Ezekiyele 19:12 - Livulu lya Shukulu Kalunga

¹² Oloni vautukwile na matoto amo na mizi yawo nakuumbila asi. Co lihunzi lya mu ngangela lyomisile vushuka vwawo. Co minango yawo yapokozokele, yomininine, co vayenyekele.

Ezekiyele 19:12 Iomraidhean Croise

2 Vimyene 23:29

Omo Yosiya wapwile Mwene, co Mwene Neko wa ku Ingito watwamenenene mbunga ya mashwalale ku Ndonga ya Yufuleti nakukwasa mwene wa Asilya. Mwene Yosiya wesekele kuvindika ije mbunga ya mashwalale vaIngito ku Mengindo, co vamutsiilile mu nzita.

2 Vimyene 23:34

Mwene Neko waakele Elyakime muna Yosiya a vumwene vwa mu Yunda kwinga Yosiya, co watengulwile lizina lyendi kupwa Yehoyakime. Mwene Neko watwalele Yowahaze ku Ingito, co wakatsililile kuje vene.

2 Vimyene 24:6

Yehoyakime watsile, co munendi Yehoyakine wamushwanene kupwa mwene.

Myaso 52:5

Ngecivene, Njambi akakunyongesa ku myaka yoshe, ikeye akakwambata nakukukokela anja ya njuvo yove, co akakutundisa mu lifuti lya vaka-kuyoya.

Myaso 80:16

Vitozi vetu vanautete, vanawenyeka na tuhya, vamwese vukalu vwove nakuvanyongesa!

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Isaya 27:8

Shukulu Kalunga wahisile vanu vendi akuvatuma ku vunzinda. Wavashekele na lihunzi lyakushaluka lya mu ngangela.

Njelemiya 22:30

Shukulu Kalunga nendeka ngwendi, “Munalume ou kakakala na vana, kakavezika mukuyoya kwendi kwoshe. Kakakala na vatekulwila, vaje vakamushwana mu Yunda kushwana a litanda lya Ndaviti. Yange Kalunga, njinendekamo.”

Njelemiya 31:28

Ngwe omo njavanyungile mukuvatukula, nakuvawisa, nakuvombila, nakuvanyongesa, nakuvayandesa, ngecivene, njikavanyunga mukuvakuna, nakuvatunga lalo.

Mbimbi 2:1

Shukulu Kalunga mu vukalu vwendi, nafwiki Siyone na lisusulungu. Nawisila asi vuvwa vwa Isalele nakuvupwisa vwangoco. A litangwa lya vukalu vwendi Shukulu Kalunga wasezele nameme vene Njuvo yendi.

Ezekiyele 15:2

“Muna munu, mukolovozi wa vushuka vwa vinyu unatuvakana vatijo muti? Nambe munango wa mukolovozi wa vushuka vwa vinyu unatuvakana vatijo miti ya mu shwata?

Ezekiyele 15:4

Wapwa wauvwa lika kuuvwekesa tuhya. Omo vishongo vinenye, co nevi vya akati vinazivala, kuma wasa kulingao cuma cimo ndi?

Ezekiyele 17:10

Eyo, vaukunine, oloni ukayoya nakukola ndi? Kuma kuukajujwama omo lihunzi lya mu ngangela likahuwila kuukewo ndi? Kuma kuukajujwama kuje kuulinakukulila ndi?’ ”

Ezekiyele 19:11

Co minango yawo yapwile yakukola, yakulile kupwa milamu ya vaka-kushwana. Uje mukolovozi wa vushuka vwa vinyu wakolele kupwa waulaja nakweta ku mashelwa, munu woshe wamwene maputa awo na vulaja vwawo.

Ezekiyele 28:17

Yove walyalesele omwo vuvwa vwove, co lutsimo lwove lwakulingisile vulema. Omwo cuma eci, njakumbilile asi kupwa cimweso ca vakweni vimyene.

Hoziya 13:15

Nameme Isalele alinakukula mwamuvwa ngwe shaku, njikatuma lihunzi lya ntwima lyakutunda mu mambo mu ngangela, co likomisa masima avo cau na tuvwelu-vwelu twavo. Likapekumuna vyuma vyoshe vya seo.

Yona 4:8

Co omo litangwa lyatuukile, Njambi watumine lihunzi lya mu ngangela lyakushaluka. Ngecivene, Yona washakele kulezumuka ku ntwima ya litanya lije lyamutwililile mu mutwe wendi. Co walombelele ngeci atse kutuvakana kuyoya.

Mateo 3:10

Njaviti vanayaka laja ku mizi ya miti, muti woshe kuwimi vushuka vwavuvwa vakaushinja nakuumbila mu tuhya.

Yowano 15:6

Woshe kakala muli yange vakamumbila kuti ngwe munango, co akauma cau, co minango yangacije vaikungiya nakuyumbila mu liko, co yenya.

Kwituluka mu Mashiko 29:28

co Shukulu Kalunga waluvalele manene, co wavatundisile mu lifuti lyavo, wavombilile mu lifuti lyeka, mukemwo muvacili nakweta ku litangwa lya lelo.’

Kwituluka mu Mashiko 32:22

Vukalu vwange vukashukuma ngwe tuhya, vukenyeka vyuma vyoshe vya ano asi. Co vuketa na mu vukalo vwa vatsi, nakunyongesa luvula lwa minkinda.