Ezekiyele 18:27 - Livulu lya Shukulu Kalunga

²⁷ Omo muka-vuvi alikela kulinga vuvi, co alinga vije vya vushunga na vuvwa, alinakwamena mwonyo wendi.

Ezekiyele 18:27 Iomraidhean Croise

Isaya 1:18

Shukulu Kalunga alinakwendeka ngwendi, “Ijeni tulizivasane. Nambe vuvi vweni vuvenga ngengu, oloni vukatoka too ngwe mema akukonda. Nambe vuvi vweni vuvenga ngengu, oloni vukatoka too ngwe memba.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Ezekiyele 13:22

“A makuli eni, mulinakutanganesa vanu vavavwa, vaje kunjashakele ngeci vavulumuke. Mulinakuvindika vaka-vuvi kwecela vuvi vwavo ngeci vayoye.

Ezekiyele 18:21

“Nga muka-vuvi alikela kulinga vuvi, co anyunga mashiko ange, nga alinga vije vya vushunga na vuvwa, co kakatsi embwe, mwa vushunga akayoya.

Ezekiyele 18:26

Omo muka-vushunga alikela kulinga vuvwa, co ashangumuka kulinga vuvi, co atsa, atsa omwo vuvi vuje vwanalingi.

Ezekiyele 18:28

Ananguka vije vyalinakulinga, co alikela kulinga vuvi, mwa vushunga kakatsi embwe, oloni akatwalao kuyoya.

Ezekiyele 33:14

Njasa kunangula muka-vuvi ngwange atsa, oloni nga alikela kulinga vuvi, co alinga vije vyakushungama na vuvwa,

Ezekiyele 33:5

Kutsa kwendi cinapu mulonga wendi vavenya, omwo kombileko mbunge kukumunangula. Nga wombileko mbunge, nga wasele kuputumuka nakwamena mwonyo wendi.

Mateo 9:13

Yeni mukalilongese mwaya majwi a visoneka vati endeka, ngwawo, ‘Yange njishaka kutetela, kunjishaka n̄ombelo ya tusitu,’ omwo yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Vilinga vya Miluwa 2:40

Petulu wendekele kuli vakevo na majwi amangi eka nakuvalambelela ngwendi, “Lyameneni yeni vavenya ku kunyanyamesa kulinakwija ali vanu ava va vilinga vya kupenga-penga!”

Vilinga vya Miluwa 20:21

Kuli vaYunda na kuli vaje kesi vaYunda voshe njavanangwile ngeci vatenguluke ku vivi vyavo nakwija kuli Njambi nakukulaela kuli Mwene yetu Yesu.

Vilinga vya Miluwa 26:20

Oloni akulivanga njambulwile mu Ndamasiku, co mu Yelusalema, asinoni na mu lifuti lyoshe lya Isalele na akati ka vaje kesi vaYunda, njambulwile ngeci vanapande kutenguluka ku vivi vyavo nakwiluka kuli Njambi nakulinga vyuma vije vimwesa ngeci vanatenguluka.

Vilinga vya Miluwa 3:19

Tengulukeni, asinoni ilukeni kuli Njambi, ngeci amisambese ku vivi vyeni. Nga mulingamo,

1 Timateo 4:16

Linyunge yove vavenya, co lalo ilula vilongesa vyove. Twalao nakulinga vyuma evi, omwo nga yove ulinga vyuma evi, ukalyamena yove vavenya na vaje vakakutolilila.