Ezekiyele 20:5 - Livulu lya Shukulu Kalunga

⁵ Valeke vije vinjilinakwendeka. Omwo njaangwile Isalele, njavapwisile lizivasano. Njalisholwele kuli vakevo mu Ingito nakuvaleka ngwange yange njapwa nji Kalunga Njambi yeni.

Ezekiyele 20:5 Iomraidhean Croise

Kushangumuka 14:22

Oloni Avilama wamukumbulwile ngwendi, “Njilisinga ku mesho a Shukulu Kalunga, Njambi wa Akamwa ya Akamwa, uje watangele lilu na asi,

1 Vimyene 18:39

Omo vanu vamwene vije vyalingiwile, co voshe vatsikamene asi vatambekele ngwavo, “Shukulu Kalunga ikeye Njambi, Shukulu Kalunga lika ikeye Njambi!”

Myaso 103:7

Washolwele viyongola vyendi kuli Mosesa, nakumwesa vilinga vyendi vya nzili ku vanu va Isalele.

Myaso 33:12

Wavezika vanu vaje Njambi ikeye napu Shukulu Kalunga kavo, vavezika vanu vaje vanaangula Njambi ngeci vapwe vushwana vwendi!

Kutuuka 3:16

Ya ukakungulwile amo vantwama va Isalele voshe ukavaleke ngwove, ‘Shukulu Kalunga, Njambi ya vakukulwila veni, Njambi ya Avilahama, na Isake, na Yakomba, nalisholwele kuli yange. Valeke ngwove Njambi nakenge ali yeni, co namono vika vaka-Ingito valinakumilinga.

Kutuuka 3:6

Co wendekele lalo ngwendi, “Yange Njambi ya vakukulwila vove, Njambi ya Avilahama na Isake na Yakomba.” Co Mosesa wafwikile ku mesho endi omwo wakele na lyova lya kukenga kuli Njambi.

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Kutuuka 4:31

Co vanu vakulaelele, omo vazivile ngeci Shukulu Kalunga nezile kuli vakevo nakumona tuyando twavo muvalina kuvapangesela na muuka, co vatsikamene a mavuli nakulemesa.

Kutuuka 6:2

Njambi wendekele kuli Mosesa wamulekele ngwendi, “Yange njapwa Kalunga.

Kutuuka 6:3

Yange njalisholwele kuli Avilahama, na kuli Isake, na kuli Yakomba, ngwe Njambi Muka-nzili yoshe, oloni lizina lyange lya Kalunga kuvalizivukile.

Kutuuka 6:8

Co njikamitwala mu lifuti lije njakulaesele kulyana kuli Avilahama, na Isake, na Yakomba, co njikalyana kuli yeni kupwa vushwana vweni. Yange njapwa Kalunga.’ ”

Isaya 43:10

“Vanu va Isalele, yeni munapu mu vakaleo vange, njakwangwile kupwa ngamba yange, njishaka ngeci unjizivuke nakunjikulaela, nakuzivisisa ngeci yange lika njapwa nji Njambi. Kukwesi weka lalo njambi, kukwakele njambi weka lalo wai, co kakakalako lalo.

Njelemiya 33:24

“Wazivuka ngeci vanu valinakwendeka ngwavo yange njinavyana Isalele na Yunda, vinaanga vivali vije njaangwile? Co valinakukenga vanu vange na kayengu, nakuvayongola ngwe kesi muyati.

Ezekiyele 16:8

“Co omo njetile kuli yove lalo, njamwene ngeci simbu yove inete yakukala na cizemo. Njakufwikile na kazaku kange, co njakulaesele kukuzema. Eyo, njalikumiiye nove cikumiiyo ca vulo, co yove wapwile u wange.” Evi vikevyo vyanendeka Shukulu Kalunga wa Akamwa ya Vyoshe.

