Ezekiyele 20:7 - Livulu lya Shukulu Kalunga

⁷ Njavalekele kumbila kuti tumponya twa vunyengwe tuje tuvazemene, co kesi valijwalese vakevo vavenya na tumponya twa vinjambi va Ingito, omwo yange njapwa Kalunga Njambi yavo.

Ezekiyele 20:7 Iomraidhean Croise

2 Mizimbu 15:8

Omo Asa wazivile vuka-kwimanena vuje vwambulwile Azaliya muna Ondende, co wakolesele. Watundisile tumponya mu lifuti lya Yunda na Mbenjemani, na tumponya twoshe tuje twakele mu vinganda vije vyafungulwile mu lifuti lya malundu lya Efalime. Co lalo watungulwile mutula wa Shukulu Kalunga uvashimbikile mu cipango ca ku Njuvo ya Shukulu Kalunga.

Kutuuka 16:12

“Njinazivi kulinyenga kwa vaIsalele. Valeke ngwove ku cingwezi vakalya situ, co ku mutondo vakalya makende ngwe muvanashakela. Asinoni vakazivuka ngeci yange Kalunga njapwa Njambi yavo.”

Kutuuka 20:2

“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.

Kutuuka 20:4

“Kesi mukalishongele cifwa ca cuma cimo cili mwilu, nambe cili ano asi, nambe cili mu mema mwisi ya asi.

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Kutuuka 22:20

“Munu woshe uje akombelela ku vinjambi veka vanapande kumutsiya, oloni vakombelele lika kuli yange Kalunga.

Isaya 31:7

Simbu ilinakwija, yeni voshe mukombila kuti tumponya tumwalingile twa siliva na ngolinde tumwalingile na mavoko eni a vuvi.

Ezekiyele 14:6

“Ngecivene, ololo, leka vaIsalele vije vinjendeka yange Kalunga wa Akamwa ya Vyoshe, ngwange, ilukeni, co sezeni tumponya tweni twa vunyengwe.

Ezekiyele 18:15

Kesi kulemesa tumponya twa vaIsalele, nambe kulya situ yakukombelela ku tumponya. Kesi kukokweya munakazi wa munalume weka,

Ezekiyele 18:31

Sezeni vuvi vwoshe vuje munakele nakulinga, co kaleni na mana amaha na vimbunge vyaviha. Omwo vikajo yeni vaIsalele mushaka kutsa?

Ezekiyele 18:6

Kesi kulemesa tumponya twa vaIsalele, nambe kulya situ ije vanakombelela ku tumponya. Kesi kukokweya munakazi wa mukwavo, nambe kulala na munakazi uje kakwata ku liko.

Ezekiyele 20:19

Yange Kalunga Njambi yeni. Ononokeni mashiko ange nakushika kwange.

Ezekiyele 20:8

Oloni vanjitengulukilile, co kuvanjitolililile. Kuvombilile kuti tumponya twa vunyengwe, nambe kwecela vinjambi va vaka-Ingito. Njalivwaesela cimweja kuvatava ngeci vazive nzili ya vukalu vwange vwoshe muje mu Ingito.

Ezekiyele 23:3

Omo vakele mu Ingito vapwile vambanda, kuvapwile lalo vambanda vaje kanda valimone na vanalume, co vapwile vikwizi.

Ezekiyele 23:7

Ohola wapwile cikwizi wakama kuli vamyata voshe va vaAsilya, co mashungu endi amutwalele kukulijwalesa ikeye vavenya akulemesa tumponya va vaAsilya.

Ezekiyele 23:8

Kasezele vukwizi vwendi, vuje vwashangumukile mu Ingito omo wapwile mumbanda uje kanda alimone na munalume. Kutunda a simbu ije omo wapwile mumbanda, vanalume valalele nendi nakumupwisa cikwizi.

Ezekiyele 34:24

Yange Kalunga, njikapwa Njambi yavo, co ngamba yange Ndaviti, akapwa muka-kuvashwana. Munjinendeka yange Kalunga.

Ezekiyele 6:9

kuje vakakala mu vunzinda. Co kuje vakanjanuka, nakuzivuka ngeci yange njinavahisa nakuvazivisa shwamwa, omwo vimbunge vyavo vyakujeneka kukulaela vyanjisezele, co vazemene tumponya kutuvakana yange. Co vakaziva vunyengwe, omwo vuvi na vyuma vya shwamwa vije vivalingile.

VaLevi 11:44

Yange njapwa Kalunga Njambi yeni, co munapande kulinyunga mupwe vaka-kujela, omwo yange njapwa wakujela.

VaLevi 17:7

Vanu va Isalele vanapande kupwa va kulongwa kuli Shukulu Kalunga. Kuvapandele kutsiila vimuna vavo mushandangala yangoco, nakukombelela vin̄ombelo ku minzinzime yakujwala ije yakulifwa na vimembe. Vanu va Isalele vanapande kunyunga lishiko eli ku visemwa vyavo vyoshe vya kulutwe.

VaLevi 18:2

“Leka vanu va Isalele ngwove, yange njapwa Kalunga Njambi yeni.

VaLevi 18:3

Kesi mukavangeye vilinga vya vanu va mu Ingito, kuje kumwakele, nambe vilinga vya vanu va mu lifuti lya Kanana, kuje njilinakumitwala.

VaLevi 20:7

Pweni vakujela, omwo yange njapwa Kalunga Njambi yeni.

Yoshwa 24:14

Co Yoshwa wendekele lalo ngwendi, “Ololo singimikeni Shukulu Kalunga nakumupangela mu vushunga na mu kulongwa. Tundiseni vinjambi vaje vavapangelele vakukulwila veni nakuvalemesa ku Mesopotamya na mu Ingito, co pangeleni lika Shukulu Kalunga.