Ezekiyele 22:12 - Livulu lya Shukulu Kalunga

¹² Vanu vove vamo valinakutsiya vanu ngeci vavafwete vimbongo. Vamo valinakufwetesa kakondweso a makongo aje valinakwana kuli vavushoko vwavo vaIsalele, co valinakufuka mu ngila ya makuli. Vananjivala yange.’ ” Shukulu Kalunga wa Akamwa ya Vyoshe nendekamo.

Ezekiyele 22:12 Iomraidhean Croise

Nehemiya 5:1

Munima yevi, vanu vavangi, vanalume na vanakazi, vashangumukile kulinyenga ali vavushoko vwavo vaYunda.

Nehemiya 5:7

co njayongwele kulingao cimo. Co njapopolwele vantwama na vamyata vavo, nakuvaleka ngwange, “Yeni mulinakuyandesa vandolome veni!” Njakungulwile vanu voshe nakukenga a vukalu ovu,

Myaso 106:21

Vevalele Njambi uje wavamenene, Njambi uje wapangele vikomokeso vyakama mu Ingito.

Myaso 15:5

Ikeye akakumwisa vimbongo vyendi kujeneka kwakao kakondweso, co ikeye kesi kutambula lizika-kanwa ngeci ahise uje kesi na mulonga. Ou woshe alinga vyuma evi, kakapelyangela embwe.

Visimo 1:19

Vufuko vuje uwana mu ngila ya muuka vukakutwala ku kutsa, eci cikeco cilingiwa ku munu uje ayoya mu ngila ya muuka.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Isaya 17:10

Isalele, munevala Njambi uje wamipatwile nakuminyunga, ikeye limanya lya nzili. Oloni mukuna mahya akujela ngeci mulemese njambi weka.

Isaya 56:11

Vantwama vaje kuvesi kuzivisisa vanapu ngwe tutali vamutupu vaje kuvesi kukuta. Vantwama ava kuvesi kuzivisisa. Ntwama na ntwama ashaka kulinga vije vimuvwaelelesa.

Njelemiya 2:32

Kuma shombolwa asa kwivala vyakuzala vyendi vya senga, nambe cikoveyo cendi ca vushombolwa ndi? Oloni vanu vange vananjivala matangwa amangi manene.

Njelemiya 3:21

Vanazivi muyoyo akamwa ya malundu, vanu va Isalele valinakulila nakulambelela, omwo vanakele nakuyoya mu vuvi co vanevala Shukulu Kalunga Njambi yavo.

Njelemiya 6:13

Munu woshe, mwanike nameme mukulunu ali na cipululu ca vimbongo, nameme vaka-kwimanena na vaka-kukombelela voshe vanapu vaka-kukwisa vanu.

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Ezekiyele 18:13

nakukumwisa vimbongo ngeci awaneo kakondweso. Kuma akayoya ndi? Embwe, kakayoyo. Nalingi vyuma vyoshe evi vya vunyengwe, co akatsa. Maninga endi akakala a mutwe wendi vavenya.

Ezekiyele 18:8

Kesi kukumwisa vimbongo ngeci awaneo kakondweso embwe. Akavyana kulinga vuvi, co akatete mulonga mu ngila ya vushunga.

Ezekiyele 23:35

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Omwo unanjivala nakunjikengesa nima, ngecivene, njikakuhisa a mashungu ove na a vukwizi vwove.”

Ezekiyele 36:12

Yeni vanu vange va Isalele, njikamiilwisa ngeci mukayoye lalo mu lifuti lyeni. Likelyo likapwa lifuti lyeni, nalumo lwai lalo vana veni vakalanduka ku njala ya lyangengela.

VaLevi 19:13

“Kesi mukayandese vakweni nambe kuvevila. Co kesi mukeshwale kufweta munu uje imunapangesa noo alikaki.

VaLevi 25:37

Kesi mumukumwise nakakondweso, nambe kumulandesa vyakulya ngeci muwaneo nganyo.

Amose 8:4

Tolilileni kuli evi, yeni vaka-kulyatangela vaka-kujeneka, nakunyongesa tuutu mu lifuti.

Amose 8:6

Tukalandesa ndando yakama tiliku ije kuyesi na seo. Co tukawana kautu umo uje kasa kufweta likongo lyendi, nameme kufweta ndando ya vin̄aku, co tukamulanda akapwe ndungo.”

Mateo 23:13

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

Mateo 23:25

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukajelesa nganja na lilonga akamwa, oloni mukati munashulu na vyakulya vije munawana mu ngila ya muuka na kulyalesa.

Luka 18:11

KaFaliseo wemanene kwendi lika nakulombela ngwendi, ‘Njikukandelela Njambi, yange kunjafwile ngwe vakwetu voshe valukolotelo, vaka-kujeneka vushunga, vaka-vupangala. Njikukandelela ngeci yange kunjafwile ngwe uje muka-kutambula lisimu nemana kuje.

Luka 19:8

Co Sangeo wemanene nakwendeka kuli Mwene ngwendi, “Tolilila Shukulu, njikana litambelo lya vufuko vwange kuli tuutu, nga njatambwile cimo kuli umo mu ngila ya makuli, co njikamufweta visimbu viwana.”

Luka 3:13

Co wavalekele ngwendi, “Kesi mukatambule kutuvakana omo muvemika.”

1 Kolinte 5:11

Njatumbwile ngwange kesi mulikumbasane na munu uje alitumbula ngwendi napu muka-kukulaela oloni napu muka-vupangala, nambe muka-cipululu, nambe muka-kulemesa tumponya, nambe muka-kushaula, nambe muka-kupenda, nambe muka-kwiva. Kesi mutumbame nakulya na munu wangacije.

1 Kolinte 6:10

nambe vaka-kwiva nambe vaka-cipululu nambe vaka-kupenda nambe vaka-kushaula nambe vezi, kuvakashwana Vumwene vwa Njambi.

Kwituluka mu Mashiko 16:19

Vakevo vanapande kusompa mu vushunga, kesi vamwese kahangu mukusompa kwavo. Co kuvapandele kutambula lizika-kanwa, omwo lizika-kanwa lizivalesa mesho a vaka-mana nakwingika majwi a vaka-vushunga.

Kwituluka mu Mashiko 23:19

“Kesi mukakumwise vimbongo na kakondweso. Nambe vyakulya, nambe cuma cimo ceka kuli mukweni kaIsalele, kesi mukamufwetese kakondweso.

Kwituluka mu Mashiko 27:25

“ ‘Cisingo ca Njambi cikale ali munu woshe uje atambula lizika-kanwa ngeci atsiye munu uje kesi na mulonga.’ “Co vanu voshe vakakumbulula ngwavo, ‘Ewa!’

Kwituluka mu Mashiko 32:18

Co vevalele Njambi yavo, muyoyesi wavo ikeye muka-nzili, uje wavanene mwonyo.

1 Timateo 3:3

kapandele kupwa muka-kupenda nambe kupwa munu muka-lwozi, oloni apwe muka-lyovwa-ovwa na kwoloka, kapandele kupwa muka-kuzema vimbongo,

Yunda 1:11

Luvinda ali vakevo! Omwo vanakavangeya ngila ya Kaini. Co vanalyana vakevo vavenya ku lilaku-laku lya vimbongo, ngwe mwalingile Mbalame. Vanatengulukila ngwe mwatengulukilile Kola, co ngwe ikeye na vakevo lalo vanavanyongesa.