Ezekiyele 21:7 - Livulu lya Shukulu Kalunga

⁷ Omo vakwihula ngwavo omwo vikajo ulinakukemanga, valeke ngwove omwo muzimbu uje ulinakwija. Omo muzimbu ukaija, co vimbunge vyavo vikakala na lyova, mavoko avo akazeya, vakalijujukila, co mavuli avo akajaja. Vyuma evi vikalingiwa ololo-lolo.” Mwanendeka Shukulu Kalunga wa Akamwa ya Vyoshe.

Ezekiyele 21:7 Iomraidhean Croise

2 Samwele 17:10

Co nameme vanalume vakusimpa, vaje kuvesi na lyova ngwe vindumba, vakakala na lyova omwo munu woshe mu Isalele nazivuka ngeci isho wapwa lishwalale wamukalu, na vanu vendi vaka-kulwa manene.

2 Vimyene 21:12

Ngecivene, yange Kalunga Njambi ya Isalele, njikanena n̄avava a Yelusalema naa Yunda ngeci munu woshe uje akazivako akalikomokele.

Myaso 58:7

Vanyonge ngwe muwakomu mema, vavatsene ngwe muvakalyatangela mwila wa mu ngila,

Kutuuka 15:15

Vantwama va ku Endome valikomokelele, vanalume va nzili va ku Mowavi valijajelele, vanu va mu Kanana vezokele vimbunge.

Isaya 13:7

Mavoko a vanu akazeya, nakusimpa kwavo kukahwa.

Isaya 28:19

Mutondo na mutondo, mutanya na vutsiki livazi lyakujujwisa likamyungumuna. Co lijwi limo na limo lyakutunda kuli Njambi likaminenela lyova!

Isaya 35:3

Koleseni mavoko aje anazeye, co takameseni mavuli aje akuvotsiya.

Isaya 7:2

Omo lijwi lyetele kuli mwene wa mu Yunda ngwavo mashwalale va Silya vanete laja mu lifuti lya Isalele, ikeye na vanu vendi voshe vakele na lyova, co valijajelele ngwe miti ilinakuninganga na lihunzi.

Njelemiya 26:12

Asinoni njendekele ngwange, “Shukulu Kalunga wanjitumine kwambulula vuka-kwimanena vwa vije vikaija a Njuvo ya Shukulu Kalunga na nganda eyi, vije mwazivile vinjendekele vya a Njuvo ya Shukulu Kalunga na nganda eyi.

Njelemiya 49:23

Evi vikevyo vyendekele Shukulu Kalunga a Ndamasiku ngwendi, “Vanu va mu vinganda vya Hamate, na vanu va mu Alepande valinakulishoshomwena, omwo vanazivi muzimbu wauvi. Kulishoshomwena kulinakulizenga ali vakevo ngwe mema a kalunga aje kuwasa kulendemana, cinyangavili cavo cinahu.

Njelemiya 50:43

Mwene wa Mbambilone nazivi muzimbu wavo, co nazeye omwo lyova. Ikeye ali mu vukalu vwakama, nakukemanga ngwe munakazi ashaka kukita.

Njelemiya 8:18

Naumo wai asa kunjizembeleka ku vusiwa vwange, vulinakunjivinjisa mu mbunge.

Mbimbi 5:17

Tulinakuvinja mukati ka vimbunge vyetu, co kutwasa kumona omwo misozi.

Ezekiyele 20:49

Oloni njendekele ngwange, “Shukulu Kalunga wa Akamwa ya Vyoshe, kesi utave ngeci njicilinge! Munu na munu nalinyenge laja ngwendi simbu yoshe yange njikendeka mu tusau.”

Ezekiyele 21:15

Unapu mukwale wakuzeyesa vanu vange nakuvatanukisa. Njilinakulishungwiya nganda yavo na mukwale wakuvyakula ngwe muhyato, vanawinika ngeci utsiye vanu.

Ezekiyele 21:6

“Muna munu, kemanga na mbunge yakuzeya na vusiwa manene ngeci munu woshe akumone.

Ezekiyele 21:8

Shukulu Kalunga wendekele kuli yange ngwendi,

Ezekiyele 22:14

Anga ukapwa uwakunyanyama ndi? Anga ukakala na nzili omo njikalinga evi nove ndi? Munjinendeka yange Kalunga, co njikacilinga.

Ezekiyele 24:19

Co vanu vanjihwile ngwavo, “Omwo vikajo ulinakulinga ngacije?”

Ezekiyele 6:2

“Muna munu, kenga ku minkinda ya Isalele uvaleke lijwi lyange.

Ezekiyele 7:17

Mavoko a munu na munu woshe akazeya, co mavuli avo akajaja.

Ezekiyele 7:26

Tuyando twakama tukalikavasana, co muzimbu wauvi ukakavasana ukwavo. Mukalomba vaka-kwimanena ngeci vamijombolwela vya kulutwe. Vaka-kakukombelela cuma nacimo cai civakalongesa vanu, co vakulunu cuma nacimo cai civakanangula.

Ndanyele 5:6

co cihanga cendi cafufutukile, wazivile lyova manene, co mavuli endi ajajele.

VaLevi 26:36

“Co njikalingisa cova-ova kuli vaje vanasalamo. Eli likapwa lyova lyakama manene, co vakatewa nameme cililimo ca liputa lije lilinakulipekumukila ngoco na lihunzi. Vakatewa ngwe vanu vatewa nzita, co vakaliwila-wila ngoco, nambe vitozi vavo kuvavashwenyele.

Nahumi 2:10

Nenevayi vanainyongesa, inapu ngundu, ili mupulungwa! Vimbunge vinazeye na lyova, mavuli alinakujaja, nzili inahu, na vihanga vinafufutuka.

Luka 21:26

Vanu vakatsa kavela-vela omo vakavandamena vije vikasholoka ano asi oshe, omwo vyuma vyoshe vya nzili vyakala mwilu vikatunda mu myela yavyo.

Kwituluka mu Mashiko 20:8

“Co vamyata vakendeka lalo kuli vaje vanu ngwavo, ‘Kuli munu umo kuno uje wapwa muka-munjunju na lyova? Nga kwali, co eluke kwimbo, kutewa akajajesa vakwavo.’

VaHevelu 12:12

Ngecivene, junduleni mavoko eni aje anatepuka, co koleseni mavuli eni akuzeya!

Yoshwa 5:1

Omo vimyene voshe va vaAmoli vaje vakele mu kangombe ka yambi ka Ndonga ya Yondau, na vimyene voshe va vaKanana vaje vakele ku Lishali lya Menditelenyani, vazivile ngwavo Shukulu Kalunga nomisa cau Yondau noo vanu va Isalele vajavukile, co vakele na lyova nakuvupuka manene omwo ya vaIsalele.

Yoshwa 7:5

Co vaje mashwalale va ku Ayi vavashekele kuvatundisa ku cikolo ca nganda ya Ayi nakuvetesa ku vitapu vya mamanya, co akati kavo vatsiileo makumi atatu na vanu vatanu naumo mu ngila ya kushelumuka ku malundu. Co vaIsalele vazivile manene lyova nakujujuka.

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.