Ezekiyele 17:9 - Livulu lya Shukulu Kalunga

⁹ “Ngecivene, yange Kalunga wa Akamwa ya Vyoshe, njihula ngwange, ‘Ou mukolovozi wa vushuka vwa vinyu ukayoya nakukola ndi? Kuma uje ngonga wakulivanga kakautukula na mizi yawo, nakupotola vushuka vwawo, nakupokozola minango nakuyecelela ngeci ijujwame ndi? Uje ngonga akanyongesa uje mukolovozi wa vushuka vwa vinyu kujeneka kupangesa nzili yakama nambe muyati wa vanu va nzili kumukwasa.

Ezekiyele 17:9 Iomraidhean Croise

2 Mizimbu 13:12

Co kengeni, Njambi vavenya ikeye wapwa ntwama yetu, na vaka-kukombelela vendi tuli navo vakevo vali na malupembo avo akwimba kashashutwiya nakutuleka ngeci tulwe neni. Yeni vanu va Isalele kesi mulwise Shukulu Kalunga Njambi ya vakukulwila veni! Kumukahyana embwe!”

2 Mizimbu 20:20

Alikaki mutondo-tondo vanu vakatukile vaile mu mambo ku Tekowa. Omo vakele nakuya, Njosefati wemanene wavalekele ngwendi, “Vanalume va mu Yunda neni vanalume va mu Yelusalema! Kulaeleni kuli Shukulu Kalunga Njambi yeni, co mukemana mbe. Kulaeleni vivamileka vaka-kwimanena vendi, co mukavezika.”

Njelemiya 32:5

Zendekiya vakamutwala ku Mbambilone, co akakala kuje vene noo anjikamwanukila. Nameme akalwisa vaka-Mbambilone, oloni kakasa kuhyana embwe. Yange Kalunga, njinendekamo.”

Njelemiya 37:10

Nameme nga mukafungulula mbunga ya mashwalale va Mbambilone voshe, nakuseza lika vanalume vakuvetwa vanalala mu vimbalaka vyavo, oloni vanalume vaje vakuvetwa anga vene vakenduka nakwenyeka nganda eyi.”

Ezekiyele 17:10

Eyo, vaukunine, oloni ukayoya nakukola ndi? Kuma kuukajujwama omo lihunzi lya mu ngangela likahuwila kuukewo ndi? Kuma kuukajujwama kuje kuulinakukulila ndi?’ ”

Ezekiyele 17:8

Oloni uje mukolovozi wa vushuka vwa vinyu vaukunine laja mu lihya lya vwilo, mwa mema amangi ngeci wase kumena mwamuvwa maputa nakwima vushuka nakupwa mukolovozi wa vushuka vwa vinyu vyavivwa.

Amose 2:9

“Nameme ngoco, vanu vange, omwo yeni ngeci njanyongesele vaAmoli, vaje vapwile vanu vavalaja ngwe miti ya kendale, co vakele na nzili ngwe miti ya Oke.

Kulava 14:41

Oloni Mosesa wendekele ngwendi, “Omwo vikajo kumwesi nakwononoka kushika kwa Shukulu Kalunga? Kumukahyana embwe!