Ezekiyele 20:15

Ngecivene, njalisingile muje mu mambo ngwange kunjikasa kuvatwala ku lifuti lije linjavanene, lifuti lya vufuko na vwilo, lifuti lyalivwa manene kutuvakana mafuti oshe.

Ezekiyele 20:23

Ngecivene, njalikumiiye lalo cikumiiyo cikwavo mu mambo. Njalisingile ngeci njikavashandwela mu kaye mwoshe.

Ezekiyele 34:24

Yange Kalunga, njikapwa Njambi yavo, co ngamba yange Ndaviti, akapwa muka-kuvashwana. Munjinendeka yange Kalunga.

Ezekiyele 35:11

Mwa vushunga vene yange Kalunga wa Akamwa ya Vyoshe, njapwa Njambi wakuyoya, njikakwilwisila vukalu vwove, na lifuwa lyove, na cizindo cove kuli vanu vange. Asinoni vakazivuka ngeci yange njilinakukunyanyamesa omwo vije viwalingile kuli vakevo.

Ezekiyele 47:14

Yange njalikumiiye cikumiiyo na vakukulwila veni ngeci njikavana lifuti eli kupwa lyavo, co ololo lipangezelenilyo akati keni muvavoshe mupwise amo.

Ndanyele 12:7

Co uje munalume wazalele vuzalo vwa linyu wolwele mavoko endi oshe mwilu nakulisinga mu lizina lya Njambi wa Myaka Yoshe. Co njamuzivile endeka ngwendi, “Kukaita myaka itatu na vingonde vitanu na imo. Omo tuyando twa vanu va Njambi tukahwa, co vyuma vyoshe evi vinalingiwa laja.”

VaLevi 18:2

“Leka vanu va Isalele ngwove, yange njapwa Kalunga Njambi yeni.

Mako 13:20

Co nga Shukulu Kalunga kakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Kwituluka mu Mashiko 14:2

Omwo yeni mwapwa mu vanu va Shukulu Kalunga Njambi yeni, ikeye wamyangwile ngeci mupwe vanu vendi, akati ka miyati yoshe eyi yakala ano asi.

Kwituluka mu Mashiko 32:40

Mwa vushunga yange njapwa Njambi wakuyoya simbu yoshe, njikajundula livoko lyange nakulisinga,

Kwituluka mu Mashiko 4:34

Kuma kwakele njambi weka watundisile muyati umo ku muyati ukwavo, ngeci akavapwise vanu vendi, ngwe mwalingile Shukulu Kalunga Njambi yeni ali yeni mu Ingito ndi? Ku mesho eni vene ikeye washolwele nzili yendi yakama na vukama, wanenele mishongo yakulitambwisa amo na nzita, co walingile vizivukiso na vikomokeso, co washolwele vyuma vyakujajesa mu Ingito mwoshe.

Kwituluka mu Mashiko 4:37

Shukulu Kalunga wamyangwile nakukala akati keni, ngeci wamitundisile mu lifuti lya Ingito na nzili yendi yakama omwo wazemene vakukulwila veni.

Kwituluka mu Mashiko 7:6

Shukulu Kalunga Njambi yeni wamyangwile kupwa vushwana vwendi kutuvakana vanu voshe vali ano asi ngeci mukapwe vanu vendi vakujela.

Kwituluka mu Mashiko 7:7

“Shukulu Kalunga kamizemene nakumyangula omwo kutuma kweni kutuvakana miyati yeka embwe. Yeni mwapwile muyati waundondo manene akati ka vanu voshe.

Kujombolola 10:5

Asinoni uje kangelo injamwene nemana a mema a kalunga na a nunda wolwele livoko lyendi lya cilyo mwilu,

Kujombolola 10:6

co walisingile mu lizina lya Njambi, uje wayoya ku myaka na myaka, uje watangele lilu na asi na mema a kalunga na vyuma vyoshe vilimo. Co kangelo wendekele ngwendi, “Vyuma evi kuvyapandele kwishwala embwe!