Ezekiyele 18:9 - Livulu lya Shukulu Kalunga

⁹ Munu wa cifwa cangacije muka-kwononoka kushika kwange nakunyunga mwamuvwa mashiko ange. Ikeye muka-vushunga, co akayoya. Mwalinakwendeka Shukulu Kalunga wa Akamwa ya Vyoshe.

Ezekiyele 18:9 Iomraidhean Croise

1 Vimyene 9:4

Nga ukanjipangela mwamuvwa na kulongwa, ngwe mwalingile isho Ndaviti, co nga wononoka mashiko ange nakulinga vyuma vyoshe vije njakushiki,

Visimo 12:28

Vushunga vwapwa ngila yakuya ku mwonyo, co vuvi vwapwa ngila yakuya ku kutsa.

Ezekiyele 11:12

Co mukazivuka ngweni yange njapwa Kalunga, omwo kumwanyungile mashiko ange, nambe kulinga vije vinjamishikile, oloni munononoka mashiko a miyati ya vaje vanamizengeleka.”

Ezekiyele 18:10

“Co nga munu ou ali na munendi muka-kwiva nakutsiya, uje alinga cimo a vyuma evi,

Ezekiyele 18:17

Akavyana kulinga vuvi, co kesi kukumwisa vimbongo ngeci awanao kakondweso embwe. Muka-kunyunga mashiko ange nakwononoka kushika kwange. Munu ou kasa kutsa, omwo a vuvi vwa ishe, oloni mwa vushunga akayoya.

Ezekiyele 18:19

“Oloni wihula ngwove, ‘Omwo vikajo mwana kayandela a vuvi vwa ishe?’ Kukumbulula cinapu ngeci, uje mwana walingile vushunga na vuvwa. Wanyungile mashiko ange nakuwakava mwamuvwa, co mwa vushunga akayoya.

Ezekiyele 20:11

Co njavanene mashiko ange nakuvalongesawo, mashiko aje aana mwonyo kuli munu na munu uje awononoka.

Ezekiyele 20:13

Oloni nameme mu mambo vanjitengulukilile. Vapokwele mashiko ange, nakuwavyana, mashiko aje aana mwonyo kuli munu na munu uje awononoka. Mwa vushunga vene vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange muje mu mambo nakuvanyongesa.

Ezekiyele 33:15

nga elwisa cuma cije cambatele kupwa cishimbikiya, nambe kwilwisa vije wevile, nga alikela kulinga vuvi, co akavangeya mashiko aje aana mwonyo, kakatsi embwe, oloni akayoya.

Ezekiyele 36:27

Njikaka Munzinzime wange muli yeni, nakumona ngeci mulinakukavangeya mashiko ange, nakunyunga mashiko oshe anjikamyana.

Ezekiyele 37:24

Ngamba yange Ndaviti ikeye akapwa mwene yavo. Voshe vakakala na muka-kwimanena umolika, co vakononoka mashiko ange nakuwanyunga.

VaLevi 18:5

Kavangeyeni vingila na mashiko awa njilinakumyana, nga mulinga ngacije, co mukayoya. Yange njapwa Kalunga.

Amose 5:14

Ngecivene, shakezekeni vije vya vushunga, kesi vije vyavivi, ngeci muyoye. Asinoni Shukulu Kalunga Njambi Muka-nzili yoshe akakala amo neni, ngwe mumukendeka.

Amose 5:24

Oloni vushunga vwite ngwe mema a mu ndonga, na vuvwa ngwe ndonga ije kuyesi kuma cau.

Amose 5:4

Shukulu Kalunga alinakwendeka kuli vanu va Isalele ngwendi, “Ilukeni kuli yange, co mukayoya.

Hambakuke 2:4

Co awa akewo majwi, ‘Vaka-vuvi vakatsa, oloni vaka-vushunga vakayoya omwo vakonononoka kuli Njambi!’ ”

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Yowano 14:21

“Woshe uje atambula mashiko ange nakuwononoka ikeye uje anjizema. Co Tate akazema woshe uje anjizema, nange lalo njikamuzema nakulisholola kuli ikeye.”

Vilinga vya Miluwa 24:16

Ngecivene, njilinakulinga na nzili yange yoshe ngeci njikale na citaku-taku cakutungukwa ku mesho a Njambi na ku mesho a vanu.

Loma 1:17

Omwo muzimbu wauvwa usholola vati Njambi nalingisa vanu ngeci vapwe vaka-vushunga ku mesho endi, cinapu mukukulaela kutunda ku shongo nakweta ku mamaneselelo. Ngwe muvyendeka visoneka ngwavyo, “Munu uje ivanapwisa muka-vushunga ku mesho a Njambi akukulaela akayoya.”

Loma 8:1

Kukwesi cihiso ololo kuli vaje valinakuyoyela muli Kilistu Yesu.

Kwituluka mu Mashiko 11:1

“Ngecivene, mukazema Shukulu Kalunga Njambi yeni, nakunyunga kushika kwendi, na vizilika vyendi, na vilongesa vyendi, na mashiko endi simbu yoshe.

Kwituluka mu Mashiko 4:1

Asinoni Mosesa wendekele kuli vanu va Isalele ngwendi, “Ononokeni mashiko oshe aje anjimilongesa, ngeci mukayoye nakukala mu lifuti lije lyakamyana Shukulu Kalunga Njambi ya vakukulwila veni.

Kwituluka mu Mashiko 5:1

Mosesa wasanene vanu va Isalele voshe, co wendekele kuli vakevo ngwendi, “Tolilileni, yeni vanu va Isalele, ku vilongesa na mashiko oshe awa njilinakumileka ku litangwa lya lelo. Lilongesenivyo mwamuvwa nakuvyononoka.

Kwituluka mu Mashiko 6:25

Nga tupwa va kulongwa mukwononoka mashiko oshe awa anatushiki Shukulu Kalunga Njambi yetu, co cikapwa cakushungama kuli yetu.’

1 Yowano 2:29

Mwazivuka ngweni Kilistu wapwa wa vushunga, ngecivene, munapande kuzivuka ngweni woshe alinga vyavivwa napu muna Njambi.

1 Yowano 3:7

Vana vange vavandondo, kesi mutave umo amikwise! Woshe uje alinga vya vushunga napu muka-vushunga, ngwe Kilistu wapwa muka-vushunga.