Ezekiyele 21:27 - Livulu lya Shukulu Kalunga

²⁷ Kunyongesa, kunyongesa! Eyo, njikanyongesa eyi nganda. Oloni kucikalingiwa kuvanga naija uje injinaangula kuhisa nganda. Asinoni njikamwanayo.

Ezekiyele 21:27 Iomraidhean Croise

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Myaso 2:6

“Njinaka mwene yange a Siyone, lilundu lyange lyakujela.”

Njelemiya 30:21

Muka-kuvashwana akatunda ku muyati wavo vavenya, muna mwene yavo akatunda ku vanu vavo vavenya. Akaija kuli yange omo njikamusana, iyajo asa kwija kuli yange, kujeneka kumusana?

Njelemiya 32:24

“VaMbambilone vanalundika mikinya kuzengeleka Yelusalema ngeci vailwise, vanu vali mu vukalu vwa njala ya lyangengela na mishongo, co nganda vakayana ku mavoko a vaMbambilone vaje valinakuyilwisa. Co vyoshe viwendekele vinapu vya vushunga.

Njelemiya 33:21

Mu ngila eyi vene njalikumiiya cikumiiyo na ngamba yange Ndaviti, ngeci simbu yoshe akakala na mutekulwila wendi uje akapwa mwene, co njalikumiiya cikumiiyo na vaka-kukombelela va ku muyati wa Levi, ngeci simbu yoshe vakanjipangela, co vikumiiyo evi kuvikapokoka.

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Njelemiya 52:4

co Nevukaneza wezile na mbunga ya mashwalale vendi voshe walwisile Yelusalema, a litangwa lyamulikumi ku ngonde yamulikumi mu mwaka wamucitanu na iwana wakushwana kwa Zendekiya. Co vatungile cilombo cavo anja ya nganda, co valingile mikinya noo vetele ku vivumbe vya nganda,

Ezekiyele 21:13

Njilinakwilula vanu vange, nga vavyana kutenguluka, co vyuma vyoshe evi vikalingiwa kuli vakevo.’

Ezekiyele 34:23

Asinoni njikavana kanyungi umolika, ikeye ngamba yange Ndaviti, ikeye akavanyunga, co akapwa kanyungi kavo.

Ezekiyele 34:24

Yange Kalunga, njikapwa Njambi yavo, co ngamba yange Ndaviti, akapwa muka-kuvashwana. Munjinendeka yange Kalunga.

Ezekiyele 4:2

Asinoni linga vingunja na mikinya na vilombo na vyuma vimo vyakulikwasesa kuwisa civumbe omo valwisa Yelusalema.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Hangai 2:7

Co njikatundisa miyati yoshe ya vanu, na vyuma vyavo vyoshe vya seo vikaija kuno, co Njuvo yange ikashula na vufuko.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Malakiya 3:1

Shukulu Kalunga Muka-nzili yoshe nendeka ngwendi, “Kengeni njikatuma muluwa wange uje akavwaesa ngila kulutwe lwange. Asinoni Shukulu Kalunga uje imulinakukengelela akaija vwasi-vwasi ku Njuvo yendi. Muluwa uje imukakengelela akaija nakwambulula cikumiiyo cange.”

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Kulava 24:19

Kuli Yakomba kukatunda umo ikeye akashwana, akanyongesa vaje vakasala mu nganda.”

Mateo 28:18

Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo.

Luka 1:32

Ikeye akapwa wakama, co vakamutumbula Muna Njambi wa Akamwa ya Vyoshe. Co Shukulu Kalunga Njambi akamupwisa mwene, ngwe mwapwile kukulwila yendi Ndaviti,

Luka 1:69

Natwana Muyoyesi wa nzili, mutekulwila wa ngamba yendi Ndaviti.

Luka 2:11

Vutsiki vuno vene mu nganda ya Ndaviti munasemuka Muyoyesi weni, ikeye Kilistu Mwene!

Yowano 1:4

Lijwi likelyo lyapwile nsina ya mwonyo, co mwonyo ou ukewo wanenele ceke kuli vanu.

Yowano 1:9

Eci cikeco capwile ceke ca vushunga, ceke cije cilinakwija mu kaye nakutwila ali vanu voshe.

1 Petulu 3:22

uje nai mwilu, co ali ku livoko lya cilyo lya Njambi, alinakushwana akamwa ya tungelo voshe na vaka-moko na vaka-nzili mwilu.