Ezekiyele 20:30 - Livulu lya Shukulu Kalunga

³⁰ Ololo leka vaIsalele vije njilinakwendeka yange Kalunga wa Akamwa ya Vyoshe ngwove, ‘Omo vikajo mulinakulinga vuvi vwa muyati umo ngwe vuje vuvalingile vakukulwila veni, akulemesa tumponya twavo?’

Ezekiyele 20:30 Iomraidhean Croise

2 Mizimbu 30:7

Kesi mupwe ngwe vakukulwila veni na vavushoko vweni vaIsalele vaje kuvakulaelele kuli Shukulu Kalunga, Njambi yavo. Ikeye wavanyanyamesele visimbu vyavingi ngwe mumunamono.

Myaso 106:39

Valiviisile na vilinga vyavo evi, co kuvapwile va kulongwa kuli Njambi.

Njelemiya 16:12

Oloni yeni mwalingi mwamuvi manene kutuvakana vakukulwila veni. Muvavoshe munapu vaka-kukaluwisa vimbunge vyeni na vuvi, co kumwesi kunjononoka.

Njelemiya 7:26

Oloni nameme ngoco, naumo wai wavatolililile nambe kumbako mbunge. Oloni yeni mwakaluwisile manene vimbunge vyeni nakunjitengulukila kutuvakana vakukulwila veni.

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Njelemiya 9:14

Oloni vanakaluwisa vimbunge vyavo nakulemesa kamponya Mbale ngeci muvalingile vakukulwila vavo.

Ezekiyele 2:3

“Muna munu, njilinakukutuma kuli vanu va Isalele. Vananjitengulukila nakunjilwisa na simbu ino anga vene vananjitengulukila, ngwe muvalingile vakukulwila vavo.

Ezekiyele 20:26

Njavatavele kulijwalesa na vin̄ombelo vyavo vavenya, co njavatavele kukombelela vana vavo va va ntwatwa va vanalume. Eci capwile kuvanyanyamesa, nakuvamwesa ngeci yange njapwa Kalunga.

Ezekiyele 20:29

Co njavehwile ngwange, ‘Kulijo mukai nakulemesa vinjambi?’ Co vakumbulwile ngwavo, ‘Tukai ku mitambela yakulemesela.’

Kulava 32:14

Co yeni munengi mu mwela wa vaishweni, cisemwa caciha ca vanu vavavi vaje vashaka kunena vukalu vwa Shukulu Kalunga ali vanu va Isalele.

Mateo 23:32

Twaleniho, mumanese vije vashangumukile vakukulwila veni!

Vilinga vya Miluwa 7:51

“Setefano wendekele kuli vakevo ngwendi, ‘Yeni vanu vakukaluwa! Yeni vanu va vimbunge vyakujeneka kukulaela, matwi eni anashoko ku lijwi lya Njambi! Yeni lalo mulinakuvyana Munzinzime Wakujela ngwe muvalingile vakukulwila veni.

Maako 2:19

Oloni capwile ngeci omo uje lyaako natsi, co vanu va Isalele veluka lalo mu vingila vyavo vyavivi kutuvakana vije vya vakukulwila vavo. Vakavele vinjambi veka nakuvapangela, nakuvalemesa, vavyanene kuseza vilinga vyavo vya kupenga-penga.