Ezekiyele 21:3 - Livulu lya Shukulu Kalunga

³ ngwove yange Kalunga njinendeka ngwange, ‘Nji citozi ceni, njikashomona mukwale wange mu cindalo cawo, co njikamitsiya yeni voshe vaka-vushunga na vaka-vuvi.

Ezekiyele 21:3 Iomraidhean Croise

Yombi 9:22

vyoshe vinapu mumolika. Muka-kujeneka mulonga nambe muka-mulonga, Njambi akavanyongesa.

Myaso 17:13

Ija, yove Shukulu Kalunga, popolola vitozi vange nakuvafungulula! Njamene kuli vaka-vuvi na moko yove ya mukwale.

Myaso 80:17

Nyunga nakwamena vanu vaje vawaangwile, muyati uje uwapwisile wa nzili!

Myaso 83:15

ngecivene, vapekumune nakuvajujwisa na lihunzi lyove lyakama.

Kutuuka 15:9

Citozi wendekele ngwendi, ‘Njikavakava, co njikavakwata, njikaangununa vufuko vwavo, co njikambata vyoshe vinjishaka, njikashomona mukwale wange, co njikavanyongesa na livoko lyange.’

Muka-kwambulula 9:2

Kukwesi kwangunuka. Kuvindama kumolika kwija kuli vaka-vushunga, na kuli vaka-vuvi lalo, kuli vavavwa na kuli vavavi, kuli vaka-kutava, na kuli vaje kesi vaka-kutava, kuli vaje vaka-kukombelela vin̄ombelo na kuli vaje kuvesi kukombelela vin̄ombelo. Munu wamuvwa kesi na vuvwa vwakutuvakana muka-vuvi, co muka-kulisinga kesi na vuvwa vwakutuvakana uje kesi kulisinga.

Isaya 10:5

Shukulu Kalunga wendekele ngwendi, “Njipangesa Asilya kupwa mulamu wakupupisa vaje vanjinaluvalela.

Isaya 34:5

Shukulu Kalunga navwaesa mukwale wendi, co ukatunda mwilu nakwija a Endome, ali vanu vaje vanasompela kutsa.

Isaya 57:1

Vaka-vushunga valinakuvakokangeya nakuvatsiya, oloni naumo wai ombako mbunge. Vuvi vulinakuvapekumwina kulyala.

Njelemiya 17:27

Oloni nga kuvanjononoka nakunyunga Litangwa Lyakuhwima kupwa litangwa lyakujela, kwitisa citele cimo mu vikolo vya Yelusalema a Litangwa Lyakuhwima, nga valingamo, co njikashwameka tuhya ku vikolo vya Yelusalema. Tuhya tukenyeka mapela a mu Yelusalema, co naumo wai akatuzima.”

Njelemiya 21:13

Yove Yelusalema watumbama a litanda lya akamwa ya cimbongo, ngwe limanya lyalilaja lya mu cana. Oloni yange njikakulwisa. Ulinakwendeka ngwove naumo wai asa kukulwisa nambe kutuva cimpaka cove.

Njelemiya 21:14

Oloni njikakunyanyamesa ngwe ku vilinga vyove. Njikenyeka lipela lyove, co tuhya tukenyeka vyuma vyoshe vije vyazengelekako. Yange Kalunga, njinendekamo.”

Njelemiya 50:31

“Mbambilone, u muka-kulyalesa, ngecivene, yange, Kalunga wa Akamwa ya Vyoshe, Muka-nzili yoshe, njilinakukulwisa! Simbu yange inete yakukunyanyamesa.

Njelemiya 51:20

Shukulu Kalunga alinakwendeka ngwendi, “Mbambilone, yove unapu muveto wange, citwa cange ca nzita. Njakupangesele mukutsenesa miyati ya vanu na vumwene,

Njelemiya 51:25

Mbambilone, unapu ngwe munkinda uje unyongesa kaye koshe, oloni yange Kalunga njinapu citozi cove. Njikakukwata, nakukwandumwina asi upwe amolika na livu, nakukuseza mu lito.

Ezekiyele 13:8

Ngecivene, Shukulu Kalunga wa Akamwa ya Vyoshe alinakwendeka kuli vakevo ngwendi, “Majwi eni anapu a makuli, co lalo na vimona vyeni vinapu vya makuli. Yange njilinakumilwisa.

Ezekiyele 14:17

“Nambe nga njanenele nzita a lifuti lije, nakutuma vitwa vyakunyongesa, nakuzilula vanu na tusitu mu cifwa cimolika,

Ezekiyele 14:21

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Ezekiyele 21:19

“Muna munu, aka cimweso mu vingila vivali muje mwakezilila mwene wa ku Mbambilone na mukwale wendi. Vingila vyoshe vivali vishangumukile mu lifuti limo. Aka vimweso ku masambwa-ngila.

Ezekiyele 24:9

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Inavindama nganda ya vaka-kutsiya! Yange njikalundika vitale mutumbo.

Ezekiyele 26:3

“Ngecivene, ololo, evi vikevyo yange Kalunga wa Akamwa ya Vyoshe, njilinakwendeka ngwange, ‘Yange njinapu nji citozi cove, yove nganda ya Tile, Njikanena miyati yaingi mukukulwisa, co vakaija ngwe mankimba a mu mema a kalunga.

Ezekiyele 29:10

yange nji citozi cove na citozi ca ndonga yove ya Nailo. Njikapwisa Ingito yoshe ngundu yangoco, kutunda ku nganda ya Mingendole ku kunto nakweta ku nganda ya Aswane mu mbwela, kutwala na ku nginga yoshe ya Sundane.

Ezekiyele 5:12

Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Ezekiyele 5:8

Ngecivene, yange Kalunga wa Akamwa ya Vyoshe, njikuleka ngwange yange njinapu nji citozi cove. Njikakuhisa oku miyati yoshe inakumono.

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

VaLevi 26:33

Co nzita ikaija akati keni yakumishandwela ku mafuti eka. Mu lifuti lyeni mukapwa mwangoco, na membo akapwa vingundu.

Amose 5:6

Ilukeni kuli Shukulu Kalunga ngeci muyoye. Nga kumumushakezeka, co akaija ngwe tuhya ali vanu va Isalele. Tuhya tukenyeka vanu va ku Mbetele, co naumo wai akasa kutuzima.

Amose 7:4

Njamwene cimona cikwavo lalo cakutunda kuli Shukulu Kalunga wa Akamwa ya Vyoshe. Mu cimona cije njamumwene alivwaesela kunyanyamesa vanu vendi na cihiso ca tuhya. Co tuhya twenyekele nzinga yakama ya mema a kalunga, co twashangumukile kwenyeka lifuti.

Nahumi 2:13

Shukulu Kalunga Muka-nzili yoshe alinakwendeka ngwendi, “Yange nji citozi ceni! Njikenyeka matemba eni. Mashwalale veni vakavatsiila mu nzita, co njikambata vyuma vyoshe vije vimwambatele kuli vakweni. Co majwi a miluwa veni kuvakawazivi lalo.

Nahumi 3:5

Shukulu Kalunga Muka-nzili yoshe alinakwendeka ngwendi, “Njikakunyanyamesa yove Nenevayi! Njikakushulula wende mutotototo nakutava miyati ya vanu ngeci vakumone, vamone shwamwa yove yoshe.

Zefaniya 2:12

Co Shukulu Kalunga lalo akatsiya vaka-Sundane.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,