Ezekiyele 21:14 - Livulu lya Shukulu Kalunga

¹⁴ “Ngecivene, muna munu, ambulula vuka-kwimanena. Kanda vimbanda na mavoko ove, co mukwale ukavativa kwilukilao nakwilukilao. Ou unapu mukwale wakutsiisa, mukwale wakujujwisa nakutsiya.

Ezekiyele 21:14 Iomraidhean Croise

1 Vimyene 20:30

Co vaje vayoyeleo vatewelele ku nganda ya Afeke, kuje vivumbe vya nganda vyawililile vanu vakupwa 27,000. Co Mbenehandande lalo watewelele mu nganda, wakavandele mu mulili wa kunima ya njuvo.

1 Vimyene 22:25

Co Mikaya wamukumbulwile ngwendi, “Ukanjanuka omo ukaya ku mulili wa kunima ya njuvo nakuvandako.”

2 Vimyene 24:1

Omo Yehoyakime wapwile mwene, co Mwene Nevukaneza wa ku Mbambilone walwisile Yunda, co Yehoyakime waliitile ku mashiko endi myaka itatu, asinoni Yehoyakime wamutengulukilile.

Njelemiya 47:7

Oloni vatijo mukwale wange ukahwima, omo njinawana vipangi ngeci upange? Njinaushiki kulwisa Ashekelone, na vanu vaje vakala ku ngenge ya mema a kalunga.”

Ezekiyele 21:13

Njilinakwilula vanu vange, nga vavyana kutenguluka, co vyuma vyoshe evi vikalingiwa kuli vakevo.’

Ezekiyele 21:17

Nange lalo njikakanda vimbanda na mavoko ange, co vukalu vwange vukahwa. Munjinendeka yange Kalunga.”

Ezekiyele 28:23

Njikatuma mishongo ali yeni, co maninga aketikila mu vitapalo vyove. Vakakulwisa ku mitambela yoshe, co vanu vove vakavatsiya. Asinoni ukazivuka ngwove yange njapwa nji Kalunga.’ ”

Ezekiyele 6:11

Shukulu Kalunga wa Akamwa ya Vyoshe wendekele ngwendi, “Kanda vimbanda! Co lyata musindo! Lila na vusiwa omwo vuvi vwoshe, na vyuma vya vunyengwe vije vivanalingi vaIsalele. Vakatsila mu nzita, nakulanduka ku njala, na kutsa lalo ku mushongo.

Ezekiyele 8:12

Co Njambi wanjihwile ngwendi, “Muna munu, wamono vije valinakulinga mu vushweke vantwama va vaIsalele ndi? Voshe valinakulemesela mu mulili muje munashulu na vifwa vya tumponya. Valyola malambi ngwavo, ‘Shukulu Kalunga katumono! Ikeye naseze lifuti.’ ”

Ndanyele 3:19

Co Nevukaneza waluvalele manene, cihanga cendi cafufutukile na vukalu ali Shandelaki, na Meshake, na Ambendenengo. Washikile vanu vendi ngeci vashambeye manene litende lya tuhya visimbu vitanu na vivali ngeci lishukume manene kutuvakana mulikashukuminamo visimbu vyoshe.

VaLevi 26:21

“Nga munjitengulukila nakuvyana kunjononoka, co njicikawezelelako lalo cihiso visimbu vitanu na vivali a vuvi vweni.

VaLevi 26:24

co njikamitengulukila nakumihisa visimbu vitanu na vivali a vuvi vweni kutuvakana akulivanga.

Amose 9:2

Nameme nga vakainda vingila vyavo kwisi ya livu mu vukalo vwa vatsi, anga njikavawana. Nameme nga vakalonda mwilu, anga njikavashulwisamo nakuvanena ano asi.

Kulava 24:10

Ngecivene, Mbalake waluvalelele Mbalame, wavungile n̄ome nakulipupa mu mavoko lyendi, co wendekele kuli Mbalame ngwendi, “Njakusanene ngwange unjisingile vitozi vange, oloni kenga yove unavavezikisa visimbu vitatu.