Ezekiyele 19:14 - Livulu lya Shukulu Kalunga

¹⁴ Nsina ya mukolovozi wa vushuka vwa vinyu washwamene tuhya, co tuhya twenyekele minango yawo na vushuka. Co ije minango kuyikakolo lalo, nakupwa milamu ya vaka-kushwana embwe. Ou ukewo mwaso wa vusiwa, vakele nakuwimba-imba kushwakumo.

Ezekiyele 19:14 Iomraidhean Croise

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

2 Vimyene 24:20

Co Shukulu Kalunga waluvalele manene na vanu va mu Yelusalema na mu Yunda ngeci wavatundisile ku mesho endi.

2 Mizimbu 36:13

Zendekiya watengulukilile Mwene Nevukaneza nakumulwisa, uje wamusindiiye alisinge mu lizina lya Njambi ngeci akapwe wa kulongwa. Oloni katavele, co welukile kuli Shukulu Kalunga, Njambi ya Isalele.

Nehemiya 9:37

Vije vilinakutunda mu lifuti, vili na kuya ku vimyene, vaje vatushwanene, omwo yetu twalingile vuvi. Valinakulinga mwoshe muvashakela ali yetu na a vimuna vetu, co tuli mu vukalu vwakama manene!”

Myaso 110:2

Shukulu Kalunga akatava nzili yove kutunda ku Siyone, co ukashwana akati ka vitozi vove.

Myaso 79:7

Omwo vanatsii vanu vove nakunyongesa lifuti lyove.

Njelemiya 38:23

Asinoni njamulekele ngwange, “Vanakazi vove voshe na vana vove vakavatwala kuli vaMbambilone, nove lalo kuukaputumuka ku mavoko avo. Vakakutwala mu vunzinda kuli mwene wa Mbambilone, co nganda eyi vakayenyeka njwa.”

Njelemiya 52:3

Shukulu Kalunga waluvalele manene na vanu va mu Yelusalema na mu Yunda, ngeci wavazilwile kutunda ku mesho endi. Zendekiya watengulukilile Mwene Nevukaneza wa ku Mbambilone nakumulwisa,

Mbimbi 4:20

Co vafungulwile nsina yakuyoya kwetu, ikeyo mwene uje yaangwile Shukulu Kalunga, uje itwakulaelele ngwetu akatunyunga kuli voshe vatukovelela nakutulwisa.

Ezekiyele 15:4

Wapwa wauvwa lika kuuvwekesa tuhya. Omo vishongo vinenye, co nevi vya akati vinazivala, kuma wasa kulingao cuma cimo ndi?

Ezekiyele 17:10

Eyo, vaukunine, oloni ukayoya nakukola ndi? Kuma kuukajujwama omo lihunzi lya mu ngangela likahuwila kuukewo ndi? Kuma kuukajujwama kuje kuulinakukulila ndi?’ ”

Ezekiyele 19:1

Shukulu Kalunga wanjilekele kwimba mwaso ou wa vusiwa ku vana va vimyene vavali va Isalele.

Ezekiyele 19:11

Co minango yawo yapwile yakukola, yakulile kupwa milamu ya vaka-kushwana. Uje mukolovozi wa vushuka vwa vinyu wakolele kupwa waulaja nakweta ku mashelwa, munu woshe wamwene maputa awo na vulaja vwawo.

Ezekiyele 20:47

Leka shwata ya mu mbwela kuziva vije vyalinakwendeka Shukulu Kalunga wa Akamwa ya Vyoshe ngwendi, ‘Kengeni! Njilinakushwameka tuhya, co tukenyeka miti yoshe ije ili muli yove, nameme yakutonola nambe yakuma. Nacimo cai cikasa kutuzima. Tukashalava kutunda mu mbwela nakweta ku kunto, co munu na munu akaziva ntwima ya milangi.

Ezekiyele 20:48

Co munu woshe akamona ngeci, yange Kalunga, njinashwameka tuhya a shwata, co naumo wai akasa kutuzima.’ ”

Ezekiyele 26:17

Co vakakwimbila mwaso wa vusiwa ngwavo, ‘Nganda yakutsimana vanainyongesa! Mato ayo vanaatundisa mu mema a kalunga nakuwongumwina kuti. Vanu va mu nganda eyi vakele na nzili a mema a kalunga, nakuzivisa lyova vaje vakele ku ngenge ya cikuma ca mema a kalunga.

Hoziya 10:3

Vanu ava ololo vendeka ngwavo, “Kutwesi na mwene omwo kutwakomokele Shukulu Kalunga. Oloni cuma mukajo lalo napande kutulingila mwene?”

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.

Luka 19:41

Yesu wetele kuyehi na nganda, co omo waimwene, walilile manene

Yowano 19:15

Vatambekele ngwavo, “Mutsiye! Mutsiye! Mushukike a cilindakano!” Pilato wavehwile ngwendi, “Kuma mushaka njishukike mwene yeni a cilindakano ndi?” Vakulunu va vaka-kukombelela vakumbulwile ngwavo, “Kutwesi na mwene weka lalo wai kuvanga Sezale!”

Maako 9:15

Co muti wa mambimbo wakumbulwile ngwawo, ‘Nga yeni mwa vushunga mushaka yange njipwe nji mwene yeni, ijeni oni mwakuhwimine mu munzinze wange. Nga sheni, co tuhya twa milangi tukatuuka ku minango ya mambimbo ange nakwenyeka miti ya Kendale ya ku Lembanone.’ ”