Ezekiyele 22:14 - Livulu lya Shukulu Kalunga

¹⁴ Anga ukapwa uwakunyanyama ndi? Anga ukakala na nzili omo njikalinga evi nove ndi? Munjinendeka yange Kalunga, co njikacilinga.

Ezekiyele 22:14 Iomraidhean Croise

Yombi 40:9

Kuma yove uli na nzili ngwe yange ndi? Kuma lijwi lyove lyasa kukala na cililimo cakama ngwe lyange ndi?

Isaya 28:22

Ngecivene, kesi mushendumune, kutewa mukakala mu vukalu vwakama manene kutuvakana kunima. Njinazivi vutumbe vwa Shukulu Kalunga Muka-nzili yoshe vwakunyongesa kaye koshe.

Isaya 31:3

Vaka-Ingito kesi vinjambi embwe, vanapu lika vanu. Co tuvalu twavo vapwa situ lika kesi minzinzime. Omo Shukulu Kalunga amwesa vukalu vwendi, co anyongesa vaka-Ingito na voshe vaje vajendamenene ali vakevo. Co voshe vakanyonga.

Isaya 45:9

Ngongo ya munu uje alwa na Ishamatanga yendi, munu napu citambi ca ku vitambi vyoshe vya ano asi! Kuma vuma vwasa kwihula muka-kushonga ngwavwo vika ushonga? Nambe kwendeka ngwavwo, eci ulinakushonga kucesi na mavoko?

Njelemiya 13:21

Vatijo mukendeka omo vanu vaje vapwile vasamba veni vakamifungulula nakumishwana? Mukakemanga ngwe munakazi ashaka kukita.

Ezekiyele 17:24

Miti yoshe ya mu lifuti ikazivuka ngeci yange Kalunga. Njikashinjila asi miti yailaja, nakumenesa miti yaindondo kupwa yailaja. Njikajujwamesa miti yakutonola nakutonolwesa lalo miti yakuma. “Yange Kalunga, njinendekamo, njikalinga vije vinjinendeka ngwange njikavilinga.”

Ezekiyele 21:7

Omo vakwihula ngwavo omwo vikajo ulinakukemanga, valeke ngwove omwo muzimbu uje ulinakwija. Omo muzimbu ukaija, co vimbunge vyavo vikakala na lyova, mavoko avo akazeya, vakalijujukila, co mavuli avo akajaja. Vyuma evi vikalingiwa ololo-lolo.” Mwanendeka Shukulu Kalunga wa Akamwa ya Vyoshe.

Ezekiyele 23:34

Ukainwa nakuyimanesa njwa, co ukaitsiya vimbazuvwila-mbazuvwila, co na vimbazuvwila vyayo ukalengozola mavele ove. Munjinendeka yange Kalunga wa Akamwa ya Vyoshe.”

Ezekiyele 24:14

Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Ezekiyele 28:9

Omo vakaija nakukutsiya, kuma lalo ukendeka ngwove unapu u njambi ndi? Ukapwa u munu kesi u njambi omo vakakutsiya.

Ezekiyele 36:36

Asinoni miyati ya kulyata, vaje vacili nakuyoya, vakazivuka ngeci yange njapwa Kalunga, njikatungulula vinganda vyasiwukile nakukuna lalo mu mahya muje mwapwile mu mashokola. Yange Kalunga njakulaesele ngwange njikalinga vyuma evi, co njikalingamo vene.”

Ezekiyele 5:13

“Mukaziva vukalu vwange nakuluvala kwange, noo njikalikela. Omo vyoshe evi vikalingiwa, co mukatava ngweni yange Kalunga, njinendeka kuli yeni, omwo yange njaluvala akujeneka kulongwa kweni.

Ezekiyele 6:10

Vakazivuka ngeci yange njapwa Kalunga, co kunangula kwange kesi kwangoco embwe.”

Ezekiyele 7:17

Mavoko a munu na munu woshe akazeya, co mavuli avo akajaja.

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Malakiya 3:2

Oloni iyajo akasa kwimana a litangwa lyakwija kwendi? Iyajo akovoka omo akasholoka? Omwo akapwa ngwe tuhya twa n̄ulungu muka-kufula vikuvo nambe njapau ya muka-kukusha vinanga.

Mako 13:31

Lilu na asi vikaita, oloni majwi ange kuwakaiti embwe.

1 Kolinte 10:22

Kuma tushaka kulingisa Mwene lifuwa ndi? Kuma tuyongola ngwetu tuli na nzili kutuvakana ikeye ndi?

VaHevelu 10:31

Cinapu cuma cakujajesa kuwila mu mavoko a Njambi wakuyoya!

1 Samwele 15:29

Njambi ya Isalele Muka-nzili yoshe kesi kwendeka makuli nambe kesi kutengulula viyongola vyendi embwe. Omwo ikeye kesi munu, ngeci atenguluke embwe.”