Ezekiyele 20:13 - Livulu lya Shukulu Kalunga

¹³ Oloni nameme mu mambo vanjitengulukilile. Vapokwele mashiko ange, nakuwavyana, mashiko aje aana mwonyo kuli munu na munu uje awononoka. Mwa vushunga vene vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange muje mu mambo nakuvanyongesa.

Ezekiyele 20:13 Iomraidhean Croise

2 Samwele 12:9

Ngecivene, omwo vikajo kuwononokele kushika kwange? Omwo vikajo unalingi vuvi vwangacije? Yove unatsiisa Uliya mu nzita, unatava vaAmoni vamutsiye, ngeci unambata munakazi wendi!

2 Mizimbu 30:7

Kesi mupwe ngwe vakukulwila veni na vavushoko vweni vaIsalele vaje kuvakulaelele kuli Shukulu Kalunga, Njambi yavo. Ikeye wavanyanyamesele visimbu vyavingi ngwe mumunamono.

Nehemiya 13:17

Co njaluvalele na vantwama va vaYunda njendekele ngwange, “Kengeni, mulinakulinga vuvi! Mulinakuviisa Litangwa Lyakuhwima.

Kutuuka 32:10

Co ololo, njecele kesi unjivindike, omwo njinaluvala navo. Njivanyongesa voshe njwa, asinoni njikakupwisa yove na vatekulwila vove muyati wakama.”

Kutuuka 32:8

Lajoko vanaseza ngila ije njavashikile kuyikava, vakevo vanamungu ngolinde kuyipwisa muna ngombe wa nkomba, co ikeye valinakulemesa nakukombelelako vin̄ombelo. Co valinakwendeka ngwavo ikeye njambi yavo, uje wavatwamenenene nakuvatundisa mu Ingito.

Visimo 1:25

Munombwanesa kunangula kwange kwoshe, co kumwakele na cizango cakunjitava omo njamyendekelele.

Visimo 13:13

Nga uvyana vilongesa vya Njambi, co ulinenela tuyando, oloni uje ononoka mashiko endi vakamwana cikandelela.

Isaya 56:6

Shukulu Kalunga alinakwendeka kuli vaje vaka-kwija vanapu vamo va vanu vendi, vaje vamuzema nakumupangela, vaje vanyunga Litangwa Lyakuhwima nakunyunga mwamuvwa cikumiiyo cendi ngwendi,

Isaya 63:10

oloni vanu vendi vamutengulukilile nakumulwisa nakulingisa vusiwa Munzinzime wendi Wakujela. Ngecivene, Shukulu Kalunga wapwile citozi cavo nakuvalwisa.

Njelemiya 7:24

Vakukulwila veni kuvononokele nambe kumbako mbunge, oloni valingile ngwe muvyavalekele vimbunge vyavo vyakukaluwa, co vaviile manene.

Ezekiyele 20:11

Co njavanene mashiko ange nakuvalongesawo, mashiko aje aana mwonyo kuli munu na munu uje awononoka.

Ezekiyele 20:14

Oloni kunjalingilemo, nga njalingilemo, nga lizina lyange lyashaukile akati ka miyati ya vanu vaje vanjimwene njitwamenena vaIsalele kutunda mu Ingito.

Ezekiyele 20:16

Njalisingile omwo vavyanene kushika kwange nakupokola mashiko ange nakuzilula Litangwa Lyakuhwima. Co vazemene kulemesa tumponya twavo.

Ezekiyele 20:21

“Oloni cisemwa cije lalo vanjitengulukilile. Vapokwele mashiko ange, co kuvanyungile kushika kwange, mashiko aje aana mwonyo kuli munu na munu uje awononoka. Vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange vwoshe muje mu mambo, nakuvatsiya voshe.

Ezekiyele 20:24

Njalingile eci omwo vavyanene kushika kwange nakupokola mashiko ange nakuzilula Litangwa Lyakuhwima, co valemesele tumponya tuje vene tuvapangele vakukulwila vavo.

Ezekiyele 20:36

Njikamisompa ngwe muje munjasompele vakukulwila veni mu mambo ya Sinai, mukemwo mwalinakwendeka Shukulu Kalunga wa Akamwa ya Vyoshe.

