Ezekiyele 20:40 - Livulu lya Shukulu Kalunga

⁴⁰ Muje mu lifuti, a lilundu lyange lyakujela, munkinda waulaja wa Isalele, yeni voshe vanu va Isalele mukanjilemesa. Co njikavwaelela muli yeni, nakumikulaela ngeci munjinenele vin̄ombelo vyeni, na mulambu weni wauvwa manene, na vwana vweni vwakujela.

Ezekiyele 20:40 Iomraidhean Croise

2 Samwele 24:23

Alauna waanene vyoshe vije kuli mwene, co wendekele kuli ikeye ngwendi, “Shukulu Kalunga Njambi yove atambule n̄ombelo yove.”

Myaso 2:6

“Njinaka mwene yange a Siyone, lilundu lyange lyakujela.”

Isaya 56:7

“Njikamitwala ku Siyone, lilundu lyange lyakujela, co njikavajolesa mu Njuvo yange yakulombelela, co njikatambula vin̄ombelo vije vimukombelela a mutula wange. Co Njuvo yange vakaitumbula Njuvo yakulombelela miyati yoshe.”

Isaya 60:7

Vimanga voshe va ku Kendale na ku Nembayote Vakavanena kuli yove mukuvakombelela. Vakavakombelela a mutula mukuvwaelelesa Shukulu Kalunga. Co njikashangazala Njuvo yange ya vumpau.

Isaya 66:20

Vakelwisa vavushoko vweni vaje vali mu mafuti oshe ku lilundu lyange lyakujela mu Yelusalema a tuvalu, na vimulu, na tumelo, na mu matemba na mu makalu, cikafwa ngwe vaIsalele vanena mulambu wa vimbuto vya vinona ku Njuvo yange a malonga akujela.

Isaya 66:23

A ngonde yoshe yakulivanga na a Ciwano ca Kutenama kwa Ngonde na a Litangwa Lyakuhwima, vanu va miyati yoshe vakaija nakunjilemesa muno mu Yelusalema.” Mukemwo mwanendeka Shukulu Kalunga.

Njelemiya 31:12

Vakaija nakwimba mwaso wakujolela a Munkinda wa Siyone, co vakavwaelela na vwana vwange, vwana vwa vimbuto na vinyu, na mazi a olive, vwana vwa vimanga na vingombe. Vakafwa ngwe lihya lyakutukumwina mema mwamuvwa, vakakala na vyuma vyoshe vije vivashaka.

Ezekiyele 17:22

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikapokola shongo ya njovolwezi ya muti waulaja wa kendale, co njikaukuna a munkinda waulaja,

Ezekiyele 17:23

a munkinda wa Isalele uje waulaja manene. Minango yawo ikakola nakwima vushuka, co ukemuka muti wa kendale wauvwa. Co tuzila va miyati yoshe vakakalako, vakavanda mu munzinze wawo.

Ezekiyele 28:14

Yange njaakele kelumbi ngeci akunyunge. Yove wakele a munkinda wange wakujela, co wakele nakwenda akati ka mamanya a seo akuvyazima.

Ezekiyele 40:2

Mu cimona Njambi wanjitwalele ku lifuti lya Isalele, co wakanjakele a munkinda waulaja. Njamwene kulutwe lwange vinjuvo vyavingi vyasholokele kufwa ngwe nganda.

Ezekiyele 43:12

Eli likelyo lishiko lya Njuvo yange, mutambela woshe wa Njuvo yange uje uli akamwa ya munkinda unapu wakujela manene.”

Ezekiyele 43:27

Omo simano ineti, co vaka-kukombelela vakashangumuka kulambwila a mutula, milambu ya kwenyeka, na milambu ya vanu ya kulitombola. Asinoni njikavwaelela neni voshe. Munjinendeka yange Kalunga wa Akamwa ya Vyoshe.”

Ovandiya 1:16

Vanu vange vananwila nganja ya cihiso yakulula a lilundu lyange lyakujela. Oloni miyati yoshe vaje vanamizengeleka, anga vakanwa nganja ya cihiso ikwavo yakulula. Vakainwa yoshe njwa, co vakanyonga.

Zefaniya 3:11

A simbu ije, yeni vanu vange kumukazivi lalo shwamwa a kwononoka mashiko ange embwe. Co njikatundisa vanu voshe vaje vaka-kulyalesa nakulishasha, co kumukanjitengulukila lalo a lilundu lyange lyakujela embwe.

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Malakiya 3:4

Co Shukulu Kalunga akatambula vin̄ombelo vya vanu va mu Yunda na ava va mu Yelusalema ngwe muvalingile kulaja.

Loma 8:23

Oloni kesi vyakutanga lika vilinakukemanga embwe, netu lalo tuli na Munzinzime ngwe vaje vakulivanga kupwa vwana vwa Njambi netu lalo tulinakukemanga omo tulinakuvandamena Njambi ngeci atupwise vana vendi nakupatula mivila yetu.

VaHevelu 13:15

Ngecivene, ijeni tushangazale Njambi simbu yoshe ngwe n̄ombelo yetu ali Yesu, ikeyo n̄ombelo ya tunwa twetu yakumutava ikeye Mwene.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

Kujombolola 12:1

Asinoni cizivukiso cakama casholokele mwilu. Kwakele munakazi, cikoveyo cendi capwile litangwa, co ngonde yakele mwisi ya myanja yendi na cilongo ca vingongonosi likumi na vivali cakele a mutwe wendi.

Kujombolola 21:10

Co njakele mu Munzinzime, co kangelo wanjitwalele ku shongo ya munkinda waulaja. Co wanjimwesele Yelusalema, Nganda Yakujela, ije yatundile mwilu kuli Njambi,