Ezekiyele 16:57 - Livulu lya Shukulu Kalunga

⁵⁷ simbu kanda vuvi vwove vuje vuwalingile vusholoke? Co ololo unafu ngwe ikeye, vaEndome na vaFilisitiya na vandambo vove veka vaje vakuzinda valinakukushendumuna.

Ezekiyele 16:57 Iomraidhean Croise

Myaso 50:21

Vyuma vije vyoshe viwunalingi, yange njolokele kuluu, yove wayongwele ngeci yange njafwa ngwe yove. Oloni njikakwendekela nakukunungulwilavyo citona-mesho.

Isaya 14:28

Awa akewo majwi atundile kuli Shukulu Kalunga mu mwaka uje watsile Mwene Ahaze.

Isaya 7:1

Omo Mwene Ahaze muna Yotame mutekulu wa Uziya washwanene mu Yunda, co kwakele nzita. Mwene Lezine wa Silya, na Peka muna Lemaliya mwene wa mu Isalele, valwisile Yelusalema oloni kuvaifungulwile.

Njelemiya 33:24

“Wazivuka ngeci vanu valinakwendeka ngwavo yange njinavyana Isalele na Yunda, vinaanga vivali vije njaangwile? Co valinakukenga vanu vange na kayengu, nakuvayongola ngwe kesi muyati.

Mbimbi 4:22

Siyone natambula fweto yendi ya vuvi, co Shukulu Kalunga kakavatumbika lalo mu vunzinda embwe. Oloni Endome, Shukulu Kalunga akakunyanyamesa nakusholola milonga ya vilinga vyove.

Ezekiyele 16:27

“Co ololo njinolola livoko lyange, nakukuhisa, co njinakunyeke vivezikiso vyange. Njinakukundika ku mavoko a vaFilisitiya, vaje vakuzinda, co vanazivi vunyengwe vwa vilinga vyove vya vukwizi.

Ezekiyele 16:56

Kuma kuwashendumwine ndokazi yove Sondoma a matangwa aje omo walyalesele,

Ezekiyele 21:24

Eci cikeco yange Kalunga wa Akamwa ya Vyoshe njilinakwendeka. Vuvi vweni vunasholoka. Munu woshe nazivuka milonga yeni. Mulinakusholola vuvi vweni a vilinga vyeni vyoshe. Vanamihisa laja, co njikamyana kuli vitozi veni.

Ezekiyele 22:4

Yove uli na mulonga omwo vanu vaje vawatsiile, nakulijwalesa na tumponya tuje tuwalingile, ngecivene, litangwa lyove lilinakwija, simbu inete. Mukemwo njinatava miyati yoshe vakushendumune, na mafuti oshe vakuyeluwise.

Ezekiyele 23:32

Shukulu Kalunga wa Akamwa ya Vyoshe alinakwendeka ngwendi, “Nove ukanwa ku nganja ya ndokazi yove, inapu nganja yakama yakulova. Munu woshe akakuyeluwisa nakukushendumuna, omwo nganja eyi inashulu na vyavingi.

Ezekiyele 27:16

Vanu va ku Silya valandulwile nove, omwo wakele na vyuma vyavingi. Valandakanene emalinde, na vinanga vyakuvenguluka, na vinanga vyakushelasana, na vinanga vyavivwa vya linyu, na kolale, na lumbi, mukulanda vufuko vwove.

Ezekiyele 5:14

Co vanu voshe vakutunda ku mafuti aje anamizengeleka, vakamiyeluwisa nakumishondoloka.

Ezekiyele 5:15

“Omo njiluvala na litoto lyakama nakuminyanyamesa, co miyati yoshe vaje vanamizengeleka vakalishoshomwena. Vakamikenga na vunyengwe nakumishendumuna.

Hoziya 2:10

Njikamushulula akale mushelengwa ku mesho a vaka-cizemo cendi, co naumo wai akasa kumwamena ku nzili yange.

Hoziya 7:1

“Oshe aje anjishakela kukangwisa vanu vange va Isalele ngeci vakale lalo mwamuvwa, vyoshe njilinakumona vinapu kupenga-penga kwavo na vuvi vuje valinakulinga. Valinakulikwisa umo na mukwavo, vatuva vinjuvo nakwiva, co vevila vanu mu vitapalo.

Zefaniya 3:19

Simbu ilinakwija! Njikanyanyamesa vaka-kumiyandesa, co njikapatula vilema voshe nakwilwisa vinzinda voshe kwimbo, co njikatengulula shwamwa yavo kupwa kasingimiko, na vaka-kaye voshe vakavashangazala.

Kulava 23:7

Co Mbalame wendekele vuka-kwimanena vwendi ngwendi, Mbalake mwene wa vaMowavi ikeye nanjinena kuno, kutunda ku Silya, ku minkinda ya mu ngangela, ikeye wendekele ngwendi, “Ija wakunjisingileko Yakomba, nakunjikun̄wilako vanu va Isalele.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.