Ezekiyele 16:50 - Livulu lya Shukulu Kalunga

⁵⁰ Valyalesele nakukaluwisa vimbunge vyavo, co valingile vyuma vije vinjazinda, ngecivene, njavanyongesele, ngwe muunazivukila.

Ezekiyele 16:50 Iomraidhean Croise

Kushangumuka 13:13

Vanu va ku Sondoma vapwile vaka-vuvi, valingile vyuma vyavivi manene ku mesho a Shukulu Kalunga.

Kushangumuka 18:20

Asinoni Shukulu Kalunga wendekele kuli Avilahama ngwendi, “Njinazivi a vuvi vwakukomokesa vuli mu Sondoma na Ngomola.

Kushangumuka 19:24

Aje vene, Shukulu Kalunga wanyokesele tuhya twa lilungu lyakama a vinganda vya Sondoma na Ngomola.

Kushangumuka 19:25

Co wanyongesele membo oshe, na cana coshe, amo na vanu voshe vakelemo, na vyuma vyoshe vije vyamenene muje.

Kushangumuka 19:5

Vasanene Lote nakumwihula ngwavo, “Vali kulijo vaje vanalume vaneja kuli yove vutsiki vuno? Tutuwisilevo ano anja!” Vanalume va mu Sondoma vendekele ngacije omwo vashakele kulala navo.

2 Vimyene 23:7

Co wasiwile vinjuvo vya vikwizi vije vyakele mu Njuvo ya Shukulu Kalunga. (Mukemwo muje muvakele nakupangela vanakazi vuzalo vwakupangesa mukulemesa Ashela.)

Yombi 18:15

Co ololo munu woshe nasa kukala mu mbalaka yendi, co vaketilao Sulufa.

Visimo 16:18

Kulyalesa manene kutwala munu kukunyonga.

Visimo 18:12

Kulyalesa kutwala kukunyonga, kulikeesa kutwala ku kasingimiko.

Isaya 13:19

Vumwene vwa Mbambilone vwapwa vwavuvwa manene na nzili kutuvakana vumwene vwoshe, vavenya vumwene valyaleselavwo. Oloni yange Kalunga, njikanyongesa Mbambilone ngwe munjanyongesele Sondoma na Ngomola!

Njelemiya 20:16

Apwe ngwe vinganda vije vyanyongesele Shukulu Kalunga, kwonwa kuvizivilako mema ku mbunge. Azive mutambi wa kuuya-uya ku simbu ya mutondo na mutambi wa nzita ku simbu ya mutanya,

Njelemiya 49:18

Cuma cimolika cikalingiwa ku Endome ngwe cije calingiwile ku Sondoma na Ngomola, omo vakevo na vinganda vyakwatako vavinyongesele. Co naumo wai lalo akakala muje. Yange Kalunga, njinendekamo.

Njelemiya 50:40

Cuma cimo cikalingiwa ku Mbambilone, ngwe cije calingiwile ku Sondoma na Ngomola, omo njavanyongesele amo na vinganda vije vyakele kuyehi. Naumo wai lalo akakala muje. Yange Kalunga, njinendekamo.

Mbimbi 4:6

Vanu vange vanavanyanyamesa manene kutuvakana vuvi vwa Sondoma, nganda ije yanyongele na nzili ya Njambi.

VaLevi 18:22

Munalume kapandele kulala na mukwavo munalume, capwa cizila. Njambi azinda eci.

Amose 4:11

“Njanyongesele vamo veni ngwe munjanyongesele Sondoma na Ngomola. Co vamo veni vaje vaputumukileo vapwile ngwe cimbundi cakwenya cije civanatundisa mu liko. Nameme ngoco kumwelukile kuli yange.” Mwanendeka Shukulu Kalunga.

Zefaniya 2:9

Mwa vushunga vene yange Kalunga Njambi wa Isalele uje wayoya, njilinakulisinga ngeci Mowavi na Amoni vakanyonga ngwe Sondoma na Ngomola. Mafuti avo akemuka mitambela ya vimbulu vya mwongwa muje kuvakasa kulima vimbuto, co mukamena shaku lika. Co vanu vange vaje vakasalao vakapukula nakwambata lifuti lya Mowavi na Amoni.”

Kwituluka mu Mashiko 23:17

“Kesi kukakale cikwizi akati ka vana va vanakazi va vaIsalele, nambe kesi kukakale vundeyi akati ka vana va vanalume va vaIsalele embwe.

Kwituluka mu Mashiko 29:23

Mahya akominina, akakakama na lilungu, na mwongwa, cuma nacimo cai cikamenamo, nameme mwila. Co lifuti lyeni likafwa ngwe vinganda vya Sondoma, na Ngomola, na Andema, na Zemboime, vinganda vije vyanyongesele Shukulu Kalunga omo waluvalele manene.

2 Petulu 2:6

Njambi wahisile vinganda vya Sondoma na Ngomola, wavinyongesele na tuhya, co wavipwisile cimweso ali vije vikalingiwa kuli vaka-vuvi.

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Kujombolola 18:9

Co vimyene va ano asi vaje valingile nendi vupangala na mashungu amavi vakalila nakulinyenga omo vakamona vwisi vulinakukakumuka omo alinakwenya.