va mu Yunda, na vaka-kukombelela, amolika na vanu, vakavangeyeye vilinga vyavivi vya miyati ije yavazengelekele nakulemesa tumponya, mu ngila eyi vajwalesele Njuvo ya Shukulu Kalunga, ije yajelesele vavenya Shukulu Kalunga.

Njelemiya 15:19

Ngecivene, Shukulu Kalunga wakumbulwile ngwendi, “Nga utenguluka, co njikakutambula, ngeci unjipangele lalo. Nga wambulula vya seo, kesi kwambulula vyuma vyangoco, co ukapwa muka-kwimanena wange lalo. Vanu va mu Yunda vakatolilila vije ukendeka, kesi ukombe mbunge kukujujwisa kwavo.

Njelemiya 2:8

Vaka-kukombelela kuvehwile ngwavo, ‘Shukulu Kalunga ali kulijo?’ Vaka-kukombelela vange kuvanjizivukile. Vaka-kushwana vanjitengulukilile nakunjilwisa, vaka-kwimanena vendekele vya vuka-kwimanena mu lizina lya Mbale, co valemesele tumponya twakujeneka seo.

Mbimbi 4:13

Oloni eci calingiwile, omo vaka-kwimanena va mu Yelusalema valingile vuvi, co vaka-kukombelela vamwo vakele na mulonga wakunena kutsa kwa vanu vakujeneka mulonga.

Ezekiyele 22:8

Yeni kumwesi nakusingimika mitambela yakujela, co kumwesi nakunyunga Litangwa Lyakuhwima.

Ezekiyele 23:38

Co evi kesi vikevyo lika vivalingile embwe. Vajwalesele Njuvo yange, nakushaula Litangwa Lyakuhwima lije njemikile.

Ezekiyele 36:20

Co kwoshe kuje kuvaile, vashawisile lizina lyange lyakujela, omwo vanu vakele nakwendeka ngwavo, ‘Ava vakevo vanu va Shukulu Kalunga, oloni vasezele lifuti lije lyavanene.’

Ezekiyele 42:20

Ngecivene, wasetekele mitambela yoshe iwana. Co kwakele civumbe cazengelekeleko, capwile mamita 250 mwoshe mu vwihi na mu vulaja, mukwangununa kuje kwakujela na kuje kwakujeneka kujela.

Ezekiyele 44:10

Shukulu Kalunga wendekele kuli yange ngwendi, “Njikanyanyamesa vaLevi amolika na vanu voshe va Isalele vaje vanjisezele nakulemesa tumponya.

Ezekiyele 44:23

“Vaka-kukombelela valongese vanu vange kwangula akati ka vije vyakujela na vije vyakujeneka kujela, na futisi ya vyakujela nevi vyakujeneka kujela.

Ezekiyele 44:24

Omo kukatuka vimata vya mulonga, co vaje vaka-kukombelela vayongole a mulonga kwesekesa na mashiko ange. Vanyunge viwano vyange kwesekesa ku mashiko ange na vilongesa vyange, co vanyunge Litangwa Lyakuhwima kupwa lyakujela.

Ezekiyele 7:26

Tuyando twakama tukalikavasana, co muzimbu wauvi ukakavasana ukwavo. Mukalomba vaka-kwimanena ngeci vamijombolwela vya kulutwe. Vaka-kakukombelela cuma nacimo cai civakalongesa vanu, co vakulunu cuma nacimo cai civakanangula.

VaLevi 10:10

Co munapande kwangununa akati kevi vyakundama kuli Njambi nevi vyakupangesa ngoco, akati kevi vyakujela nevi vyakujeneka kujela.

VaLevi 11:47

Munapande kunyanyama mukunongonona akati kaava vakujela na ava vakujeneka kujela, akati ka tusitu vaje munapande kulya na vaje kumwapandele kulya.”

VaLevi 13:43

Co muka-kukombelela akamwilule, nga muli mbandu yakuvenguluka nakutokoloka,

VaLevi 20:25

Ngecivene, mwapande kwangununa mwamuvwa akati ka tusitu, na tuzila, vaje vanajele ku mashiko, na ava kuvajelele. Kesi mulye tusitu nambe tuzila vaje kuvajelele, omwo yange njamishiki ngwange kuvajelele, co nga muvalya mulijwalesa yeni vavenya.

Malakiya 2:7

Cinapu cipangi ca vaka-kukombelela kulongesa mana a Njambi. Ngeci vanu vanapande kuya kuli vakevo mukulilongesa cizango cange, omwo vakevo vapwa miluwa va Shukulu Kalunga Muka-nzili yoshe.

Malakiya 2:8

“Oloni yeni vaka-kukombelela munatundu mu ngila ya vushunga. Vilongesa vyeni vinatanukisa vavangi. Munapokola cikumiiyo cije njalikumiiye neni.

Loma 2:24

Omwo visoneka vyendeka ngwavyo, “Omwo ali yeni vaYunda, vaje kesi vaYunda vendeka vyavivi ali Njambi.”

1 Samwele 2:22

Eli wakuluvalele manene. Wakele nakuziva vyoshe vije vakele nakulinga vana vendi kuli vaIsalele voshe, co lalo vakele nakulala na vanakazi vaje vakele nakupanga ku cikolo ca Mbalaka Mwakuliwanena.

1 Samwele 2:29

Ngecivene, omwo vikajo muli na cipululu a vyakukombelela na vin̄ombelo vinjishaka kuli vanu vange? Omwo vikajo Eli, ulinakusingimika vana vove kutuvakana yange akuvecelela valinunise vakevo na matambelo oshe amavwa a vin̄ombelo vivakanjikombelela vanu vange?