Ezekiyele 21:28 - Livulu lya Shukulu Kalunga

²⁸ “Muna munu, ambulula vuka-kwimanena. Ambulula evi yange Kalunga wa Akamwa ya Vyoshe, njilinakwendeka kuli vaAmoni vaje valinakushaula Isalele, endeka kuli vakevo ngwove, ‘Mukwale vanauvwaesela cimweja kunyongesa, vanaukalula mukutsiya, uvyakula ngwe muhyato.’

Ezekiyele 21:28 Iomraidhean Croise

2 Mizimbu 36:17

Ngecivene, Shukulu Kalunga wavanenelele mwene wa Mbambilone kwakuvalwisa. Co mwene watsiile vakwenje va mu Yunda nameme vene vaje vakele mu Njuvo ya Shukulu Kalunga. Ikeye katetelele munu embwe, mukwenje nambe mukulunu, munalume nambe munakazi, muka-kuvinja nambe mukangule. Njambi wavakundikile voshe kuli ikeye.

Isaya 31:8

VaAsilya vakavatsiila mu nzita, oloni kesi na mikwale ya vanu embwe. Vakwenje vavo vakeseka kuputumuka, oloni vakavakwata nakuvapwisa vindungo.

Njelemiya 12:12

Ku mitambela yoshe ya lifuti lya malundu amalaja mu mambo, vanu vanaija nakupukula, njinatumu nzita inyongese lifuti lyoshe, co naumo wai akakala mu kwoloka.

Njelemiya 46:10

Eli likelyo litangwa lya Shukulu Kalunga wa Akamwa ya Vyoshe Muka-nzili yoshe, litangwa lya lelo akalinga shambandinga, litangwa lya lelo akanyanyamesa vitozi vendi. Mukwale wendi ukavatapa, nakunwa maninga ngwe munu. Litangwa lya lelo Shukulu Kalunga Muka-nzili yoshe akombelela n̄ombelo ya shambandinga ku kunto, ku Ndonga ya Yufuleti.

Njelemiya 46:14

“Ambululeni mu vinganda vya Ingito, na mu Mingendole, na mu Mefise, na mu Tafanehese ngweni, ‘Livwaeseleni cimweja mukulyamena yeni vavenya, vyoshe vije vimuli navyo vikanyongela mu nzita!

Ezekiyele 17:13

Co waangwile umo wa ku naanga ya mwene, walingile nendi cikumiiyo, nakumusingisa ngeci apwe wa kulongwa. Watwalele vanalume va vulemu kupwa vakwatika,

Ezekiyele 17:15

Oloni mwene wa mu Yunda watengulukilile Mbambilone, co watumine tutumwa twendi ku Ingito kukashaka tuvalu, na mbunga ya mashwalale yakama. Kuma asa kuhyana ndi? Kuma asa kupatuka akulinga ngacije ndi? Kasa kupokola cikumiiyo kujeneka kumunyanyamesa!

Ezekiyele 21:20

Ngila imo ikamwesa mwene ngila yakuya ku nganda ya vaAmoni ku Lamba, co ngila ikwavo yakuya ku Yunda, ku Yelusalema nganda ya cimpaka.

Ezekiyele 36:15

Lifuti kulikatwalao kutolilila ku miyati ije ilishendumuna, nambe kumona vanu vaje valinakulishaula. Lifuti kulikevi lalo vana va miyati yavo. Munjinendeka yange Kalunga wa Akamwa ya Vyoshe.”

Hoziya 9:9

Vanapu vavavi manene mu vije valinakulinga, ngwe muje muvafwile ku Ngimbeya. Njambi akanuka vuvi vwavo nakuvanyanyamesa.