Ezekiyele 18:17 - Livulu lya Shukulu Kalunga

¹⁷ Akavyana kulinga vuvi, co kesi kukumwisa vimbongo ngeci awanao kakondweso embwe. Muka-kunyunga mashiko ange nakwononoka kushika kwange. Munu ou kasa kutsa, omwo a vuvi vwa ishe, oloni mwa vushunga akayoya.

Ezekiyele 18:17 Iomraidhean Croise

Yombi 29:16

Njapwile ngwe nji ishe ya tuutu, co njakwasele vangenzi vaje vakele mu tuyando.

Myaso 119:1

Vanavezika vanu vaje vayoya mu vushunga, vanu vaje vononoka lishiko lya Shukulu Kalunga.

Myaso 119:3

Vanu vaje kuvesi kulinga mwamuvi, oloni vayoya mukwononoka Shukulu Kalunga.

Visimo 14:31

Nga uyandesa vanu vakuutwa, co ulinakushaula Njambi uje wavatangele, oloni nga uzivila ngozi tuutu, ulinakumusingimika.

Visimo 29:14

Nga mwene asompela kautu ngwe muje munai n̄anda, co akashwana simbu yakama.

Visimo 29:7

Muka-vushunga azivuka vije vinapande muka-kuutwa, oloni vaka-vuvi kuvazivuka vyuma vyangacije.

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Njelemiya 22:16

Ikeye waamenene vaka-kuutwa, vyuma vyoshe kuli ikeye vyendele mwamuvwa. Omu mukemwo mucalumbunukila kuzivuka Shukulu Kalunga.

Ezekiyele 18:13

nakukumwisa vimbongo ngeci awaneo kakondweso. Kuma akayoya ndi? Embwe, kakayoyo. Nalingi vyuma vyoshe evi vya vunyengwe, co akatsa. Maninga endi akakala a mutwe wendi vavenya.

Ezekiyele 18:18

Ishe wakele nakukwisa nakwiva, co simbu yoshe wakele nakulinga vuvi kuli munu na munu. Ishe watsile omwo vuvi vwendi vavenya vuje vwalingile.

Ezekiyele 18:28

Ananguka vije vyalinakulinga, co alikela kulinga vuvi, mwa vushunga kakatsi embwe, oloni akatwalao kuyoya.

Ezekiyele 20:18

Oloni njanangwile vakwenje akati kavo ngwange, ‘Kesi munyunge mashiko aje valingile vakukulwila veni, kesi mukavangeye futisi yavo nambe kulijwalesa na tumponya twavo.

Ezekiyele 20:30

Ololo leka vaIsalele vije njilinakwendeka yange Kalunga wa Akamwa ya Vyoshe ngwove, ‘Omo vikajo mulinakulinga vuvi vwa muyati umo ngwe vuje vuvalingile vakukulwila veni, akulemesa tumponya twavo?’

Ezekiyele 3:21

Nga unangula muka-vushunga ngeci kesi alinge vuvi, co ikeye atolilila kuli yove nakulikela kulinga vuvi, munu wa cifwa cangacije akayoya, co nove lalo kuukakala na mulonga.”

Ezekiyele 33:13

Njasa kukulaesa mwonyo muka-vushunga, oloni nga akulaela mu vushunga vwendi vwalaja nakushangumuka kulinga vuvi, co kunjikanuka lalo vuvwa vuje vwalingile nalumo lwai. Akatsa omwo a vuvi vuje vwanalingi.

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

VaLevi 18:26

Vilinga vyavo vya vunyengwe, vikevyo vinaviisa lifuti. Oloni yeni kumwapandele kuvilinga,

VaLevi 18:30

Co Shukulu Kalunga lalo wendekele ngwendi, “Ononokeni kushika kwange, co kesi mukavangeye vilinga vya vanu vaje vanakala mu lifuti lije akulivanga, simbu kanda muyemo. Co kesi mulijwalese yeni vavenya akulinga vyuma evi embwe. Yange njapwa Kalunga Njambi yeni.”

VaLevi 18:4

Ononokeni mashiko ange nakulinga evi vinjamishiki. Yange njapwa Kalunga Njambi yeni.

Malakiya 3:7

Kutunda ku simbu ya vakukulwila veni nakweta ku lelo lino munalimbulula mashiko ange, co kumwavilingile. Ilukeni kuli yange, co yange njikamitambula, co mwihula ngweni, ‘Vatijo twasa kwiluka kuli yove?’

Luka 19:8

Co Sangeo wemanene nakwendeka kuli Mwene ngwendi, “Tolilila Shukulu, njikana litambelo lya vufuko vwange kuli tuutu, nga njatambwile cimo kuli umo mu ngila ya makuli, co njikamufweta visimbu viwana.”

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.