Ezekiyele 20:3 - Livulu lya Shukulu Kalunga

³ “Muna munu, endeka kuli vanu ava nakuvaleka ngwove Shukulu Kalunga wa Akamwa ya Vyoshe alinakwendeka ngwendi, ‘Munaija nakwihula cizango cange, indi vati? Mwa vushunga akupwa nji Njambi wakuyoya, kunjikamitava kunjihula cuma cimo embwe,’ munjinendeka yange Kalunga wa Akamwa ya Vyoshe.

Ezekiyele 20:3 Iomraidhean Croise

Visimo 15:8

Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Visimo 21:27

Shukulu Kalunga wazinda vin̄ombelo vya vaka-vuvi, vaje vamukombelela na matumbe a vuvi.

Visimo 28:9

Munu uje kononoka lishiko, malombelo endi kuli Njambi anapu a vunyengwe.

Isaya 1:12

Iyajo namishika ngeci munjinenele vyuma vyoshe evi omo mwija nakunjilemesa? Iyajo namileka ngeci mulyatangele mu Njuvo yange?

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Isaya 58:2

Vakanjilemesa a litangwa na litangwa, vendeka ngwavo valinakushungwiya kuzivuka vingila vyange nakwononoka mashiko ange. Vendeka ngwavo vashaka njivane mashiko a vushunga, ngeci vavwaelele mukunjilemesa.”

Ezekiyele 14:1

Vamo vantwama va vaIsalele vezile nakunjihula cizango ca Shukulu Kalunga.

Ezekiyele 20:2

Asinoni Shukulu Kalunga wendekele kuli yange ngwendi,

Ezekiyele 20:31

Nameme ku litangwa lya lelo vene mucili nakwana vwana vwa cifwa cimo, nakulijwalesa na tumponya tuje vene akukombelela vana veni ku tumponya mu tuhya. Co yeni lalo vaIsalele mucili nakwija nakwihula vati mucapwa cizango cange! Mwa vushunga vene omo yange njapwa Kalunga wa Akamwa ya Vyoshe, Njambi wakuyoya, kunjikamitava ngeci munjihule cuma cimo embwe.

Ezekiyele 33:30

Shukulu Kalunga wendekele ngwendi, “Muna munu, vanu vove valinakusimutwiya ali yove, omo vakungulukila ku vivumbe vya nganda nambe ku vikolo vya vinjuvo vyavo kuje kuli mbanja. Co valyendekesa umo na mukwavo ngwavo, ‘Tuyeni tukazive majwi mukajo anatundu kuli Shukulu Kalunga ololo!’

Amose 8:12

Vanu vakendangana kutunda ku Lishali lya Mwongwa nakweta ku Lishali lya Menditelenyani, asinoni vakatunda ku kunto nakweta mu ngangela. Vakashakezeka lijwi lya Shukulu Kalunga noku-noku, oloni kuvakaliwana.

Mika 3:7

Vaje vakomikiya vya kulutwe vakashauka akwonwa kumona vivomikiiye. Voshe vakavaya omwo Njambi kakavakumbulula.

Mateo 3:7

Oloni omo Yowano wamwene vaFaliseo na vaSanduki vavangi vakele nakwija kuli ikeye ngeci avambwitike, co wendekele kuli vakevo ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Luka 3:7

Co Yowano walekele vije vimbunga vezile kuli ikeye nakuvambwitika ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Yowano 4:24

Njambi ikeye Munzinzime, co vaje vamulemesa, vanapande kumulemesa mu munzinzime na mu vushunga.”

1 Samwele 28:6

ngecivene, Saulu wehwile kuli Shukulu Kalunga vije vyanapande kulinga. Oloni Shukulu Kalunga kamukumbulwile, nambe mu vinjozi, nambe kupangesa Ulime na Tumime, nambe a vaka-kwimanena.