Ezekiyele 20:9 - Livulu lya Shukulu Kalunga

⁹ Oloni kunjalingilemo, nga njalingilemo, nga lizina lyange lyashaukile, omwo ku mesho a vanu vaje vakele nakukala amo kuje, njambulwile ngwange njikatundisa Isalele mu Ingito.

Ezekiyele 20:9 Iomraidhean Croise

Myaso 106:8

Nameme ngoco Shukulu Kalunga wavamenene, ngwe muje muwavakulaesele, ngeci uvamwese nzili yove yakama.

Kutuuka 32:11

Oloni Mosesa walambelelele manene Shukulu Kalunga Njambi yendi wendekele ngwendi, “Ove Shukulu Kalunga, omwo vikajo unaluvalela manene ngeci na vanu vove, vaje wapatwile mu lifuti lya Ingito na livoko lyove lya nzili?

Kutuuka 32:12

Cikapwa vatijo omo vaka-Ingito vakendeka ngwavo yove watwamenenene vanu vove kuvatundisa mu Ingito, nakuvatsiila mu minkinda nakuvanyongeselamo voshe? Likele kuluvala, co yongolako mweka, kesi unene vukalu ovu ali vanu vove.

Isaya 48:11

Njalingile vyuma evi omwo cizango cange, kunjikatava lizina lyange ngeci valishaule, nambe kwana vumpau vwange kuli njambi umo weka lalo.”

Ezekiyele 20:14

Oloni kunjalingilemo, nga njalingilemo, nga lizina lyange lyashaukile akati ka miyati ya vanu vaje vanjimwene njitwamenena vaIsalele kutunda mu Ingito.

Ezekiyele 20:22

Oloni kunjalingilemo, nga njalingilemo, nga lizina lyange lyashaukile akati ka miyati ya vanu vaje vanjimwene njitwamenena vaIsalele kutunda mu Ingito.

Ezekiyele 39:7

Njikatsimanesa lizina lyange ku vanu vange va Isalele, co kunjikatava ngeci lizina lyange lyakujela lishauke. Asinoni miyati vakazivuka ngeci yange Kalunga, njapwa Njambi wakujela wa Isalele.”

Kwituluka mu Mashiko 9:28

Nga ulingamo, co vaka-Ingito vakendeka ngwavo Shukulu Kalunga kasele kwetesa vanu vendi mu lifuti lije lyavakulaesele omwo wavazinda, mukemwo wavatwalele mu mambo ngeci akavatsiilemo.

Yoshwa 2:10

Twazivile muje Shukulu Kalunga womisile cau Mema a Kalunga Akuvenga kulutwe lweni omo mwatundile ku Ingito. Co twazivile lalo omo wanyongesele vimyene vavali va vaAmoli, Sihone, na Onge, vaje vakele mu ngangela musambwa ya Yondau.

Yoshwa 7:9

Omo vaKanana na vanu veka va mu lifuti vakaziva vyuma evi, co vakatuzengeleka nakutunyongesa. Cooni yove Shukulu Kalunga cuma mukajo ukalinga mukunyunga lizina lyove lyakama?”

1 Samwele 12:22

Shukulu Kalunga nalisingi cikumiiyo ca cikulaeso, co kakamiseze embwe, omwo nayongola kumipwisa vanu vendi.

1 Samwele 4:8

Iyajo asa kutwamena ku nzili ya vinjambi va cifwa cangacije? Vakevo vinjambi vaje vatsiile vaka-Ingito mu mambo!