Ezekiyele 16:5 - Livulu lya Shukulu Kalunga

⁵ Naumo wai wakuzivilileko mema ku mbunge nakukulingilako vyuma evi. Omo wasemukile, naumo wai wakuzemene. Vakumbilile mushandangala yangoco.

Ezekiyele 16:5 Iomraidhean Croise

Kushangumuka 21:10

Ngecivene, omo Sala wavamwene, co wendekele kuli Avilahama ngwendi, “Sheka ou ndungo wa munakazi na munendi. Mwana wou munakazi kapandele kushwana vufuko vwove, vuje vwakashwana munange Isake.”

Kutuuka 1:22

Asinoni akukotoka mwene washikile vanu vendi voshe ngwendi, “Vana va vaHevelu va vanalume voshe vombileni mu Ndonga ya Nailo, oloni eceleni lika vimbututu va vanakazi vayoye.”

Isaya 49:15

Ngecivene, Shukulu Kalunga wakumbulwile ngwendi, “Kuma munakazi kasa kwivala munendi uje ajamwa ndi? Kuma asa kuzinda munendi uje yakitile ndi? Nameme nga vaina ya munu vevala munavo, oloni yange kunjikamivala.

Njelemiya 22:19

Vakamutsinda ngwe cimulu, vakamukoka nakumumbila anja ya vikolo vya Yelusalema.”

Mbimbi 2:11

Mesho ange avenga ngengu nakulila, mwonyo wange uli mu vukalu. Njinazeye na vusiwa akunyonga kwa vanu vange. Vanike na vimbututu valinakulezumukila mu vitapalo vya mu nganda.

Mbimbi 2:19

Induka-induka vutsiki vwoshe ngeci ulombele kuli Shukulu Kalunga, ngeci ecele mbunge yove nakumulomba ngeci akuzivileko mema ku mbunge a vana vove vaje valinakulanduka ku njala mu vimbango vyoshe vya vitapalo!

Mbimbi 4:10

Tuyando twakama tuje twezile ali vanu vange twavanenelele tuyando twakukomokesa, visemi va vanakazi vatelekele vana vavo kupwa vyakulya vyavo.

Mbimbi 4:3

Nameme vaina ya vana va vimbanje akalele mwamuvwa vana vendi, oloni vanu vange vanapu ngwe vanavilanda, vali na muuka kuli vana vavo.

Ezekiyele 16:6

“Asinoni omo njetile kuyehi nove, njakumwene ulivulunga mu maninga ove, walivulungile mu maninga, oloni njakuyoyesele.

Ezekiyele 2:6

“Oloni yove, muna munu, kuwapandele kuvazivila lyova nambe kuziva lyova lya vije vendeka. Vakevo vakakuleulula nakukuyeluwisa, cikapwa ngwe ulinakukala akati ka manyewe. Nameme ngoco, kesi ukazive lyova lya vaje vaka-kunjitengulukila nambe kuziva lyova lya vije vendeka.

Kulava 19:16

Nga munu akwata a munu uje ivanatsiila anja yangoco, nambe uje natsi ku monde, nambe nga munu akwata a citsiya ca munu watsile laja, nambe a mbumbo, co ikeye akapwa wakujeneka kujela a matangwa atanu na avali.

Kwituluka mu Mashiko 32:10

“Ikeye wavawanene vendangana mukati ka mambo, mu mambo, mwakuhuwa lihunzi, mwakujeneka mema. Ikeye wavanyungile nakuvalela, ngwe munu mwakanyungu lisho lyendi.