Ezekiyele 22:10 - Livulu lya Shukulu Kalunga

¹⁰ Vamo valinakulinga vupangala na vanakazi va vaishavo. Vamo valinakusindiya vanakazi vaje kuvakwata ku liko kulinga navo vupangala.

Ezekiyele 22:10 Iomraidhean Croise

Kushangumuka 35:22

Omo Yakomba wakele mu lifuti lije, Luvena walalele na Mbileha, lishano limo lya ishe lya mbanja. Omo Yakomba wacizivile, co waluvalele manene. Yakomba wakele na vana likumi na vavali va vanalume.

Kushangumuka 49:4

Yove wafwa ngwe mankimba a livazi, oloni yove kuukapu uwavulemu vwakama, omwo yove walalele na lishano lyange lya mbanja, co wazivisile shwamwa vulili vwa isho.

1 Mizimbu 5:1

Ava vakevo vatekulwila va Luvena, ntwatwa ya Yakomba. (Omwo walalele na lishano lya ishe lya mbanja, co wazimbalesele moko yendi ya vu ntwatwa, co moko ya vu ntwatwa vwendi vayanene kuli Yosefa.

Ezekiyele 18:6

Kesi kulemesa tumponya twa vaIsalele, nambe kulya situ ije vanakombelela ku tumponya. Kesi kukokweya munakazi wa mukwavo, nambe kulala na munakazi uje kakwata ku liko.

VaLevi 18:19

Kesi ukalale na munakazi nga kakwata ku liko, omwo ikeye kajelele.

VaLevi 18:6

“Kesi ukalale na munu woshe uje napu kavushoko kove.

VaLevi 20:11

Nga munu alala na munakazi wa ishe nalingisa shwamwa ishe, co muvuvali vwavo vavatsiye. Omwo kutsa kwavo kwakulishakela vakevo vavenya.

VaLevi 20:18

Nga munu alala na munakazi omo kakwata ku liko, muvuvali vwavo vavasheke mu mbunga, omwo vakevo vanapokola mashiko nakulijwalesa.

Amose 2:7

Co vakalyatangela vaka-kuzeya na vaje valinakuyanda nakunakozola tuutu kuvatundisa mu ngila. Munalume na ishe vakai ku munakazi umolika wa ndungo, co vashawisa lizina lyange lyakujela.

1 Kolinte 5:1

Ololo kunatsimana ngeci akati keni ali vupangala vwakukomokesa vuje nambe vaka-kujeneka kukulaela kuvasa kuvulinga. Omwo vananjileka ngwavo munalume umo alinakulinga vuvi na munakazi wa ishe!

Kwituluka mu Mashiko 27:20

“ ‘Cisingo ca Njambi cikale ali munu woshe uje azivisa shwamwa ishe akulala na munakazi wendi.’ “Co vanu voshe vakakumbulula ngwavo, ‘Ewa!’

Kwituluka mu Mashiko 27:23

“ ‘Cisingo ca Njambi cikale ali munu woshe uje alala na vainamweno.’ “Co vanu voshe vakakumbulula ngwavo, ‘Ewa!’