Ezekiyele 20:8

Oloni vanjitengulukilile, co kuvanjitolililile. Kuvombilile kuti tumponya twa vunyengwe, nambe kwecela vinjambi va vaka-Ingito. Njalivwaesela cimweja kuvatava ngeci vazive nzili ya vukalu vwange vwoshe muje mu Ingito.

Ezekiyele 22:8

Yeni kumwesi nakusingimika mitambela yakujela, co kumwesi nakunyunga Litangwa Lyakuhwima.

Ezekiyele 23:38

Co evi kesi vikevyo lika vivalingile embwe. Vajwalesele Njuvo yange, nakushaula Litangwa Lyakuhwima lije njemikile.

VaLevi 18:5

Kavangeyeni vingila na mashiko awa njilinakumyana, nga mulinga ngacije, co mukayoya. Yange njapwa Kalunga.

VaLevi 26:15

Nga muvyana kwononoka vizilika vyange, nakulimbulula vilongesa vyange, kunyunga mashiko ange, nakupokola cikumiiyo cange cije njalikumiiye neni,

VaLevi 26:43

Nameme ngoco, akulivanga vanu vaIsalele vanapande kuseza livu, ngeci livu lihwime omo naumo wai alinakulimamo, co vakevo vanapande kufweta mulonga wakuvyana mashiko ange, na vilongesa vyange.

Amose 2:4

Shukulu Kalunga alinakwendeka ngwendi, “Vanu va ku Yunda vanalingi vuvi kushwakumo, omwo cuma eci mwa vushunga njikavanyanyamesa. Vanayeluwisa vilongesa vyange, co kuvanyungile mashiko ange. Vanongumuka na vinjambi va makuli vaje vavalemesele vakukulwila vavo.

Kulava 14:22

naumo wai wa ali vanu ava akamona lifuti lije. Vakevo vamwene ceke ca vumpau vwa ku mesho ange na vikomokeso vije njalingile mu Ingito na mu mambo, oloni vanjesekele visimbu likumi, co vavyanene kunjononoka.

Kulava 14:29

Mukatsa, co mivila yeni ikalala muno mu mambo, omwo munalinyenyetela kuli yange, naumo wai uje natuvakana myaka makumi avali akakovela mu lifuti lije.

Kulava 16:45

“Lyangunukeni na mbunga ya vanu ava ngeci njivanyongese ano vene!” Co muvuvali vwavo valyumbilile asi,

Kulava 26:25

Eci cikeco capwile cikota ca Isakale vaje vavalavele vapwile 64,300.

Loma 10:5

Mosesa wasonekele evi akupwisa munu muka-vushunga ku mesho a Njambi akwononoka Lishiko ngwendi, “Woshe uje ononoka Lishiko akayoya.”

Kwituluka mu Mashiko 31:27

Njazivuka kutengulukila kweni nakukaluwa kwa vimbunge vyeni. Mwatengulukilile Shukulu Kalunga a simbu yakuyoya kwange, co omo njikatsa mukahyana kumutengulukila.

Kwituluka mu Mashiko 9:7

“Anukeni, co kesi mwivale muje mumwashangumwine Shukulu Kalunga Njambi yeni mu mambo. Tunde a litangwa lije mwatundile mu Ingito noo ku litangwa lya lelo munete kuno, yeni munakala nakutengulukila Shukulu Kalunga.

Kwituluka mu Mashiko 9:8

Nameme kuje ku Munkinda wa Sinai yeni mwashangumwine Shukulu Kalunga, co waluvalele manene ngeci washakele kuminyongesa.

1 Tesalonika 4:8

Ngecivene, woshe uje avyana vilongesa evi kavyana munu, oloni alinakuvyana Njambi, uje akamyana Munzinzime wendi Wakujela.

1 Samwele 8:8

Tunde aje njavatundisile mu Ingito, vananjikengesa nima, co valinakulemesa vinjambi veka, ololo evi vivalinga kuli yove vikevyo vije vakele nakulinga kuli yange.