Ezekiyele 17:19 - Livulu lya Shukulu Kalunga

¹⁹ Shukulu Kalunga wa Akamwa ya Vyoshe alinakwendeka ngwendi, “Mwa vushunga akupwa nji Njambi wakuyoya, njikamunyanyamesa omwo napokola cikumiiyo cije calikumiiye mu lizina lyange kucinyunga.

Ezekiyele 17:19 Iomraidhean Croise

1 Vimyene 2:32

Shukulu Kalunga akahisa Yowave omwo watsiile vanu kwakujeneka tate Ndaviti kuzivuka. Yowave watsiile vanu vavali vakujeneka mulonga vaje vapwile vanu vavavwa kutuvakana ikeye, Avinele, muka-kushika nzita ya Isalele, na Amasa, muka-kushika nzita ya Yunda.

1 Vimyene 2:33

Cihiso ca monde yavo cikale a mutwe wa Yowave na vatekulwila vendi myaka yoshe. Oloni Shukulu Kalunga simbu yoshe akakwasa vatekulwila va Ndaviti vaje vatumbama a litanda lyendi.”

Njelemiya 27:8

“Oloni nga muyati umo nambe vumwene vumo kuvalikeesa ku mashiko endi, co njikanyanyamesa uje muyati na nzita, na njala ya lyangengela, na mushongo noo njikatavesa Nevukaneza kunyongesa uje muyati.

Njelemiya 37:17

Asinoni Mwene Zendekiya wanjisanene mu vushweke mu lipela lyendi, co wanjihwile ngwendi, “Kuli lijwi limo lyatundu kuli Shukulu Kalunga ndi?” Co njamukumbulwile ngwange, “Eyo kulili, Shukulu Kalunga akakwana ku mavoko a mwene wa Mbambilone!”

Njelemiya 5:2

Nameme mulemesa Shukulu Kalunga, oloni kumwesi kulinga vije mwendeka.

Njelemiya 5:9

Kuma kunjapandele kuvanyanyamesa a vyuma evi, nakulinga shambandinga a muyati wa vanu wa cifwa cangacije ndi?

Ezekiyele 16:43

Yove unevala munjakulingile omo wapwile u mwanike, co unanjiluvalesa a vyuma vyoshe vije viwalingile. Mukemwo njinakulingisa ngeci ufwete omwo a vije vyoshe. Omwo vikajo unaakelako lalo vupangala ku vyuma vyoshe vya vunyengwe vije viwalingile?” Mwanendeka Shukulu Kalunga wa Akamwa ya Vyoshe.

Ezekiyele 16:59

Shukulu Kalunga wa Akamwa ya Vyoshe alinakwendeka ngwendi, “Yange njikakupangesa ngwe mu ngila ije inakupande, omwo kuwombile mbunge ku vikulaeso vyove, co wapokwele cikumiiyo.

Ezekiyele 17:18

Wapokwele cikumiiyo cendi na lizivasano lije lyalingile. Walingile vyuma vyoshe evi, co ololo kasa kuputumuka embwe.”

Ezekiyele 17:20

Njikajangumuna linimbwa lya ciyambi nakulita, co akatsao. Njikamutwala ku Mbambilone nakumunyanyameselako, omwo kapwile muka-kulongwa kuli yange.

Ezekiyele 9:10

Oloni kunjikavazivilako mema ku mbunge, njikalinga kuli vakevo ngwe vije vivanalingi kuli vakwavo.”

Kwituluka mu Mashiko 5:11

“ ‘Kesi mukapangese lizina lyange mwamuvi, omwo yange Kalunga Njambi yeni njikahisa voshe vaje vakapangesa lizina lyange mwamuvi.