Ezekiyele 20:18 - Livulu lya Shukulu Kalunga

¹⁸ Oloni njanangwile vakwenje akati kavo ngwange, ‘Kesi munyunge mashiko aje valingile vakukulwila veni, kesi mukavangeye futisi yavo nambe kulijwalesa na tumponya twavo.

Ezekiyele 20:18 Iomraidhean Croise

Myaso 106:39

Valiviisile na vilinga vyavo evi, co kuvapwile va kulongwa kuli Njambi.

Njelemiya 11:10

Vanelukila ku vingila vyavivi vya vakukulwila vavo, co vanavyana kwononoka ku majwi ange, valinakukavangeya vinjambi veka nakuvalemesa. Miyati ya Isalele na Yunda vanavyana cikumiiyo cije njalikumiiye na vakukulwila vavo.

Njelemiya 2:7

Njaminenele mu lifuti lya vwilo, mukulya vushuka vwamwo na vyuma vyoshe vije vyavivwa. Oloni mwaviisile lifuti lyange nakujwalesa vushwana vuje vunjamyanene.

Njelemiya 3:9

co kakele na shwamwa. Wajwalesele lifuti, co walingile vupangala vwakulemesa tumponya va mamanya na viti.

Njelemiya 32:23

Omo vetele mu lifuti lino, co lyapwile vufuko vwavo, oloni kuvononokele mashiko ove, nambe kuyoya ngwe ku vilongesa vyove, nacimo civalingile cai a vyuma wavashikile kulinga. Co yove wanenele vukalu vwoshe ovu ali vakevo.

Ezekiyele 18:14

“Nga co munalume ou wamucivali ali na munendi. Munendi amona vuvi vwoshe vwalingile ishe, oloni kasa kumutembunwina.

Ezekiyele 18:19

“Oloni wihula ngwove, ‘Omwo vikajo mwana kayandela a vuvi vwa ishe?’ Kukumbulula cinapu ngeci, uje mwana walingile vushunga na vuvwa. Wanyungile mashiko ange nakuwakava mwamuvwa, co mwa vushunga akayoya.

Ezekiyele 2:3

“Muna munu, njilinakukutuma kuli vanu va Isalele. Vananjitengulukila nakunjilwisa na simbu ino anga vene vananjitengulukila, ngwe muvalingile vakukulwila vavo.

Ezekiyele 20:7

Njavalekele kumbila kuti tumponya twa vunyengwe tuje tuvazemene, co kesi valijwalese vakevo vavenya na tumponya twa vinjambi va Ingito, omwo yange njapwa Kalunga Njambi yavo.

Amose 2:4

Shukulu Kalunga alinakwendeka ngwendi, “Vanu va ku Yunda vanalingi vuvi kushwakumo, omwo cuma eci mwa vushunga njikavanyanyamesa. Vanayeluwisa vilongesa vyange, co kuvanyungile mashiko ange. Vanongumuka na vinjambi va makuli vaje vavalemesele vakukulwila vavo.

Kulava 14:31

Yeni mwendekele ngweni vana veni vakavafungulula, oloni yange njikavatwala mu lifuti lije limwavyanene, co likelyo likapwa lifuti lyavo.

Vilinga vya Miluwa 7:51

“Setefano wendekele kuli vakevo ngwendi, ‘Yeni vanu vakukaluwa! Yeni vanu va vimbunge vyakujeneka kukulaela, matwi eni anashoko ku lijwi lya Njambi! Yeni lalo mulinakuvyana Munzinzime Wakujela ngwe muvalingile vakukulwila veni.

1 Petulu 1:18

Omwo mwazivuka ndando ije ivamipatwile nayo mukumitundisa ku mwonyo wangoco uje mwatambwile kuli vakukulwila veni. Kucapwile cuma cije casa kunyonga ngwe siliva nambe ngolinde,