Ezekiyele 18:24 - Livulu lya Shukulu Kalunga

²⁴ “Oloni nga muka-vushunga alikela kulinga mwamuvwa, co ashangumuka kulinga vuvi, na vyuma vyoshe vya vunyengwe vije vivakalingi vaka-vuvi, munu ou napande kutwalao kuyoya ngacije ndi? Embwe! Nacimo cai cacivwa calingile civakanuka. Akatsa omwo akujeneka kulongwa kwendi na a vuvi vwendi.

Ezekiyele 18:24 Iomraidhean Croise

2 Mizimbu 24:2

Yowashe walingile vije vyavwaelelesele Shukulu Kalunga, a matangwa oshe akuyoya kwa Yehoyanda muka-kukombelela.

Myaso 125:5

Oloni omo uhisa vaka-vuvi, hisa lalo na vaje vayoya yoyesi ya kupenga-penga. Kwoloka kukale na Isalele!

Visimo 14:32

Vaka-vuvi vakaliwisa vakevo vavenya a vilinga vyavo vya vuvi, oloni vaka-vushunga vali noku kwakutewela a kutsa kwavo.

Visimo 21:16

Nga munu avyana kupangesa mana amavwa, akaliwana ikeye vavenya mu mbumbo.

Njelemiya 34:16

Oloni mwatengulwile lalo viyongola vyeni, co kumwanjisingimikile. Yeni voshe mwelwisile lalo vinzinda vaje mwecelele ngwe kukushaka kwavo, co mwavasindiiye lalo mu vunzinda.

Ezekiyele 17:20

Njikajangumuna linimbwa lya ciyambi nakulita, co akatsao. Njikamutwala ku Mbambilone nakumunyanyameselako, omwo kapwile muka-kulongwa kuli yange.

Ezekiyele 18:18

Ishe wakele nakukwisa nakwiva, co simbu yoshe wakele nakulinga vuvi kuli munu na munu. Ishe watsile omwo vuvi vwendi vavenya vuje vwalingile.

Ezekiyele 18:22

Co vuvi vwendi vwoshe vakavusambesa, co akayoya, omwo nalingi vya vushunga.

Ezekiyele 18:26

Omo muka-vushunga alikela kulinga vuvwa, co ashangumuka kulinga vuvi, co atsa, atsa omwo vuvi vuje vwanalingi.

Ezekiyele 20:27

“Co ololo, muna munu, leka vaIsalele vije yange Kalunga wa Akamwa ya Vyoshe, njilinakwendeka kuli vakevo. Eyi inapu ngila ikwavo ivanjishawililemo vakukulwila vavo akujeneka kulongwa kwavo.

Ezekiyele 33:18

Omo muka-vushunga alikela kulinga vyavivwa, co ashangumuka kulinga vuvi, akatsilamo vene.

Ezekiyele 33:6

Ngecivene, nga muka-kunyunga amona citozi alinakwija, co kaimbi lupembo, co citozi aija nakutsiya vaje vaka-vuvi, oloni njikana uje muka-kunyunga mulonga a kutsa kwavo.

Zefaniya 1:6

Njikanyongesa lalo vaje vanalikela kunjipangela, vaje kuvesi kwija kuli yange nambe kunjilomba ngeci njivatwamenene.”

Mako 13:13

Co voshe vakamizinda omwo lizina lyange. Oloni woshe uje akakateya na ku shongo akovoka.

Yowano 8:21

Yesu wendekele lalo kuli vakevo ngwendi, “Njilinakuya, co mukanjishakezeka, oloni mukatsa mu vivi vyeni. Kumwasa kuya kuje kunjiya.”

Yowano 8:24

Mukemwo njamilekele ngwange mukatsa mu vivi vyeni. Omwo mukatsa mu vivi vyeni nga kumukulaela ngweni ‘Yange Ou Njapwa Munjapwa.’ ”

Ngalatiya 3:3

Vulema vweni vwakufwa vatijo! Mwashangumuka na Munzinzime wa Njambi, kuma ololo mushaka kumanesa mu nzili yeni vavenya ndi?

Ngalatiya 3:4

Kuma vyuma vije mwamwene vyapwile vyangoco ndi? Mwa vushunga kuvyapwile vyangoco!

Ngalatiya 5:7

Mwakele nakulinga mwamuvwa! Iyajo namivindika kwononoka vushunga! Iyajo wamisindiiye?

1 Yowano 2:19

Mwa vushunga vene, vanu ava kuvakundamene ku mbunga yetu, omu mukemwo muvatundilile kuli yetu, nga vakevo vakundamene ku mbunga yetu, nga vali netu amo. Oloni vatusezele ngeci cipwe cakutungukwa ngeci naumo wai wavo wakundamene ku mbunga yetu.

2 Yowano 1:8

Linyungeni yeni vavevya, kutewa muzimbalesa vije twapangelele, oloni mukatambula cikandelela ceni camutunu.

Yunda 1:12

Ava vanu vakevo vanafu ngwe vitanukiso mu viwano vyeni vya cizemo omo valya neni kujeneka shwamwa. Vashakezeka lika vyavo vavenya. Vanafu ngwe mashelwa akupekumuka lika na lihunzi oloni kuwesi kunena nyonzi. Vanafu ngwe miti kuyesi kwima vushuka, nambe mu simbu ya nyangao, miti ije ivanatukula na mizi yayo inapu ya kutsa vene.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.

Kujombolola 3:11

Njilinakwija vwasi-vwasi. Nyunga mwamuvwa vije viwulinavyo, ngeci kesi kukale umo akunyeke cilongo cove cakuhyana.

1 Samwele 15:11

“Njalisimoka omo njaakele Saulu a vumwene, ikeye nanjikengesa nima, navyana mashiko ange.” Co Samwele waluvalele, walililile kuli Shukulu Kalunga vutsiki vwoshe.