Ezekiyele 17:20 - Livulu lya Shukulu Kalunga

²⁰ Njikajangumuna linimbwa lya ciyambi nakulita, co akatsao. Njikamutwala ku Mbambilone nakumunyanyameselako, omwo kapwile muka-kulongwa kuli yange.

Ezekiyele 17:20 Iomraidhean Croise

2 Samwele 18:9

Co kukasumuka, Avisalome waliwanene na vanu vamo va Ndaviti. Avisalome walondele a kavalu, co omo wakele nakwita mwisi ya muti wakama wa oke wakulifwa ngwe musivi, mutwe wendi wasakamenene mu minango. Co kavalu watewele, oloni Avisalome wasalele alinakujenjela a mukambwila.

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

Yombi 10:16

Nga yange njivezika, co yove unjiyomba ngwe ndumba mwakayombo kasitu, co ulisholola lalo kupwa muka-kulinga vikomokeso ali yange.

Muka-kwambulula 9:12

Omwo munu kazivuka simbu yendi omo yeta. Ngwe tuzila omo vakatsi vwasi-vwasi mu mweto, ngwe lalo visi omo vakatsi a linimbwa, mukemwo lalo na vanu vakatsi mu nganjo omo simbu ya vuvi ije kutwavandamenene yeta.

Njelemiya 2:35

mwendeka ngweni, ‘Kutwesi na mulonga, mwa vushunga Shukulu Kalunga, kaluvalele netu.’ Oloni yange Kalunga, njimihisa omwo munavyana ngweni kumwalingile vuvi.

Njelemiya 2:9

“Ngecivene, yange Kalunga, njikanena n̄anda yange mukusompa yeni vanu vange. Njikasompesa lalo vatekulwila veni.

Njelemiya 34:21

Njikakundika lalo Mwene Zendekiya wa mu Yunda na vamyata vendi kuli vaje vakavatsiya. Njikavakundika ku mashwalale va ku Mbambilone vaje vanalikela kumilwisa.

Njelemiya 37:17

Asinoni Mwene Zendekiya wanjisanene mu vushweke mu lipela lyendi, co wanjihwile ngwendi, “Kuli lijwi limo lyatundu kuli Shukulu Kalunga ndi?” Co njamukumbulwile ngwange, “Eyo kulili, Shukulu Kalunga akakwana ku mavoko a mwene wa Mbambilone!”

Njelemiya 50:44

“ Yange Kalunga njikashekela vaMbambilone kulyala kutunda mu nganda yavo, ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Mbimbi 1:13

“Watumine tuhya kutunda kwilu, tuhya tuje twenyele mukati kange. Ikeye wanjitelelele mweto, co wanjikokelele asi, wanjisezele njinatsi citunulu, co njonwele nzili litangwa lyoshe.

Mbimbi 4:20

Co vafungulwile nsina yakuyoya kwetu, ikeyo mwene uje yaangwile Shukulu Kalunga, uje itwakulaelele ngwetu akatunyunga kuli voshe vatukovelela nakutulwisa.

Ezekiyele 12:13

Oloni njikajangumuna linimbwa lyange nakumukwatelao. Asinoni njikamutwala ku nganda ya Mbambilone, akatsila kuje kujeneka kuyimona.

Ezekiyele 15:8

Vapwile vaka- kunjikulaela, ngecivene, lifuti njikalipwisa mambo.” Mwanendeka Shukulu Kalunga wa Akamwa ya Vyoshe.

Ezekiyele 17:19

Shukulu Kalunga wa Akamwa ya Vyoshe alinakwendeka ngwendi, “Mwa vushunga akupwa nji Njambi wakuyoya, njikamunyanyamesa omwo napokola cikumiiyo cije calikumiiye mu lizina lyange kucinyunga.

Ezekiyele 18:24

“Oloni nga muka-vushunga alikela kulinga mwamuvwa, co ashangumuka kulinga vuvi, na vyuma vyoshe vya vunyengwe vije vivakalingi vaka-vuvi, munu ou napande kutwalao kuyoya ngacije ndi? Embwe! Nacimo cai cacivwa calingile civakanuka. Akatsa omwo akujeneka kulongwa kwendi na a vuvi vwendi.

Ezekiyele 32:3

Omo miyati yaingi vakakunguluka, njikakukwata mu linimbwa lyange, co vakakukokangeya nakukutwala a nunda.

Ezekiyele 38:22

Njikahisa Ngonge na mushongo wakulitambwisa na kutsa. Co njikanyokesa nyonzi ya mingole na nyonzi ya mamanya, amolika na tuhya na sulufa, co aketikila ali ikeye na a mashwalale vendi, na a miyati yaingi vaje vali ku mutambela wendi.

Hoziya 2:2

Vana vange, lambeleleni vanyoko, nameme vene ikeye kapwile munakazi wange, co lalo yange kesi nji munalume wendi. Mulambeleleni ngeci alikele vupangala vwendi na vukwizi vwendi.

Hoziya 7:12

Oloni njikata linimbwa nakuvakwata ngwe tuzila omo vaya. Njikavanyanyamesa a vuvi vuje vanalingi.

Mika 6:2

“Yeni minkinda, yeni luvula lwa ku myaka yoshe lwa asi, tolilileni ku n̄anda ya Shukulu Kalunga! Shukulu Kalunga ali na n̄anda na vanu vendi. Akasompesa Isalele.”

Luka 21:35

Omwo litangwa lije likaija ku vanu voshe vali ano asi.