Ezekiyele 2:4 - Livulu lya Shukulu Kalunga

⁴ Vanakaluwisa vimbunge vyavo, co kuvesi nakunjisingimika, ngecivene, njilinakukutuma ukavaleke vije yange Kalunga wa Akamwa ya Vyoshe njendeka kuli vakevo.

Ezekiyele 2:4 Iomraidhean Croise

1 Vimyene 22:14

Oloni Mikaya wamukumbulwile ngwendi, “Mu lizina lya Shukulu Kalunga njilikumiiya ngeci njikendeka vene evi ikeye anjilekavyo!”

2 Mizimbu 30:8

Kesi mukaluwise vimbunge vyeni ngwe muvalingile vakukulwila veni, oloni ononokeni Shukulu Kalunga, ijeni ku Njuvo yendi mu Yelusalema, ije yanajelesa Shukulu Kalunga Njambi yeni ku myaka yoshe, co mulemeseni ngeci vukalu vwendi vumitunde.

2 Mizimbu 36:13

Zendekiya watengulukilile Mwene Nevukaneza nakumulwisa, uje wamusindiiye alisinge mu lizina lya Njambi ngeci akapwe wa kulongwa. Oloni katavele, co welukile kuli Shukulu Kalunga, Njambi ya Isalele.

Myaso 95:8

“Kesi mukaluwise vimbunge vyeni, ngwe muje muvalingile vakukulwila veni ku Meliva, ngwe muje muvalingile a litangwa lije ku Masa mu mambo.

Visimo 21:29

Vaka-vushunga vakayongola mwamuvwa a vingila vyavo, oloni vaka-vuvi vakaliyongola kupwa vavavwa.

Isaya 48:4

Njazivukile ngwange yeni mwapwa vanu vavakalu, vanu va vimbunge vyakukola ngwe vutale.

Njelemiya 1:7

Oloni Shukulu Kalunga wendekele kuli yange ngwendi, “Kesi wendeke ngwove u mwanike wamundondo embwe, oloni unapande kuya ku vanu kuje kunjikutuma, nakuvaleka vyuma vyoshe vije vinjikushika.

Njelemiya 3:3

Evi vikevyo viyalikelele nyonzi kunyoka, na nyonzi ya vusuku-mbundu kuyanyokele. Unapu ngwe cikwizi, kuwesi na shwamwa.

Njelemiya 36:21

Co mwene watumine Njehunde kukashaka lije livulu. Co ikeye wakalishakele kuje ku mulili wa Elishama, nakulilavela mwene na vamyata voshe, vaje vemanene kuje nakumuzengeleka.

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Njelemiya 6:15

Kuma vazivile shwamwa omwo valingile vyuma vya vunyengwe ndi? Embwe, kuvazivile shwamwa omwo kuvesi kuziva shwamwa. Omo njikavanyanyamesa, co vakawa ngwe muvanau vakwavo, co vakanyonga. Yange Kalunga, njinendekamo.”

Njelemiya 8:12

Yeni vanu vange, kuma kumwazivile shwamwa, omwo mwalingile vyuma vije vya vunyengwe ndi? Embwe, Kumwazivile shwamwa, omwo kumwesi kuziva shwamwa. Omo njikaminyanyamesa mukawa ngwe muvanau vakweni, co mukanyonga. Yange Kalunga, njinendekamo.

Ezekiyele 3:11

Cooni ya ku vavushoko vwove, vaje vali mu vunzinda ukavaleke evi vinjikuleka yange Kalunga wa Akamwa ya Vyoshe, nambe vakakutolilila nambe kuvakakutolilila.”

Ezekiyele 3:27

Asinoni, omo njikendeka lalo kuli yove nakukwilwisila nzili yakwendeka, co ukavaleka evi vinjendeka yange Kalunga wa Akamwa ya Vyoshe. Vamo vakakutolilila, oloni vakwavo kuvakakutolilila, omwo vanapu muyati wakutengulukila.”

Ezekiyele 3:4

Asinoni Njambi wendekele ngwendi, “Muna munu, ya kuli vanu va Isalele, ukendeke kuli vakevo evi vyoshe vinjikuleka.

Ezekiyele 3:7

Oloni vanu va Isalele kuvakakutolilila, nameme yange kuvakanjitolilila. Voshe vapwa vanu vakukaluwa vimbunge na kaleulwizi.

Amose 7:15

Oloni Shukulu Kalunga ikeye wanjitundisile ku vipangi vyange vyakunyunga, co wanjishikile ngeci njambulule vuka-kwimanena kuli vanu vendi va mu Isalele.

Zakaliya 7:12

nakukaluwisa manene vimbunge vyavo ngwe limanya. Omwo kuvatolililile ku vilongesa vije njavatuminine kwitilila muli vaka-kwimanena vaje vakeleko ku san̄ulu, co njaluvalele manene.

Mateo 10:16

“Kengeni, njilinakumituma ngwe vimanga akati ka tungunga. Ngecivene, nyanyameni ngwe manyoka, co likongomekeni ngwe mayembe.

Kwituluka mu Mashiko 10:16

Ngecivene, kutunda ku litangwa lya lelo, pweni vaka-kwononoka kuli Shukulu Kalunga kesi mupwe vaka-kukaluwa vimbunge.

Kwituluka mu Mashiko 31:27

Njazivuka kutengulukila kweni nakukaluwa kwa vimbunge vyeni. Mwatengulukilile Shukulu Kalunga a simbu yakuyoya kwange, co omo njikatsa mukahyana kumutengulukila.