Ezekiyele 22:11 - Livulu lya Shukulu Kalunga

¹¹ Vamo valinakulinga vupangala, co vamo valinakukokweya vainamwenwavo kulinga navo vupangala nambe vandokazi vavo va vana va lwale.

Ezekiyele 22:11 Iomraidhean Croise

2 Samwele 13:1

Avisalome muna Ndaviti, wakele na ndokazi yendi wamuvwa wa muzike lizina lyendi Tamale. Co Aminone muna Ndaviti wamuzemene manene.

2 Samwele 13:11

Oloni omo wamwanenewo, co Aminone wamukwatele wendekele ngwendi, “Ija ku vulili vwange!”

2 Samwele 13:14

Oloni Aminone katolililile kuli Tamale, co Tamale kakele na nzili yakutuvakana Aminone, ngeci Aminone wakwatele Tamale wamuwisile, co walingile nendi vuvi.

Njelemiya 29:23

Eci cikapwa luvinda lwavo omwo vali na mulonga wakama wa vuvi, omwo vanalingi vupangala, co vanendeka makuli mu lizina lya Shukulu Kalunga. Eci kucapwile cizango ca Shukulu Kalunga, ikeye azivuka vije vivanalingi, co napu mukaleo ali vakevo. Shukulu Kalunga nendekamo.”

Njelemiya 9:2

Tawee, ngwe njakele na mutambela wakutumbama mu mambo kunjashondoloka kuli vanu vange. Omwo voshe vanapu vaka-vungungu.

Ezekiyele 18:11

vije ishe kavilingile. Akali situ yakukombelela ku tumponya, nakukokweya vanakazi va vakwavo.

Ezekiyele 18:6

Kesi kulemesa tumponya twa vaIsalele, nambe kulya situ ije vanakombelela ku tumponya. Kesi kukokweya munakazi wa mukwavo, nambe kulala na munakazi uje kakwata ku liko.

Ezekiyele 33:26

Munakulaela mikwale yeni. Vilinga vyeni vinapu vya vunyengwe. Vanu voshe valinga vupangala. Co vikajo vimiyongwesa ngeci lifuti linapu lyeni?’

VaLevi 18:15

Kesi ukalale na vanyokomweno omwo ikeye wapwa munakazi wa munove.

VaLevi 18:20

Kesi ukalale na munakazi wa mukweni omwo eci cikamijwalesa.

VaLevi 18:6

“Kesi ukalale na munu woshe uje napu kavushoko kove.

VaLevi 18:9

Kesi ukalale na ndokazi yove, nambe ndokazi yove wa kuli ishweni umolika, nambe uje wakukitila mu njuvo, nambe wakukitila kweka.

VaLevi 20:10

“Nga munalume alinga vupangala na munakazi wa mukwavo kaIsalele, muvuvali vwavo vavatsiye.

VaLevi 20:12

Nga munu na vainamweno, vanalivikila. Muvuvali vwavo vavatsiye, omwo kutsa kwavo kwakulishakela vakevo vavenya.

VaLevi 20:17

Nga munu ambata ndokazi yendi, muna ishe nambe muna vaina, eci capwa cuma ca shwamwa manene. Co ngongo yendi, vamusheke ku mesho a mbunga, omwo ikeye nalala na ndokazi yendi.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

1 Kolinte 6:9

Mwa vushunga mwazivuka ngeci vaka-vuvi kuvakashwana Vumwene vwa Njambi. Kesi mulikwise yeni vavenya, vaka-vukwizi nambe vaka-kulemesa tumponya nambe vaka-vupangala nambe vaka-vundei

Ngalatiya 5:19

Vije vicilinga cisemwa ca vunu vinatungukwa manene. Cilimwesa cikeco vavenya mu vupangala nakulijwalesa na vilinga vya kukezima,

Kwituluka mu Mashiko 22:22

“Nga munalume vanamukwata na munakazi wa mukwavo, co muvuvali vwavo vakavatsiye. Mu ngila eyi mukatundisa vuvi ovu mu Isalele.

Kwituluka mu Mashiko 27:22

“ ‘Cisingo ca Njambi cikale ali munu woshe uje alala na ndokazi yendi nambe wa ku vuyishe nambe wa ku vuyina.’ “Co vanu voshe vakakumbulula ngwavo, ‘Ewa!’

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.