Ezekiyele 17:23 - Livulu lya Shukulu Kalunga

²³ a munkinda wa Isalele uje waulaja manene. Minango yawo ikakola nakwima vushuka, co ukemuka muti wa kendale wauvwa. Co tuzila va miyati yoshe vakakalako, vakavanda mu munzinze wawo.

Ezekiyele 17:23 Iomraidhean Croise

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Myaso 80:8

Twapwile ngwe mukolovozi wa vushuka vwa vinyu uje uwatundisile ku Ingito, washekelemo miyati ya mu Kanana, co waukunine mu lifuti lyavo.

Myaso ya Solomoni 5:15

Mendi endi anapu ngwe vimanda vya mamanya akutoka akulambesa, akwimika a vwimaneno vwa ngolinde. Cifwa cendi ngwe Munkinda wa Lembanone, cacivwa manene ngwe miti ya kendale.

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Isaya 27:6

A matangwa aje akaijako, vanu va Isalele, vatekulwila va Yakomba, vakamena mizi, co vakashamwina vishani nakujovelela. Co kaye kakashula na vushuka vuje vukatunda kuli vakevo.

Isaya 49:18

Kenga mesho ove noku-noku umone vije vilinakulingiwa! Vanu vove valinakukunguluka, veluke kwimbo! Mwa vushunga ngwe omo njapwa Njambi wakuyoya, ukalyalesela ali vanu vove, ngwe mwakalyalesela shombolwa a vuzalo vwendi vwa seo.

Njelemiya 31:12

Vakaija nakwimba mwaso wakujolela a Munkinda wa Siyone, co vakavwaelela na vwana vwange, vwana vwa vimbuto na vinyu, na mazi a olive, vwana vwa vimanga na vingombe. Vakafwa ngwe lihya lyakutukumwina mema mwamuvwa, vakakala na vyuma vyoshe vije vivashaka.

Ezekiyele 20:40

Muje mu lifuti, a lilundu lyange lyakujela, munkinda waulaja wa Isalele, yeni voshe vanu va Isalele mukanjilemesa. Co njikavwaelela muli yeni, nakumikulaela ngeci munjinenele vin̄ombelo vyeni, na mulambu weni wauvwa manene, na vwana vweni vwakujela.

Ezekiyele 31:6

Miyati yoshe ya tuzila vatungilileko mashwa ku minango yawo, co tusitu vasemenenemo vana vavo mu munzinze wawo. Miyati yoshe ya mu kaye yahwiminine mu munzinze wawo.

Ezekiyele 36:8

Oloni a minkinda ya Isalele, miti ikajovelela maputa lalo nakwima vushuka vweni, yeni vanu vange va Isalele. Ololo-lolo mukeluka kwimbo.

Ezekiyele 40:2

Mu cimona Njambi wanjitwalele ku lifuti lya Isalele, co wakanjakele a munkinda waulaja. Njamwene kulutwe lwange vinjuvo vyavingi vyasholokele kufwa ngwe nganda.

Ndanyele 4:8

Asinoni Ndanyele wezile (lizina lyendi likwavo Mbeletesezale, lizina lya njambi yange.) Munzinzime wakujela wa vinjambi wakala muli ikeye, ngeci njamulekele njozi yange ngwange,

Ndanyele 4:9

Mbeletesezale, mukulunu wa vaka-mana, njazivuka ngwange, munzinzime wakujela wa vinjambi uli muli yove, uzivuka mahungu oshe. Co njileke muyinalumbunukila njozi yange eyi.

Hoziya 14:7

Vakakala kuli yange mu kwoloka. Co vakakola ngwe vimbuto, nakutuma manene ngwe mukolovozi wa vushuka vwa vinyu. Co vakapwa vaka-lutsimo ngwe vinyu vya ku Lembanone.

Hoziya 14:8

Vanu va mu Isalele kuvakalemesa lalo tumponya embwe. Njikakumbulula malombelo avo nakuvanyunga mwamuvwa. Njikavana munzinze, ngwe muti uje kuwesi kutotomoka maputa awo, yange njapwa nji nsina ya vivezikiso vyavo vyoshe.”

Mika 4:1

Mu matangwa a kulutwe munkinda aje ali Njuvo ya Shukulu Kalunga, ukapwa waulaja manene kutuvakana malundu oshe, miyati ya vanu vavangi vakaija kuukewo,

Mateo 13:32

Kakeko kapwa kakandondo manene akati ka vimbuto vyoshe vikwavo, oloni omo kakola kapwa muti wakama kutuvakana miti yoshe. Ngecivene, tuzila vaija nakutungila mashwa avo ku minango yawo.”

Mako 4:32

Oloni omo kwita lika kasimbu kakandondo, co kakola kapwa muti wakama kutuvakana miti yoshe. Co ukala na minango yakama, ngecivene, tuzila vaija nakutungilako mashwa avo.”

Luka 13:19

Vumwene vwa Njambi vunalifu ngwe munu anona kanona kamo ka mbuto ya musalata nakukakuna mu lihya lyendi. Co kakola kapwa muti wakama, co tuzila vaija vakutungila mashwa avo ku minango yawo.”

Yowano 12:24

Mwa vushunga njimileka ngwange, kuvanga nona ya tiliku iwile mu livu na kutsa. Nga itsa, asinoni ima vinona vyavingi.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

Kolose 3:11

Ngwe a cuma eci, kukwesi kaangu akati ka vaje kesi vaYunda na vaYunda, wakutuuka nambe wakujeneka kutuuka, cipwe vaka-kujeneka kulilongesa, vipapoke, vindungo, nambe vaka-kupatuka, oloni Kilistu ikeye vyoshe, Kilistu ali mu vyoshe.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”