Ezekiyele 20:43 - Livulu lya Shukulu Kalunga

⁴³ Asinoni mukanuka vyuma vyoshe vya vunyengwe vimwalingile na muje mumwalijwalesele. Mukaziva vunyengwe omwo vyuma vyoshe vije vyavivi vimwalingile.

Ezekiyele 20:43 Iomraidhean Croise

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Njelemiya 31:18

“Njazivi vanu vaIsalele valinyenga ngwavo ‘Shukulu Kalunga, twafwile ngwe tusitu vakujeneka kwononwesa, oloni watulongesele kwononoka. Twilwise, co tukeluka kuli yove, Shukulu Kalunga Njambi yetu.

Ezekiyele 36:31

Mukanuka futisi ya vuvi vweni na kupenga-penga kuje mwalingile, co mukakala na vunyengwe yeni vavenya, omwo vuvi vweni na milonga yeni.

Ezekiyele 39:26

Co omo vakatumbama kuluu mu lifuti lyavo, muje naumo wai akavazivisa lyova, co vakevala shwamwa na kupenga-penga kuje kuvalingile kuli yange.

Ezekiyele 6:9

kuje vakakala mu vunzinda. Co kuje vakanjanuka, nakuzivuka ngeci yange njinavahisa nakuvazivisa shwamwa, omwo vimbunge vyavo vyakujeneka kukulaela vyanjisezele, co vazemene tumponya kutuvakana yange. Co vakaziva vunyengwe, omwo vuvi na vyuma vya shwamwa vije vivalingile.

Hoziya 5:15

“Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Luka 18:13

Oloni muka-kutambula lisimu wemanene kulyala, co kasele nambe kwandula mesho endi kwilu, oloni walipupile a nulo yendi wendekele ngwendi, ‘Njambi, njizivileko mema ku mbunge yange muka-vuvi!’

2 Kolinte 7:11

Kengeni Njambi vati nalingi na vusiwa vweni ovu, vati vunamilingisa ngeci munyanyame manene! Nakusholola sholovya yakulishungamesa na vukaleo vwavuvwa na cizemo na mukulikundika nakuzambula kunyanyamesa vilinga vyavivi! Co munalisholola yeni vavenya ngeci munajeneka mulonga mu vyuma vyoshe.