Ezekiyele 18:31 - Livulu lya Shukulu Kalunga

³¹ Sezeni vuvi vwoshe vuje munakele nakulinga, co kaleni na mana amaha na vimbunge vyaviha. Omwo vikajo yeni vaIsalele mushaka kutsa?

Ezekiyele 18:31 Iomraidhean Croise

2 Vimyene 17:13

Shukulu Kalunga watumine miluwa vendi na vaka-kwimanena kunangula Isalele na Yunda ngwendi, “Sezeni vingila vyeni vyavivi, ononokeni vizilika vyange vije vili mu Mashiko aje njanene kuli vakukulwila veni aje njaanene kuli yeni ali vangamba vange vaka-kwimanena.”

Myaso 34:14

Atunde ku vuvi nakulinga vyuma vyavivwa, ashakezeke nakukavangeya kwoloka.

Myaso 51:10

Yove Njambi, tanga mbunge yakujela muli yange, co aka cizemo caciha cije kucesi kutenguluka muli yange.

Visimo 8:36

Woshe uje kanjiwana, alivulumuna lika ikeye vavenya, voshe vaje vanjizinda, vazema kutsa.”

Isaya 30:22

Mukambata tumponya tweni twakufwika na siliva, na tumponya tweni twakufwika na ngolinde, mukatumbila kuti ngwe mazilo, co mukatambeka ngweni, “Tundeni kuli yetu!”

Isaya 31:6

Njambi nendeka ngwendi, “Vanu va Isalele, munalingi vuvi, co munanjikengesa nima. Oloni ololo, ilukeni kuli yange!

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Isaya 59:20

Shukulu Kalunga alinakwendeka kuli vanu vendi ngwendi, “Njikaija ku Yelusalema, nakumimanena nakumyamena yeni voshe vaje vanatenguluka ku vuvi vweni.

Njelemiya 21:8

Asinoni Shukulu Kalunga wanjilekele njileke vanu ngwange Shukulu Kalunga nendeka ngwendi, “Tolilileni! Yange Kalunga njilinakumyana vingila vivali mwanguleo, ngila ije itwala ku mwonyo, na ngila ije itwala ku kutsa.

Njelemiya 27:13

Omwo vikajo yove na vanu vove mutsila mu nzita nambe ku njala ya lyangengela nambe kutsa ku mushongo? Omu mukemwo mwanendeka Shukulu Kalunga ngwendi cikalingiwa ku muyati woshe-iwoshe uje kuwasa kulikeesa kuli mwene wa Mbambilone.

Njelemiya 27:15

Vavenya Shukulu Kalunga nendeka ngwendi kavatumine, valinakumikwisa mu lizina lyendi. Ngecivene, akamisheka, co vakamitsiya, yeni na vaka-kwimanena vaje valinakumileka vya makuli.”

Njelemiya 32:39

Njikavana ciyongola cimo mukuyoya kwavo, mukunjisingimika simbu yoshe, omwo a vuvwa vwavo, na a vuvwa vwa vatekulwila vavo.

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Njelemiya 44:4

Njakele nakumitumina vangamba vange vaka-kwimanena, vaje vamilekele ngwavo kesi mulinge cuma cije cakukomokesa cinjazinda.

Ezekiyele 11:19

Njikavana vimbunge vyaviha na mana amaha. Njikatundisa vimbunge vyavo vyakukola ngwe mamanya, co njikavana vimbunge vyakwononoka.

Ezekiyele 20:7

Njavalekele kumbila kuti tumponya twa vunyengwe tuje tuvazemene, co kesi valijwalese vakevo vavenya na tumponya twa vinjambi va Ingito, omwo yange njapwa Kalunga Njambi yavo.

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Ezekiyele 36:26

Njikamyana vimbunge vyaviha na mana amaha. Njikatundisa vimbunge vyeni vyakukaluwa vya mamanya nakumyana vimbunge vyakwononoka.

Ezekiyele 43:9

Ololo vanapande kulikela kulemesa vinjambi veka nakutundisa vivimbi va vimyene vavo. Nga valingamo, co yange njikakala akati kavo ku myaka yoshe.”

Zakaliya 1:3

oloni njendeka kuli yeni ngwange, ‘Ilukeni kuli yange, co nange lalo njikeluka kuli yeni.

Mateo 12:33

“Kukala na muti wauvwa, co na vushuka vwawo vwavuvwa, nga muti vautumbula wauvi, na vushuka vwawo vwavuvi. Muti vauzivukila ku vushuka vwawo.

Mateo 23:26

Eni tupuputwa va vaFaliseo! Akulivanga jeleseni mumbando ya nganja na lilonga, co mukajelesa akamwa!

Vilinga vya Miluwa 13:46

Oloni Paulu na Mbanambase vendekele nakusimpa ngwavo, “Cinapande ngeci lijwi lya Njambi valyendeke kuli yeni akulivanga. Oloni omwo mwalivyanene, co munaliyongola yeni vavenya ngweni kumwapandele kutambula mwonyo wa myaka yoshe, co tumiseza nakuya kuli vaje kesi vaYunda.

Vilinga vya Miluwa 3:19

Tengulukeni, asinoni ilukeni kuli Njambi, ngeci amisambese ku vivi vyeni. Nga mulingamo,

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

Loma 8:13

Omwo nga muyoyela mu vusitu, co mukatsa vene, oloni nga ali Munzinzime mutsiya vilinga vyeni vyavivi, co mukayoya.

Kwituluka mu Mashiko 30:15

“Kengeni, litangwa lya lelo njilinakumyana kulyangwila akati ka vuvwa na vuvi, na akati ka mwonyo na kutsa.

Kwituluka mu Mashiko 30:19

Njilinakumyana kulyangwila akati ka mwonyo na kutsa, akati ka vivezikiso vya Njambi na visingo, omwo lilu na asi vinapu vukaleo ku litangwa lya lelo. Ngecivene, anguleni mwonyo ngeci mukayoye, yeni na vatekulwila veni,

Yakomba 1:21

Ngecivene, umbileni kuti vyuma vyoshe vije vinapu vya mazilo na vilinga vyavivi. Likeeseni kuli Njambi nakutambula lijwi lije akuna mu vimbunge vyeni, lije lyasa kumyovola.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

1 Petulu 1:14

Pweni vaka-kwononoka kuli Njambi, co kesi mutave kuyoya kweni vacendese ku vizango vije mwakele navyo omwo mwakele ku nzimba.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 2:1

Ngecivene, umbileni kuti vyuma vyoshe vyavivi, kesi mwendeke makuli lalo, nambe kulinga civembulu, nambe lifuwa, nambe vyendeka vyakushaula.