Ezekiyele 17:3 - Livulu lya Shukulu Kalunga

³ vazivuke vije vinjilinakwendeka yange Kalunga wa Akamwa ya vyoshe. Kwakele ngonga wakama wa maunga amavwa na mambava akama akujanjavala. Ngonga ou wapulwile ku Minkinda ya Lembanone, nakupokola shongo-shongo ya munango wa muti wa Kendale,

Ezekiyele 17:3 Iomraidhean Croise

Njelemiya 24:1

Shukulu Kalunga wanjimwesele mitonga ivali ya vushuka vwa mikuyu ije vatumbikile kulutwe lwa Njuvo ya Shukulu Kalunga. (Eci calingiwile omo Mwene Nevukaneza wa Mbambilone natwala laja Mwene Yehoyakine wa mu Yunda muna Yehoyakime kutunda ku Yelusalema nakuya ku Mbambilone kupwa cinzinda, amolika na vantwama va mu Yunda, na vatongwe vaka-kushonga, na vatongwe vaka-kufula.)

Njelemiya 4:13

Kengeni, citozi alinakwija ngwe mashelwa. Matemba endi a nzita anapu ngwe kankumba, co tuvalu twendi vashatuka manene kutuvakana vingonga. Ngongo yetu! Tunanyongo!

Njelemiya 48:40

Shukulu Kalunga nendeka ngwendi citozi akashelumukila a Mowavi ngwe ngonga ajangumuna mambava endi,

Njelemiya 49:16

Kulyalesa kweni kunamikwisa. Naumo wai akamizivila manene lyova ngwe mumunayongola. Yeni mwakala akamwa ya mamanya ashongo-shongo ya minkinda, oloni nameme mwakala akamwa ngwe ngonga, Shukulu Kalunga akamiwisila asi. Mukemwo mwanendeka Shukulu Kalunga.”

Mbimbi 4:19

Vaka-kutukava vatushekele vwasi kutuvakana vingonga vakupulula. Vatukavele mu malundu, nakutukwatela mu mambo cishitumukila.

Ezekiyele 17:4

co watwalele uje munango ku lifuti lya vaka-kulanda nakulandulula nakuwaka mu nganda yavo.

Ezekiyele 17:7

“Co kwakele ngonga wakama mukwavo wa mambava akama manene na maunga a kuhima. Uje mukolovozi wa vushuka vwa vinyu washalaveselele mizi yawo nakutepwisila maputa awo kuli uje ngonga, mukukulaela ngeci asa kuwana mema amangi manene kutuvakana muje mu lihya muwamenene.

Ezekiyele 31:3

Yove unalifu ngwe muti wa kendale wa ku Lembanone, uli na minango na munzinze wauvwa. Muti waulaja manene unete na ku mashelwa.

Ndanyele 2:38

Nakupwisa muka-kushwana vanu voshe va ano asi nakushwana tusitu voshe na tuzila. Yove unemanena mutwe wa ngolinde uje uwamwene mu njozi yove.

Ndanyele 4:22

“Ngecivene, yove shukulu, yove unapu muti uje waulaja na nzili. Yove unapu uwakama ngeci nzili yove kuyesi naa ayahwila, vukama vwove vunete ano a kaye oshe.

Ndanyele 7:4

Cikashama wakulivanga wafwile ngwe ndumba, oloni wakele na mambava ngwe a ngonga. Omo njakengeleko, co aje mambava ashutukile. Co uje cikashama vamwimikile, co wemanene lwi ngwe munu. Co vamwanene mana a vunu.

Hoziya 8:1

Shukulu Kalunga alinakwendeka ngwendi, “Imbeni mwondo wa nzita! Vitozi valinakucuncumukila mu lifuti lyange ngwe vingonga! Vanu vange vanapokola cikumiiyo cije njalikumiiye navo, co vanatengulukila vilongesa vyange nakuvilwisa.

Hambakuke 1:8

“Tuvalu twavo valinalumbisi kutuvakana shonge, co vakevo vatewesa manene na vukalu kutuvakana tungunga. Vaka-kulonda a tuvalu vakatundu ku mafuti a kulyala, co tuvalu twavo vakalingi musindo asi na vimbemba vyavo. Vaka-kulonda a tuvalu twavo vakalu nzita vwasi-vwasi nakucuncumukila a vitozi vavo ngwe vingonga.

Mateo 24:28

“Kwoshe kuje kuli civimbi kukekwo kukalingulwila makuvi.

Mateo 4:24

Lutsimo lwendi lwetele na ku lifuti lyoshe lya Silya, co vamunenelele vaje voshe vakele nakuvinja, vakele na mishongo yakuliseza-seza yoshe na mishongo yeka, na vaje vayandele manene na minzinzime yakujwala, na vaka-kushinya, na vaka-kayekele, co Yesu wavakangwisile voshe.

Kwituluka mu Mashiko 28:49

Shukulu Kalunga akamitumina muyati wakutunda kulyala, muyati wa vanu vaje kumuzivuka ndaka yavo. Vakevo vakumicuncumukila ngwe ngonga.