Ezekiyele 16:59 - Livulu lya Shukulu Kalunga

⁵⁹ Shukulu Kalunga wa Akamwa ya Vyoshe alinakwendeka ngwendi, “Yange njikakupangesa ngwe mu ngila ije inakupande, omwo kuwombile mbunge ku vikulaeso vyove, co wapokwele cikumiiyo.

Ezekiyele 16:59 Iomraidhean Croise

Isaya 24:5

Vanu vanajwalesa kaye omwo vanapokola mashiko a Njambi, nakupokola cikumiiyo cije calikumiiye navo ca ku myaka yoshe.

Isaya 3:11

Oloni vaka-vuvi vananyongo, muje muvalingile kuli vakwavo mukemwo vakalinga lalo kuli vakevo.

Njelemiya 11:10

Vanelukila ku vingila vyavivi vya vakukulwila vavo, co vanavyana kwononoka ku majwi ange, valinakukavangeya vinjambi veka nakuvalemesa. Miyati ya Isalele na Yunda vanavyana cikumiiyo cije njalikumiiye na vakukulwila vavo.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 22:9

Asinoni vakakumbulula ngwavo omwo mwasezele cikumiiyo ceni nange Njambi yeni, co mwalemesele nakupangela vinjambi veka.”

Njelemiya 31:32

Cikeco kucikapu ngwe cikumiiyo cije calaja cinjalikumiiye na vakukulwila vavo, omo njavambatele na livoko lyange kuvatundisa mu Ingito. Nameme njapwile nji munalume wavo, oloni kuvanyungile cikumiiyo cije.

Ezekiyele 14:4

“Ololo endeka kuli vakevo nakuvaleka vije vinjendeka yange Kalunga wa Akamwa ya Vyoshe, ngwange, kaIsalele woshe uje naaka mbunge yendi ku tumponya nakutava ngeci vamutwamenene mu vuvi, co lalo aija nakwihula muka-kwimanena, co njikamukumbulula kukumbulula kuje kunapande tumponya twendi twatungi!

Ezekiyele 17:19

Shukulu Kalunga wa Akamwa ya Vyoshe alinakwendeka ngwendi, “Mwa vushunga akupwa nji Njambi wakuyoya, njikamunyanyamesa omwo napokola cikumiiyo cije calikumiiye mu lizina lyange kucinyunga.

Ezekiyele 7:3

“Isalele, kukotoka cinete. Njikaluvala nove, omwo njikakusompa a vije viwunalingi. Njikakwilwisila vilinga vyove vya vunyengwe vyoshe viwunalingi.

Ezekiyele 7:4

Nalumo lwai njikakusezao, nambe kukuzivila mema ku mbunge. Njikakunyanyamesa omwo a vyuma vya vunyengwe vije viwunalingi, ukazivuke ngeci kuma yange Kalunga.”

Kwituluka mu Mashiko 29:24

Asinoni vanu voshe va mukaye vakehula ngwavo, ‘Omwo vikajo Shukulu Kalunga nalingi eci ku lifuti lyavo? Cuma mukajo camuluvalesa na vukalu vwakama ngacije?’

Kwituluka mu Mashiko 29:25

Co vakakumbulula ngwavo, ‘Omwo vanu va Shukulu Kalunga kuvanyungile cikumiiyo, cije Shukulu Kalunga Njambi ya vakukulwila vavo, walikumiiye navo omo wavatundisile mu Ingito.