Ezekiyele 17:13 - Livulu lya Shukulu Kalunga

¹³ Co waangwile umo wa ku naanga ya mwene, walingile nendi cikumiiyo, nakumusingisa ngeci apwe wa kulongwa. Watwalele vanalume va vulemu kupwa vakwatika,

Ezekiyele 17:13 Iomraidhean Croise

2 Mizimbu 36:13

Zendekiya watengulukilile Mwene Nevukaneza nakumulwisa, uje wamusindiiye alisinge mu lizina lya Njambi ngeci akapwe wa kulongwa. Oloni katavele, co welukile kuli Shukulu Kalunga, Njambi ya Isalele.

Isaya 3:2

na vingenyenye vavo, na mashwalale vavo na maako vavo, na vaka-kwimanena vavo, na vaka-kutaa vavo, na vamyata vavo,

Njelemiya 24:1

Shukulu Kalunga wanjimwesele mitonga ivali ya vushuka vwa mikuyu ije vatumbikile kulutwe lwa Njuvo ya Shukulu Kalunga. (Eci calingiwile omo Mwene Nevukaneza wa Mbambilone natwala laja Mwene Yehoyakine wa mu Yunda muna Yehoyakime kutunda ku Yelusalema nakuya ku Mbambilone kupwa cinzinda, amolika na vantwama va mu Yunda, na vatongwe vaka-kushonga, na vatongwe vaka-kufula.)

Njelemiya 29:2

Njausonekele a simbu omo Mwene Yehoyakine, na vaina, na vamyata va lipela, na vantwama va mu Yunda na mu Yelusalema, na vaka-vipangi vyakushonga, na vatongwe va vipangi vanavatwala laja mu vunzinda.

Njelemiya 37:1

Mwene Nevukaneza wa Mbambilone wengisile Zendekiya muna Yosiya mwene wa mu Yunda mu mwela wa Yehoyakine muna Yehoyakime.

Njelemiya 5:2

Nameme mulemesa Shukulu Kalunga, oloni kumwesi kulinga vije mwendeka.

Ezekiyele 17:16

“Shukulu Kalunga wa Akamwa ya Vyoshe alinakwendeka ngwendi, mwa vushunga akupwa nji Njambi wakuyoya, mwene ou akatsila mu Mbambilone, omwo wapokwele cikumiiyo cendi na lizivasano lije lyalizivasanene na mwene wa ku Mbambilone, uje wamupwisile mwene.

Ezekiyele 17:5

Asinoni wambatele kamuti kakandondo mu lifuti lya Isalele, co wakakakunine mu lihya lya vwilo, muje mwakele mema simbu yoshe akukakolesa.

Ezekiyele 21:28

“Muna munu, ambulula vuka-kwimanena. Ambulula evi yange Kalunga wa Akamwa ya Vyoshe, njilinakwendeka kuli vaAmoni vaje valinakushaula Isalele, endeka kuli vakevo ngwove, ‘Mukwale vanauvwaesela cimweja kunyongesa, vanaukalula mukutsiya, uvyakula ngwe muhyato.’

Hoziya 10:4

Vendeka majwi angoco nakulikumiiya vikumiiyo vya makuli nakulinga vusamba vwa makuli. Co vushunga vunemuka vuvi, vulinakukula ngwe shaku ya vushungu mu lihya livanalimi.

1 Samwele 11:1

Omo yahwile ngonde, Nahashe kaAmoni waile nakulwisa limbo lya Njembeshe mu lifuti lya Ngilyande. Co vanalume va ku Njembeshe vendekele kuli Nahashe ngwavo, “Linga lizivasano netu, co ukatushwana.”