Ezekiyele 19:7 - Livulu lya Shukulu Kalunga

⁷ Watuvile vimpaka nakuviisa vinganda. Co vanu va mu lifuti vakele na lyova lyakama, simbu yoshe uje muna ndumba wakele nakwaana.

Ezekiyele 19:7 Iomraidhean Croise

2 Vimyene 23:33

Kushwana kwendi kwahwile omo Mwene Neko wa ku Ingito wamutwalele ku Limbela mu lifuti lya Hamate, nakumupwisa cinzinda, co wafwetesele Yunda mulambu wa makilo 3,400 a siliva, na makilo 34 a ngolinde.

Visimo 19:12

Kuluvala kwa mwene kwafwa ngwe kwaana kwa ndumba, oloni cizemo cendi cafwa ngwe nyonzi ya musanda.

Visimo 28:3

Muka-kuutwa uje ayandesa tuutu, napu ngwe nyonzi ya lisindu-mbowe ije inyongesa vimbuto.

Njelemiya 22:17

Oloni viyongola vyove vinapu vya muuka lika, utsiya vanu vakujeneka mulonga, nakuyandesa vanu vove na muuka. Mwanendeka Shukulu Kalunga.

Ezekiyele 12:19

Leka muyati woshe ngwove awa akewo majwi a Shukulu Kalunga wa Akamwa ya Vyoshe kuli vanu va mu Yelusalema, vaje vacili nakuyoya mu lifuti lyavo ngwove vakajaja omo vakalya, nakulijujukila na lyova omo vakanwa. Lifuti lyavo likemuka ngundu, omwo vanu voshe vaje valinakukalamo kuvesi nakukava mashiko.

Ezekiyele 19:6

Omo wakolele, wayombele amo na vindumba vakwavo. Co walilongesele kwaana nakulilongesa kulya vanu.

Ezekiyele 19:8

Miyati yalikungulwile mukumulwisa, vanu vatundile ku mitambela yoshe. Vajangumwine manimbwa nakumukwatela mu mweto.

Ezekiyele 22:25

Vantwama vavo vanapu ngwe vindumba valinakwaana omo vasanyozola tusitu vaje vavanatsii. Vatsiya vanu nakwambata vimbongo vyoshe na vufuko vuje vuvawana, co akutsiya kwavo oku, valinakupwisa vanakazi vavangi vifwile.

Ezekiyele 30:12

Njikomisa Ndonga ya Nailo nakwaka vaka-Ingito mwisi ya nzili ya vaka-vuvi. Co vaka-kwija vakaviisa lifuti lyoshe. Munjinendeka yange Kalunga.”

Ezekiyele 34:4

Kumwesi kunyunga vaje vakuzeya, nambe kusaka vaje valinakuvinja, nambe kukuta a vimbandu vya vaje vanavulumuka, nambe kwilwisa vaje valinakuyevangela mwangoco, nambe kushakezeka vaje vanazimbala. Oloni yeni munavapangesa na vukalu na muuka

Ezekiyele 45:8

Mutambela ou ukapwa wa mwene uje alinakushwana mu lifuti lya Isalele, ngeci kesi akayandese lalo vanu, oloni mutambela ukwavo wa lifuti ukapwe wa miyati ya Isalele.

Amose 6:8

Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”

Mika 1:2

Tolilileni yeni miyati yoshe ya vanu, zivisiseni yeni voshe mwakala ano asi! Shukulu Kalunga wa Akamwa ya Vyoshe akambulula vukaleo ali yeni. Tolilileni! Alinakwendeka kutundilila mu Njuvo yendi ya mwilu.