Ezekiyele 18:7 - Livulu lya Shukulu Kalunga

⁷ Kesi kukwisa nambe kwivila munu umo embwe. Akelwisa vije vyakamwana muka-kukumuna kupwa cishimbikiya, muka-kulisa vaka-njala, nakwana vuzalo kuli vaje vali na vuzu.

Ezekiyele 18:7 Iomraidhean Croise

Nehemiya 5:10

Yange, na vandolome vange, na vanu vange tulinakukumwisa ku vanu vimbongo na vyakulya, oloni ololo tweceleni makongo etu oshe avanashaka kutwilwisila.

Yombi 22:6

Ndolome yove akufwetela vimbongo vyanatambula, co wamutambwile vuzalo vwendi nakumuseza ngoco nacimo cai cazalele.

Yombi 24:3

vakambata vimulu va vana va visiwa, co vatambula ngombe wakulimisa wafwile kupwa cishimbikiya.

Yombi 24:9

“Vaka-vuvi vakapwisa vana va visiwa vindungo, co vakambata vana va kautu kuvapwisa cishimbikiya.

Myaso 112:4

Ceke cikatwila mu lisusulungu kuli vaka-vushunga, omwo Shukulu Kalunga wapwa muka-ngozi, na mema ku mbunge na vushunga.

Myaso 112:9

Munu ou muka-vushunga aana vyuma vyendi kuli vaje vanajeneka na mbunge yendi yoshe, co ngozi yendi kuyesi kwonwa, oloni akapwa muka-nzili na kasingimiko.

Myaso 41:1

Navezika munu uje ayongola ali vaka-kuzeya, Shukulu Kalunga akamukwasa a litangwa lya tuyando.

Kutuuka 22:25

“Nga mukumwisa vimbongo ku vanu vange vamo vaka-kuutwa, kesi mulinge ngwe vaka-kukumwisa vaje vashakao kakondweso.

Kutuuka 22:26

Nga mwambata kambilititi ka mukweni kupwa cishimbikiya, co mwilwisileniko omo litangwa kanda licitoke,

Kutuuka 23:9

“Kesi mupangese muka-kwija mwamuvi, mwazivuka vati muka-kwija akalizivi mu mbunge yendi, omwo neni mwapwile vaka-kwija mu Ingito.

Visimo 14:31

Nga uyandesa vanu vakuutwa, co ulinakushaula Njambi uje wavatangele, oloni nga uzivila ngozi tuutu, ulinakumusingimika.

Visimo 28:27

Uje aana vyuma ku vaka-kuutwa kakayanda embwe, oloni uje alalameka mesho endi ku vaka-kuutwa, co vanu vavangi vakamusinga.

Visimo 28:8

Uje awezelela vufuko vwendi na kakondweso, nakutambula vya munu mu ngila yalinyanyamena, co vufuko vwove vukaya kuli uje ali na ngozi na tuutu.

Visimo 3:31

Kesi uliveyele vaka-muuka nambe kwangula kukava vingila vyavo,

Isaya 1:17

lilongeseni kuyoya mwamuvwa. Moneni ngeci vushunga vulinakulingiwa, kwaseni vaje valinakuyanda, aneni visiwa vije vyavapande, co nyungeni vifwile.”

Isaya 33:15

Mukasalao nga mwendeka nakulinga vije vya vushunga. Kesi mupangese nzili yeni na kunyanyamena tuutu, co kesi mutambule lizika-kanwa. Kesi mulipandakane na vaje vatumba matumbe akutsiya nambe kulinga vyuma vya vuvi.

Isaya 5:7

Isalele napu citungu ca Shukulu Kalunga Muka-nzili yoshe ca mikolovozi ya vushuka vwa vinyu, vanu va mu Yunda vanapu mikolovozi ya vushuka vwa vinyu ije yaakunine. Ikeye wavakulaelele ngeci valinge mwamuvwa, oloni vakevo vanapu vaka-kutsiya. Ikeye wavakulaelele ngeci valinge vya vushunga, oloni vanu vaje vavalinakuyandesa vatambekele ngeci vavakwase.

Njelemiya 22:3

Yange Kalunga njikushika kulinga vije vyavivwa nevi vya vushunga. Ameneni vaje vavalinakunyanyamena kuli vaje valinakuvanyanyamena. Kesi muyandese vaka-kwija, na visiwa, nambe vifwile, co kesi mutsiile vanu vakujeneka mulonga mu mutambela ou wakujela.

