Ezekiyele 18:18 - Livulu lya Shukulu Kalunga

¹⁸ Ishe wakele nakukwisa nakwiva, co simbu yoshe wakele nakulinga vuvi kuli munu na munu. Ishe watsile omwo vuvi vwendi vavenya vuje vwalingile.

Ezekiyele 18:18 Iomraidhean Croise

Muka-kwambulula 5:8

Nga umona tuutu vavayandesa mu lifuti lyeni nakuvavindika vushunga na moko yavo, co kesi ukomoke a vyuma vyangacije, omwo mwata wamundondo vamunyunga kuli mwata wakama, co akamwa yavo kuvali veka lalo vakama vavanyunga.

Isaya 3:11

Oloni vaka-vuvi vananyongo, muje muvalingile kuli vakwavo mukemwo vakalinga lalo kuli vakevo.

Ezekiyele 18:17

Akavyana kulinga vuvi, co kesi kukumwisa vimbongo ngeci awanao kakondweso embwe. Muka-kunyunga mashiko ange nakwononoka kushika kwange. Munu ou kasa kutsa, omwo a vuvi vwa ishe, oloni mwa vushunga akayoya.

Ezekiyele 18:19

“Oloni wihula ngwove, ‘Omwo vikajo mwana kayandela a vuvi vwa ishe?’ Kukumbulula cinapu ngeci, uje mwana walingile vushunga na vuvwa. Wanyungile mashiko ange nakuwakava mwamuvwa, co mwa vushunga akayoya.

Ezekiyele 18:20

Kuvanga munu uje alinga vuvi ikeye lika atsa. Mwana kasa kuyanda omwo vuvi vwa ishe embwe, nambe ishe kasa kuyanda omwo vuvi vwa munendi embwe. Munu wamuvwa vakamwana cikandelela omwo akulinga vuvwa, co munu wamuvi akayanda omwo a vuvi vwakalingi.

Ezekiyele 18:24

“Oloni nga muka-vushunga alikela kulinga mwamuvwa, co ashangumuka kulinga vuvi, na vyuma vyoshe vya vunyengwe vije vivakalingi vaka-vuvi, munu ou napande kutwalao kuyoya ngacije ndi? Embwe! Nacimo cai cacivwa calingile civakanuka. Akatsa omwo akujeneka kulongwa kwendi na a vuvi vwendi.

Ezekiyele 18:26

Omo muka-vushunga alikela kulinga vuvwa, co ashangumuka kulinga vuvi, co atsa, atsa omwo vuvi vuje vwanalingi.

Ezekiyele 18:4

Mwonyo wa munu woshe wakundama kuli yange, mwonyo wa cisemi na mwonyo wa mwanike lalo. Munu uje alinga vuvi ikeye akatsa.

Ezekiyele 3:18

Nga njikuleka ngwange muka-vuvi atsa, oloni yove kuumunangula ngeci atunde ku vingila vyendi nakwamena mwonyo wendi, ikeye akatsa, anga acili muka-vuvi, oloni mulonga wa kutsa kwendi ukakala ali yove.

Yowano 8:21

Yesu wendekele lalo kuli vakevo ngwendi, “Njilinakuya, co mukanjishakezeka, oloni mukatsa mu vivi vyeni. Kumwasa kuya kuje kunjiya.”

Yowano 8:24

Mukemwo njamilekele ngwange mukatsa mu vivi vyeni. Omwo mukatsa mu vivi vyeni nga kumukulaela ngweni ‘Yange Ou Njapwa Munjapwa.’ ”