Ezekiyele 2:8 - Livulu lya Shukulu Kalunga

⁸ “Muna munu, tolilila vinjikuleka. Kesi upwe muka-kutengulukila ngwe vakevo embwe. Ishama kanwa kove ulye evi vinjikwana.”

Ezekiyele 2:8 Iomraidhean Croise

Myaso 105:28

Njambi watumine lisusulungu mu lifuti, oloni vaka-Ingito kuvononokele lishiko lyendi.

Isaya 50:5

Shukulu Kalunga nashokolola matwi ange ngeci njizive, co kunjamutengulukilile nambe kutunda kuli ikeye.

Isaya 8:11

Shukulu Kalunga wanjikwatele na livoko lyendi lya nzili wanjinangwile ngeci kesi njende mu ngila ije ivalinakwenda vanu. Wendekele ngwendi,

Njelemiya 13:2

Ngecivene, njalandele uje mwiva, njaukutile mu mbunda yange ngwe mwanjishikile Shukulu Kalunga.

Njelemiya 15:16

Omwo wendekele kuli yange, njatolililile majwi oshe nakuwononoka, omwo njapwa nji wove, yove Shukulu Kalunga Njambi Muka-nzili yoshe.

Ezekiyele 12:2

“Muna munu, yove uli akati ka vanu vaka-kutengulukila. Vali na mesho, oloni nacimo cai vamona, vali na matwi, oloni nacimo cai vaziva, omwo vapwa vanu vaka-kutengulukila.

Ezekiyele 12:7

Co njalingile vije vyanjilekele Shukulu Kalunga kuvilinga. A litangwa lije vene njalongekeyeye citele ngwe mwakalingi muka-kuliita, co cingwezi cije omo kwakele lisusulungu, njatuvile mbengwa a civumbe na mavoko ange nakutuuka anja. Simbu vanu voshe vanjikengelelele, njaakele citele cange a citsili, co njaile.

Ezekiyele 3:10

Njambi wendekele lalo ngwendi, “Muna munu, tolilila mwamuvwa nakwaka majwi oshe anjikuleka mu mbunge yove.

Ezekiyele 33:7

“Ololo, muna munu, njilinakukupwisa muka-kunyunga muyati wa Isalele. Unapande kuvanangula vije vinjikuleka.

Ezekiyele 40:4

Co wendekele kuli yange ngwendi, “Muna munu, kengelela. Tolilila mwamuvwa, aka mbunge ku vyuma vyoshe vije vinjikumwesa, omwo evi vikevyo vivanakunenela kuno. Yove ukaleke vanu va Isalele vyuma vyoshe umona.”

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

Yona 1:3

Oloni Yona watewelele ku Tashishi kutunda kuli Shukulu Kalunga. Co waile ku Yopa, kuje wakawaneneko vwato vwakama vuje vwakele nakuya ku Tashishi. Co wafwetele mwombo wa vungenzi vwendi, wakovelele mu vwato amo na vaka-kujavula ngeci aye ku Tashishi, akakale kulyala na Shukulu Kalunga.

Kulava 20:24

“Alone kakakovela mu lifuti lije linjakulaesele Isalele kuvanalyo, oloni ikeye akatsa, omwo muvuvali vweni mwatengulukilile nakulwisa mashiko ange ku Meliva.

1 Petulu 5:3

Kesi mweseke kushwana vaje vavanamyana ngeci muvanyunge, oloni pweni cimweso ku vutanga.

Kujombolola 10:9

Ngecivene, njaile kuli uje kangelo nakumulomba ngeci anjane kaje kalivulu kakandondo. Wendekele kuli yange ngwendi, “Kanone ukalye, kakapwa kakulula mwimo lyove, oloni mu kanwa kove kakapwa kakupwelelela ngwe vuki.”