Ezekiyele 16:49

Sondoma na vana vendi valyalesele, omwo vakele na vyakulya vyavingi, co vayoyele mu kwoloka namukuhwima, oloni kuvakwasele tuutu na vanu vaka-kujeneka.

Ezekiyele 18:12

Muka-kukwisa tuutu, nakwiva, nakushweka vije vyamwanene muka-kukumuna kupwa cishimbikiya. Muka-kuya ku mitambela ije vakalemesela vaka-kujeneka kukulaela, nakulemesa tumponya twa vunyengwe,

Ezekiyele 18:16

nambe kuyandesa munu umo, nambe kwivila munu umo. Akelwisa vije vyaanene muka-kukumuna kupwa cishimbikiya. Akalisa vaka-njala nakwana vuzalo kuli vaka-vuzu.

Ezekiyele 18:18

Ishe wakele nakukwisa nakwiva, co simbu yoshe wakele nakulinga vuvi kuli munu na munu. Ishe watsile omwo vuvi vwendi vavenya vuje vwalingile.

Ezekiyele 33:15

nga elwisa cuma cije cambatele kupwa cishimbikiya, nambe kwilwisa vije wevile, nga alikela kulinga vuvi, co akavangeya mashiko aje aana mwonyo, kakatsi embwe, oloni akayoya.

Ezekiyele 7:23

“Vyuma vyoshe vili mu citanga, lifuti linashulu na vaka-kutsiya na vinganda vinashulu na muuka.

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

VaLevi 19:13

“Kesi mukayandese vakweni nambe kuvevila. Co kesi mukeshwale kufweta munu uje imunapangesa noo alikaki.

VaLevi 19:15

“Kesi mukasompele vulemu omo muvatula milonga. Kesi mukatetele kautu omwo vuutu vwendi, nambe kutewa muka-kufuka omwo kufuka kwendi embwe. Oloni mukasompe vakweni mu vushunga.

VaLevi 25:14

Ngecivene, omo ulandesa livu kuli mukweni kaIsalele nambe kulanda livu kuli ikeye, kesi mulinyanyamene umo na mukwavo.

Amose 2:6

Shukulu Kalunga alinakwendeka ngwendi, “Vanu va Isalele vanalingi vuvi kushwakumo, omwo cuma eci mwa vushunga njikavanyanyamesa. Vakalandesa vanu va kulongwa ku vundungo vaje kuvasa kufweta makongo avo, vanu vakuutwa vaje kuvasa kufweta ndando ya vin̄aku.

Amose 2:8

A mutambela na mutambela woshe wakulemesela vanu valinakulala a vinanga vije vanambata ku tuutu kupwa cishimbikiya. Mu njuvo ya njambi yavo vanwilamo vinyu vivanambata kuli vaje vavakumwisile vimbongo.

Amose 3:10

Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga.

Amose 6:3

Yeni mulinakuvyana ngweni litangwa lya tuyando kulikaija embwe, oloni vyuma mulinakulinga vilinakushwenyesa muyehi litangwa eli lya tuyando.

Mika 2:1

Cikapwa cacikalu manene kuli vaje vatumba matumbe amavi oku vanalala. Omo kukya mutondo, vwasi-vwasi omo vanawana simbu, co valinga vuvi vuje vuvanayongola.

Mika 3:2

oloni mwazinda vije vyavivwa nakuzema vije vyavivi. Mujuva vanu vange oku vaciyoya nakuvajamozola mishuni a vitsiya vyavo.

Zefaniya 1:9

Njikanyanyamesa lalo voshe vaje valinakukavangeya futisi ya vaje vaka-kujeneka kunjilemesa yange Kalunga, vaje valinakwiva nakutsiya ngeci vashulise vinjuvo vyakulemesela vinjambi vavo na vyuma vyakupukula.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Luka 3:11

Wavakumbulwile ngwendi, “Ou ali na vikoveyo vivali aaneko cimo uje kesi naco, co ou ali na vyakulya aaneko vakwavo.”

Kwituluka mu Mashiko 24:17

“Kesi mukaengese n̄anda ya vaka-kwija nambe ya visiwa, nambe kwambata cikoveyo ca fwile kupwa cishimbikiya embwe.