Ezekiyele 22:21 - Livulu lya Shukulu Kalunga

²¹ Eyo, njikavakungulwila mu Yelusalema, co njikavaekela na tuhya twa mu lutengo, njikavasangununa na vukalu vwange.

Ezekiyele 22:21 Iomraidhean Croise

2 Vimyene 25:9

Wenyekele Njuvo ya Shukulu Kalunga na lipela na vinjuvo vyoshe vya vanu va vulemu va mu Yelusalema,

Myaso 112:10

Vaka-vuvi vakacimona, co vakaviilila, vakalishumanga ku mayo nakunyonga, co kuvakatambula vyuma vije vashakele.

Myaso 21:9

Omo akasholoka akavanyongesa ngwe mulukanyongesa lutengo lwa tuhya. Shukulu Kalunga akavanyongesa mu vukalu vwendi, co tuhya tukavanyongesa njwa.

Myaso 50:3

Njambi yetu aija, oloni kaija noloka kuluu embwe, tuhya twakunyongesa tuli kulutwe lwendi, na lihunzi lyakama linamuzengeleka.

Myaso 68:2

Akavatundisa ku mesho endi, ngwe muvukapekumuka vwisi, Njambi akanyongesa vaka-vuvi, ngwe muyikanyongolokota sela mu tuhya.

Isaya 30:33

Simbu yalaja vavwaeselele cimweja mutambela wa tuhya twakama tuje vakenyeka natwo mwene wa Asilya. Mwela wa tuhya unapu wa kulova, nakujanjavala, valundikako mutumbo wa vitale waulaja. Shukulu Kalunga akashokwelao muku wa tuhya ngwe ndonga ya milangi kwenyeka uje mutumbo.

Isaya 64:2

Pwa ngwe tuhya tuje tutupwisa mema. Ija usholole nzili yove kuli vitozi vove, na miyati ya vanu vajaje omwo uli kuyehi navo!

Isaya 64:7

Naumo wai ali na kukulemesa, co naumo wai alinakumwesa kulongwa kwendi kuli yove. Yove unatukengesa nima, co unatuseze ngeci vuvi vwetu vutunyongese.

Njelemiya 21:12

“Tolilileni ku evi njendeka yange Kalunga. A litangwa na litangwa sompeni mwa vushunga. Ameneni vaje vavanevila vyavo kuli vaje valinakuvayandesa. Kutewa vukalu vwange vukashwama ngwe tuhya tuje naumo wai asa kutuzima, omwo a vuvi vuje mulinakulinga.

Njelemiya 8:13

“Njashakele kukungulula vanu vange, ngwe munu akungulula vimbuto vyendi, oloni vanafu ngwe mukolovozi wa vushuka vwa vinyu wa vushuka, nambe ngwe muti wa mukuyu wakujeneka mikuyu, na maputa awo anajujwama. Ngecivene, njinatavesa vanu veka kutambula lifuti.”

Njelemiya 9:7

Omwo vyuma evi, Shukulu Kalunga Muka-nzili yoshe alinakwendeka ngwendi, “Njikajelesa vanu vange ngwe vutale, co njikaveseka. Vanu vange vanalingi vuvi, vikajo lalo vinjilinga navo?

Ezekiyele 21:31

Vukalu vwange vukaija ali yeni ngwe tuhya twakushukuma. Co njikamyana ku mavoko a vanu vavavi, vaje vazivuka manene kunyongesa vanu.

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Kwituluka mu Mashiko 29:20

Shukulu Kalunga kakasambesa munu wa cifwa cangacije embwe, oloni vukalu vwa Shukulu Kalunga vukashukuma ali ikeye, co vukalu vwoshe vuvasoneka mu livulu eli vukawila ali ikeye noo Shukulu Kalunga akamunyongesa.

Kwituluka mu Mashiko 32:22

Vukalu vwange vukashukuma ngwe tuhya, vukenyeka vyuma vyoshe vya ano asi. Co vuketa na mu vukalo vwa vatsi, nakunyongesa luvula lwa minkinda.

Kwituluka mu Mashiko 4:24

Omwo Shukulu Kalunga Njambi yeni wapwa ngwe tuhya twakunyongesa, ikeye Njambi wa lifuwa, katava kulipandakana na vinjambi veka.