Ezekiyele 21:12 - Livulu lya Shukulu Kalunga

¹² Muna munu, kemanga mu vusiwa, omwo mukwale ou vanaushomwena vanu vange, na vantwama voshe va Isalele. Vakavatsiya amolika na vanu vange voshe. Cinyangavili cove coshe cinapande kuhwa.

Ezekiyele 21:12 Iomraidhean Croise

Isaya 13:7

Mavoko a vanu akazeya, nakusimpa kwavo kukahwa.

Njelemiya 25:34

Lileni, yeni vantwama, yeni tunyungi va vanu vange, lileni manene! Lileni nakulikotinga mu livu. Omwo simbu yeni inete yakumitsiya, co vakamitsiya ngwe majamba a vimanga.

Njelemiya 31:12

Vakaija nakwimba mwaso wakujolela a Munkinda wa Siyone, co vakavwaelela na vwana vwange, vwana vwa vimbuto na vinyu, na mazi a olive, vwana vwa vimanga na vingombe. Vakafwa ngwe lihya lyakutukumwina mema mwamuvwa, vakakala na vyuma vyoshe vije vivashaka.

Njelemiya 31:19

Twakukengesele nima, oloni twatengulukile. Omo watunyanyamesele, twazivile vusiwa. Co twazivile shwamwa na lyova, omwo a vyuma vya vulema vije vitwalingile omo twapwile tu vakwenje.’

Ezekiyele 21:11

Mukwale vanaukalula laja ngeci vaupangese. Vanawotola nakuukalula, ngeci vawake mu livoko lya muka-kutsiya.

Ezekiyele 21:13

Njilinakwilula vanu vange, nga vavyana kutenguluka, co vyuma vyoshe evi vikalingiwa kuli vakevo.’

Ezekiyele 21:14

“Ngecivene, muna munu, ambulula vuka-kwimanena. Kanda vimbanda na mavoko ove, co mukwale ukavativa kwilukilao nakwilukilao. Ou unapu mukwale wakutsiisa, mukwale wakujujwisa nakutsiya.

Ezekiyele 21:25

“Yove muka-vuvi, muka-kushwana wa Isalele wakujela, litangwa lya cihiso cove cakumanesela lilinakwija.

Ezekiyele 21:6

“Muna munu, kemanga na mbunge yakuzeya na vusiwa manene ngeci munu woshe akumone.

Ezekiyele 22:6

Vantwama voshe va Isalele vakulaela mu nzili yavo namukutsiya.

Ezekiyele 30:2

“Muna munu, ambulula vuka-kwimanena nakwendeka vije yange Kalunga wa Akamwa ya Vyoshe, njilinakwendeka. Tambeka majwi awa ngwove, ‘Litangwa lya luvinda lili muyehi!

Ezekiyele 6:11

Shukulu Kalunga wa Akamwa ya Vyoshe wendekele ngwendi, “Kanda vimbanda! Co lyata musindo! Lila na vusiwa omwo vuvi vwoshe, na vyuma vya vunyengwe vije vivanalingi vaIsalele. Vakatsila mu nzita, nakulanduka ku njala, na kutsa lalo ku mushongo.

Ezekiyele 7:17

Mavoko a munu na munu woshe akazeya, co mavuli avo akajaja.

Ezekiyele 9:8

Omo vakele nakutsiya vanu, njasalele ange lika. Co njakulamene asi nakutambeka ngwange, “Yove Shukulu Kalunga wa Akamwa ya Vyoshe, kuma unaluvala na Yelusalema ngeci ulinakutsiya munu woshe uje nasalao mu Isalele ndi?”

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Njwele 2:1

Imbeni lupembo, co imbeni mwondo a Siyone, lilundu lya Njambi lyakujela. Jajeni, yeni vanu va mu Yunda! Litangwa lya Shukulu Kalunga lili muyehi.

Mika 1:8

Asinoni Mika wendekele ngwendi, “Omo a evi, njikalila nakulinyenga. Mukumwesa vusiwa vwange, co njikenda mendi-mendi na mutotototo. Njikalila ngwe mbanje, co njikasikoka ngwe nkumbwa.