Ezekiyele 21:29 - Livulu lya Shukulu Kalunga

²⁹ “Vimona vije mulinakumona vinapu vya makuli, na vyuma vije mulinakutumbula vinapu vya makuli. Yeni munapu vaka-vuvi na vaka-kupenga-penga, co litangwa lyeni lya cihiso cakumanesela lilinakwija. Co mukwale ukatapa mikoshi yeni.

Ezekiyele 21:29 Iomraidhean Croise

Yombi 18:20

Co kutunda mu ngangela, na mu kangombe ka yambi, voshe vakaziva tuyando twendi, vakaziva kuwazumuka muvila nakujaja na lyova.

Myaso 37:13

Oloni Shukulu Kalunga akajolo vaka-vuvi, omwo nazivuka ngeci kasimbu kakandondo lika vakanyonga.

Isaya 44:25

Vaka-kutaa njivapwisa vilema, nakuvindika vimona vya vaka-makuli. Majwi a vaka-kunyanyama, njikawapwisa angoco, nakumwesa ngeci mana avo anapu vulema.

Isaya 47:13

Unalijukisa yove vavenya, akwihula vaka-kulilongesa vingongonosi, na vaka-kwambulula vyuma vya kulutwe, ngeci vakunangule ngonde na ngonde. Yako ukavehule vakuleke vije vikalingiwa ali yove.

Njelemiya 27:9

Kesi mutolilile kuli vaka-kwimanena veni, nambe kuli munu umo uje endeka ngwendi asa kulumbununa vyuma vya kulutwe, nambe a vinjozi, nambe akusana minzinzime ya vatsi, nambe a manseno a vulozi. Voshe vamileka ngwavo kesi mulikeese kuli mwene wa Mbambilone.

Njelemiya 6:7

Vuvi vwa Yelusalema vulinakuzinzuka ngwe mwakazinzuka mema mu lisima. Njilinakuziva lwozi nakunyongesa mu nganda, co lalo njilinakumona mishongo na vanu vaje vanavulumuka valinakutsa.

Mbimbi 2:14

Vaka-kwimanena vove navimo vyai vya vushunga vakulekele, kuvanga makuli lika, vakukwisile nakwambulula kwavo, co yove kuwalitavelele vuvi vwove. Vakevo vakulingisile kuyongola ngeci kesi utenguluke ku vuvi vwove.

Ezekiyele 12:24

“Akati ka vanu va Isalele, kuwakakala lalo vimona vya makuli, nambe vuka-kwimanena vwakuungumwisa.

Ezekiyele 13:10

“Vaka-kwimanena valinakuungumwisa vanu vange akwendeka ngwavo vyuma vyoshe vinapu vyavivwa. Oloni mwa vushunga vyuma vyoshe kesi vyavivwa embwe! Vanu vange vanatungu civumbe ca mamanya akushengenya, co vaka-kwimanena vanaija nakucikwita mufwitilo wakutoka.

Ezekiyele 13:23

“Ngecivene, ololo vimona vyeni vya makuli na vuka-kwimanena vweni vwakuungumwisa vunahu. Njilinakupatula vanu vange vatunde ku mavoko eni, muzivuke ngeci yange Kalunga.”

Ezekiyele 13:6

Vimona vyavo vinapu vya makuli, na vuka-kwimanena vwavo vunapu vwa makuli. Valinakwendeka ngwavo valinakwambulula majwi ange, oloni kunjavatumine embwe. Oloni vashaka ngeci majwi avo apwe a vushunga!

Ezekiyele 21:25

“Yove muka-vuvi, muka-kushwana wa Isalele wakujela, litangwa lya cihiso cove cakumanesela lilinakwija.

Ezekiyele 22:28

Vaka-kwimanena vanashweke vuvi ovu ngwe vanu muvakakwiti civumbe na mufwitilo wakutoka. Vakamono vimona vya makuli, co vambulula vyuma vya makuli. Vendeka ngwavo evi vikevyo vyanendeka Shukulu Kalunga wa Akamwa ya Vyoshe, oloni yange Kalunga, kunjendekele kuli vakevo embwe.

Ezekiyele 35:5

“Mwapwile citozi ca Isalele ku myaka yoshe, nakutava ngeci vanu vendi vavatsiye ku simbu yendi ya tuyando twakama, a simbu yakunyanyamesa kwendi kwakumaneselela omwo vuvi vwendi.

Hoziya 7:2

Oloni kuvayongola ngeci njikanuka evi vipangi vyavo vyavivi, ololo vivi vyavo vinavazengeleka, kuvyasa kuvanda ku mesho ange.”