Ezekiyele 21:21 - Livulu lya Shukulu Kalunga

²¹ Mwene wa ku Mbambilone nemana ku masambwa-ngila ku manda ya cimweso. Mukweseka kuwana ngila ika yaila, alinakuningangesa mikili yendi, nakwihula tumponya twendi, nakwilula mwamuvwa lishuli lya kasitu wakukombelela.

Ezekiyele 21:21 Iomraidhean Croise

Kushangumuka 31:19

Oloni omo Lambani nailaja mukuteula vimanga vendi, co Lakele wevile tumponya twa ishe.

Kushangumuka 31:30

Njazivuka ngeci unakatukile omo unakala na cishota-mbunge cakwiluka kwimbo lyeni, oloni omo vikajo unevila tumponya twa mu njuvo yange?”

2 Vimyene 23:24

Akukolesa mashiko aje avasonekele mu livulu lije lyawanene Hilikiya Muka-kukombelela Wakama mu Njuvo ya Shukulu Kalunga, Mwene Yosiya watundisile mu Yelusalema na mu Yunda vanu voshe vaka-kwendeka na vakulu na vaka-kulukiya na vinjambi voshe va mu vinjuvo na tumponya na vivala vyoshe vije vivalemeselele vaje vaka-kujeneka kukulaela.

Visimo 16:10

Mwene endeka na moko ya vuNjambi, co kusompa kwendi kwapwa kwakushungama simbu yoshe.

Visimo 16:33

Vanu vakate n̄ela ngeci vawane cizango ca Njambi, oloni Njambi ikeye muka-kutava vije vinapande kulingiwa.

Visimo 21:1

Mbunge ya mwene yakala mu livoko lya Shukulu Kalunga, akayendesa ngwe muje mwakendesa mema a mu muta.

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Hoziya 4:12

Vanu vange valomba mana ku tumponya twavo twa viti! Co viti vivaleka vije vivashaka kuzivuka! Vananjiseza. Ngeci mwa munakazi uje alipwisa cikwizi, vanu vange vanalyana vakevo vavenya ku vinjambi veka.

Zakaliya 10:2

Vanu vakai nakwihula ku tumponya na kuli vaka-kulukiya, oloni kukumbulula kwavo kwapwa kwangoco na makuli. Vamo vakalumbununa vinjozi, oloni vamitanganesa lika, kuzembeleka kuje vakamwesa kwapwa kwangoco. Ngecivene, vanu vakalyendanganena ngoco ngwe vimanga kuvesi na kanyungi. Vali mu vushonde omwo kuvesi na ntwama.

Kulava 22:7

Ngecivene, vantwama va vaMowavi na vaMindyani vatwalele mushendo wakutaesa kuli Mbalame, co vamulekele majwi atundile kuli Mwene Mbalake.

Kulava 23:23

Mwa vushunga vene kukwesi mikalo ili na seo kuli Yakomba, nambe manseno kuwasa kupanga kuli Isalele. Ololo vanu vakendeka ali Yakomba na Isalele ngwavo, ‘Kengeni vije vyanalingi Njambi ali vakevo!’

Kulava 23:28

Ngecivene, Mbalake watwalele Mbalame akamwa ya Munkinda wa Peole uje wakenga ku mambo.

Mateo 22:9

Ngecivene, yeni ku masambwa-ngila, co voshe vamuwanako vasaneni vaije ku ciwano.’

Vilinga vya Miluwa 16:16

Omo twakele nakuya ku mutambela wakulombelela, twaliwanene na mumbanda wa ndungo uje wakele na munzinzime wakujwala wakuumikiya vyuma vya kulutwe. Co wavafukisile manene vakuku yendi vaje vamufukile mukuumikiya kwendi.

Kwituluka mu Mashiko 18:10

Kesi mukakombelele vana veni va vanalume, nambe va vanakazi kupwa n̄ombelo embwe. Co vanu veni kesi vakapwe vaka-kutaa, nambe vakakulaele viyovo, nambe vakapwe valozi,

Maako 17:5

Co uje munalume Mika wakele na njuvo yakulemesela vinjambi. Watongele kangamuna kakwola nakushonga tumponya, co wemikile umo wa vana vendi kupwa muka-kukombelela wendi.

Maako 18:14

Asinoni vaje vanalume vaile nakunenga lifuti lya Laishe, vendekele kuli vandolome vavo ngwavo, “Yeni mwazivuka ngeci kuno a vinjuvo evi, kuli imo ili na njambi wa citi wakufwika na siliva ndi? Co kuli vinjambi vakwavo lalo na kangamuna kakwola. Vatijo muyongola mutunapande kulinga?”

Maako 18:17

Co vaje vaka-kunenga vatanu vakovelele mu njuvo, vanonele uje njambi wa citi wakufwika na siliva, na vinjambi vakwavo lalo, na kaje kangamuna kakwola, simbu uje muka-kukombelela ali ku cikolo na vaje vanalume vaka-nzita vakupwa 600.

Maako 18:18

Omo vaje vanalume vakovelele mu njuvo ya Mika, vanonele vije vyuma vya cizila, co uje muka-kukombelela wavehwile ngwendi, “Vikajo mulinga?”

Maako 18:20

Eci cazivisile kuvwaa uje muka-kukombelela, co wanonele vyuma vije vya cizila, waile amo navo.

Maako 18:24

Mika wavakumbulwile ngwendi, “Ngweni, ‘Mulonga ukajo?’ Munambata muka-kukombelela wange, na vinjambi vaje njapangele munaija navo! Co yange vika njinasala navyo?”

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”