Ezekiyele 20:36 - Livulu lya Shukulu Kalunga

³⁶ Njikamisompa ngwe muje munjasompele vakukulwila veni mu mambo ya Sinai, mukemwo mwalinakwendeka Shukulu Kalunga wa Akamwa ya Vyoshe.

Ezekiyele 20:36 Iomraidhean Croise

Isaya 3:14

Shukulu Kalunga akasompesa vakulunu na vantwama va vanu vendi. Avasompesa ngwendi, “Munapukula mikolovozi ya vushuka vwa vinyu, co mu vinjuvo vyeni munashulu na vyuma vimunambata ku tuutu.

Njelemiya 2:9

“Ngecivene, yange Kalunga, njikanena n̄anda yange mukusompa yeni vanu vange. Njikasompesa lalo vatekulwila veni.

Njelemiya 25:31

co cilumo ciketa na aje asikisila kaye. Shukulu Kalunga ali na n̄anda na vaka-mafuti. Akakungulwila vanu ku cisompelo, nakutsiya vaka-vuvi. Shukulu Kalunga nendekamo.’ ”

Ezekiyele 17:20

Njikajangumuna linimbwa lya ciyambi nakulita, co akatsao. Njikamutwala ku Mbambilone nakumunyanyameselako, omwo kapwile muka-kulongwa kuli yange.

Ezekiyele 20:13

Oloni nameme mu mambo vanjitengulukilile. Vapokwele mashiko ange, nakuwavyana, mashiko aje aana mwonyo kuli munu na munu uje awononoka. Mwa vushunga vene vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange muje mu mambo nakuvanyongesa.

Ezekiyele 20:21

“Oloni cisemwa cije lalo vanjitengulukilile. Vapokwele mashiko ange, co kuvanyungile kushika kwange, mashiko aje aana mwonyo kuli munu na munu uje awononoka. Vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange vwoshe muje mu mambo, nakuvatsiya voshe.

Ezekiyele 20:35

Njikamitwala mu ‘Mambo ya Miyati ya Vanu.’ Co njikaliwana neni kuje mesho na mesho.

Ezekiyele 34:17

“Ngecivene, ololo, vutanga vwange, yange Kalunga wa Akamwa ya Vyoshe njimileka ngwange, njikasompa vimanga na vimanga, co njikaangununa vavavwa ku vavavi, co njikaangununa vimanga ku vimembe.

Amose 3:2

“Ku miyati yoshe ya ano asi yeni lika vanjangwile nakuminyunga mwamuvwa. Evi vikevyo vyanenesa vivi vyeni kupwa vyakukomokesa, ngecivene, njikaminyanyamesa omwo vuvi vweni.”

Kwituluka mu Mashiko 32:10

“Ikeye wavawanene vendangana mukati ka mambo, mu mambo, mwakuhuwa lihunzi, mwakujeneka mema. Ikeye wavanyungile nakuvalela, ngwe munu mwakanyungu lisho lyendi.